Chris Ling 嘅團隊成班人都好 nice，好有耐性咁解釋影相流程，佢哋強調希望影出嚟嘅相係屬於我哋嘅故事，而唔係淨係靚相。呢點我幾欣賞，感覺Chris Ling真係會代入我哋新人嘅角度去諗。團隊又會幫手 plan 攝影主題，又會教我哋點樣表達，所以影嘅時候我哋都好投入😝。我哋印象最深嘅主題係「裝修屋企」，攝影師好有心機，準備咗好多道具，例如油漆、地板，仲特登整壞塊地板俾我哋「黐返上去」扮裝修，甚至真係俾我哋上油油。呢啲細節令啲相出嚟效果真實好多，我哋自己玩得都好投入💕。

至於禮服，我一見到 model 著嘅衫就覺得啱，所以好快就揀好。影相過程入面，攝影師會俾指示我哋，例如係望邊個方向、擺咩pose。但最幫到我嘅係Chris Ling會用好輕鬆嘅方式同我哋影相，好似同我哋講下笑咁，令我冇咁緊張。因為我平時好少影相，一年都未必影到十張， 起初真係幾尷尬🥹。但慢慢我開始放鬆，表情自然咗好多。一開始我諗一日之內影幾百張相，真係好大壓力。不過攝影師氣氛掌握得好好，會講下笑令我逐漸放鬆，冇咁拘謹，成個人自然咗，效果就越嚟越好🌟。

除咗攝影師，我都幾欣賞化妝師。佢會因應唔同主題去幫太太化妝，例如著婚紗就化得高貴啲；著便服就輕鬆自然啲，襯返場景同衫。成個過程都睇得出唔係一式一樣，而係因應需要去調整個妝，真係幾細心👍。婚紗方面，我試衫嗰陣有帶埋媽媽同阿姨去，佢哋一見到啲婚紗就好鍾意，覺得好靚。我自己都覺得幾啱心水，因為啲款好特別😙，同事亦會因應我嘅身型幫我揀合適嘅款。雖然同事搞錯咗我哋件衫，但佢哋即刻承認錯誤，搵方法補救，即場用針改返，態度都好誠懇！

當時除咗Chris Ling之外，其實我都有上網睇過其他團隊，最後揀咗佢哋嘅原因係覺得Chris Ling好熱情，加上有啲特別優惠，都幾吸引😆。團隊幾 helpful，有咩問題問佢哋都會俾到意見，所以我對佢哋嘅印象都幾好。我自己揀咗Chris Ling嘅pre-wedding 拍攝同租衫服務。講到婚紗款式，原本我都冇抱太大期望，因為佢哋平時冇乜特別宣傳啲衫😝。但去到之後，出乎意料嘅係，當我俾咗幾張相佢哋，同事好快就搵到啱我心水嘅款。相比起我之前喺外面試過好多間都搵唔到啱嘅，Chris Ling真係俾到驚喜我❤️。攝影師喺影相之前都有同我哋溝通過，問我鍾意啲咩風格，或者邊啲角度比較好睇，呢啲細節佢都有留意。揀地點方面，其實都係聽返Chris Ling嘅建議，因為佢哋比較熟路，知道邊啲地方啱影 pre-wedding，我哋就慳番好多時間自己去 plan🙌🏻。

我特別想讚嘅係化妝師。我影咗室內同室外兩輯，第一輯嗰陣我只係俾咗張相佢參考，佢真係化到我想要嘅妝容，效果好滿意😙。所以去到第二輯，我都特登指定想搵返同一個化妝師，最後Chris Ling都安排到。成個拍攝過程入面，化妝師唔只係幫我化妝咁簡單，仲會全程照顧我，好細心。幫我執下頭髮、補妝之外，仲會幫我拎下裙尾，甚至幫我拎反光板🥳。其實好多嘢唔係佢本身嘅份內事，但佢都主動幫手，真係好窩心。感覺佢唔只係化妝師，好似仲係助手咁，令我成程都好放心🌟。

成個拍攝過程入面，攝影師幫咗我哋好多。佢會主動教我哋點樣擺 pose，仲會帶動氣氛，令我哋冇咁緊張。始終新人第一次面對鏡頭咁耐，好容易會覺得尷尬，好彩攝影師引導得幾好，所以我哋都幾快投入到🥰。 啲相出嚟嘅效果幾乎同我哋心目中想像差唔多，原本個 package 包三十幾張相，但最後我哋都忍唔住加咗好多張，因為真係有唔少相好值得留低🌟。不過Chris Ling嘅客人真係比較多，有時候我哋講咗嘅嘢，可能佢哋會 miss 咗一次，要再提第二次，所以我覺得如果佢哋可以再增加人手，就會更加好！