朋友介紹Chris Ling俾我地， 主要跟進我個staff係Yuki，咁我唔係一個好有主見嘅人，所以prewedding要揀地方嗰陣，問我D地方要點樣搭去、點樣先方便，或者影咩地方，我真係一頭霧水，因為都真係唔知可以或者應該由邊到開始去揀起。所以Yuki佢好nice，真係俾左好多意見我點樣行會比較好😌 佢又問我想影D咩，我想要有D樹林，有水，咁佢就建議左好多地方俾我地。同埋佢介紹嗰個化妝師Fanny，我化完個妝真係覺得好靚😍同埋攝影師Andrew 影相都影到我地想要嗰個感覺，雖然一開始同佢講想要係好憑空，但係佢都做到，未執相之前已經係我地想要嗰個感覺，好surprised同好鍾意！

我地係揀左喺山頂公園同埋迪欣湖影prewedding，化妝師當日係超級快手！因為我頭髮係幼髦毛，本身有時會有D演出項目，D髮型師set頭真係set左幾個鐘都搞唔掂，但係Fanny好快幫我整到👏🏼 同埋我有鴛鴦眼，一隻單眼皮，一隻雙眼皮，Fanny都執到兩隻眼一模一樣，我就覺得佢真係好得! 仲有我唔係好識笑，但係Andrew都有辦法令我地笑得好自然，同埋影出黎真係好靚，想要有文青有文青，想要浪漫有浪漫！我覺得人地好辛苦先可以擺到嗰D pose，Andrew都guide得好好，咁就搞掂左！

排版嗰個姐姐都排得好好，D相點樣左右對稱，或者空白位置我想擺D文字，佢都幫我揀左好多好浪漫嘅英文句子，等我可以fit哂D空白位。另外佢地執相好快，我仲睇左兩次稿😌 因為我個身有D疤痕，佢都執得好多同執得好好！我最鍾意佢地個身型唔會執得太多，唔會執到同我真人完全唔同，同埋佢會講有邊D可以執，邊D位唔可以執太多咁😙 揀相嗰度，雖然人有三心兩意，但佢地都俾左好多guidance話我知點樣揀，點樣先為之一set，同點排版會好D，佢地都會教到我，係好有經驗😍

 因為我地嘅prewedding經驗實在太好，所以big day佢地都係我地不二之選！最好係有一條龍服務，衫、化妝、攝影都有，講得衰D，我擺低錢就可以解決哂所有嘅野😝因為我之前都睇過有D地方，可能衫你好滿意，但係影相你唔滿意，或者有時會調返轉，但係Chris Ling每一個部分我都滿意，咁樣嘅選擇真係唔多! 佢D衫真係好靚，同埋update得好快，每季都有新款出！我安排結婚嘅時間都比較耐，有成年時間，每季都會想去試下衫，所以有好多update嘅款我可以不停揀😝  佢最後先會firm你要邊條裙係big day著，呢個係我好鍾意嘅位，可以換款😙 我原本諗嗰幾款裙，著左上去真係一D都唔靚，最後尾我係轉哂我覺得著上身會瘦小小嘅款。試身每一次都唔同姐姐，但係佢地會唔怕煩，因為有D公司真係會話：「你試咁多套，係咪路架？」但係Chris Ling嘅staff 都ok，無話唔耐煩、唔想或者唔俾你去試 👍🏻 因為我個人真係無咩決斷能力，要試多幾件先知自己想點😝 佢地都會俾好多意見我，例如露肩定唔露肩、或者露幾多、或者尺寸咩size、又會教埋我點樣會舒服D、入面應該要著girdle定係nubra會靚D等等。佢又會提埋我換衫嗰陣就要做埋呢樣野，咁我就唔使諗咁多。

我最鍾意佢地Big Day photography嗰度，我D姊姊其實唔係咁識講野，斟茶嗰D程序其實大家都係唔係咁清楚。當我D姊妹唔知要講咩嗰陣，佢地其中一個攝影師同埋一個videographer都會講D好吉利說話幫我地兜返，又可以氹下D老人家！我地寫左rundown，邊個時候要做D咩咁，佢地真係提到又幫到我地好多！👍🏻早拍晚播好感動，影片質素全部都好好，我好鍾意佢用故事形式去講哂我地相識到結婚嗰日中間係點樣，我地都覺得好窩心💕

本身我地都好似大海撈針咁係婚展睇唔同嘅婚攝影公司，見到Chris Ling佢地嘅攝影方式好真實好自然，我又好鐘意呢種風格，所以比佢地吸引左😇佢嘅同事講得好清楚有咩係包、有咩係唔包，我地個package包兩本相簿、油畫同75張相，咁我覺得都好足夠。 決定左搵Chris Ling 之後都有同佢地開過5-6次會架喇。原本我地想係香港影，但係因為工作原因我地都成年無去旅行，所以last minute就話不如去外國影喇😎同埋都係因為工作上就唔岩時間，join唔到佢地去外國影嘅pre wedding tour，咁Chris Ling公司喺星加坡有個studio, 就suggest左我地去星加坡影。跟我地嘅sales叫Yuki, 佢好令我impressed, 因為佢所有野都跟得好貼💖由我地決定pre wedding係零concept開始，有咩問題我都會whatsapp Yuki問佢，佢anytime都會覆，我有咩疑慮佢亦都會安撫我，所以成件事好smooth 😚我覺得有一個女仔咁樣跟住我地去follow up 件事就好好👍🏽開會期間佢地都比左好多suggestions我地，比左唔同地方嘅相我地睇下影出黎會有咩感覺，亦都有了解過我地嘅故事，點樣認識，同mark底我地有咩野可以帶埋去影咁。服裝方面雖然係要喺合約規定嘅款度揀，但我覺得女裝都夠多款同埋都揀到，因為有好多種類，而且都好新淨同幾靚～我試左7-8套，最後揀左 2件婚妙，反而男裝如果多D選擇就會再好D！幾貼心嘅係Chris Ling特登係星加坡幫我地搵番個識廣東話嘅攝影師，叫 Jacky，所以溝通容易D。Jacky會透過傾計模式一問一答咁幫我地影，所以成日有對望嘅位咁，影出黎好自然😍😍！化妝師May都做得好好～影完之後Chris Ling會放曬所有場景嘅相出黎5 張5張咁比我地揀，最後我地都揀左包嘅75張相。呢種一條龍嘅Package好好，物超所值，又比我地預期中好😆我都已經推薦左比我D朋友去影pre wedding!