行婚展見到Chris Ling  D promo，backdrop 畫同埋相簿，或者D婚紗都幾吸引，所以入去睇下佢地sell D plan。佢地講解都詳盡，始終一對新人真係完全咩都唔識，我地唔知應該點樣入手，同有時都好驚間公司係會判出去比人做，好怕出到黎唔係我地想要果樣野，呢D問題佢地都會講解比我地聽👍🏽我搵左佢地影pre wedding，本來big day我就搵左另一間公司架喇，咁但係另一間公司個service同埋態度呢，我真係接受唔到，完全無任何人去follow你，問嘅野都係好模稜兩可，加你入group個到又會有D人退群，但又會無人話返俾你聽點解會咁，都令我地好擔心。所以最後我都無揀佢，係返轉頭搵返Chris Ling。 點解會咁做呢？因為我未有黎個決定之前，Chris Ling有問我地：係喎，你地就黎big day架喇喎，咁你地D野攪掂哂未呀？嗰陣其實我pre wedding d 野已經完成哂架，我會覺得一間公司幫你做左pre wedding，完成左後仲會再關心你，真係俾到我個感覺係真心D、溫暖D，真係會幫你去跟😁所以我就算落左7000幾蚊訂，都唔要原本搵嗰間攝影，搵番Chris Ling。我覺得Chris Ling 做野真係有保障! 做左呢個決定之後，我都搵返Yuki，嗰陣講緊得返半個月左右，我都好驚如果佢無期，係咪又要搵第二間？咁Yuki都好好，好快可以覆到我話OK, 抽到個檔期俾我，所以真係好欣賞佢地😇

我地去台灣影pre wedding，過程都係有D辛苦架，同埋個攝影師都係高要求。我個陣都心諗：點解咁高要求嘅，咁耐都未影完？但係之後睇返D相，發現其實佢地都影得辛苦！我地影咁耐，佢地都無停過，人地食飯都無時間食，淨係就咁食個包就急急腳再同你去影，最後真係俾到我想要嘅效果，當初都驚會唔會影到好老土，好台味呢，但係朋友都話幾靚呀，唔講係台灣都唔知🤣我地揀台灣都係因為我同我老婆第一次去旅行係台灣，想將來睇返會有個回憶。我地去台北，佢地就話台北無咩影架喎，就建議去合歡山，我地search完都覺得幾好，就決定去呢到影，所以我都好多謝佢地所有嘅員工！我都同佢地講，如果有朋友需要，我都會介紹Chris Ling比佢地。 至於衫方面，我本身比較橫，無咩衫岩我，所以就無係佢地到租。不過我老婆就好滿意嘅，無論褂、婚紗、敬酒迎賓或者簽紙嗰套婚紗，全部都係嗰度租。Chris Ling sell佢地所有衫都係有自己設計師造嘅，咁我地都睇到佢地D婚紗款係真係唔錯，唔係殘殘舊舊，所以我太太同佢屋企人溝通過都覺得ok, 就所有野都係嗰度租👍🏽 我訂酒樓原本都包左一套pre wedding，我地去左石門影，當呢輯係rehearsal。影完去攞相，我地個陣係唔知道我地去揀相，有D覺得唔係幾好，佢就照講好，係咁tick，結果買左$9000幾，我嗰時係唔知原來買一張相係咁貴架🤔！到我影完Chris Ling，去揀相，人地好pro，幫我地曬出尼，每一part相係有意境俾你去揀，我地覺得有D相唔OK，佢會叫我地諗一諗：「唔係喎，你地會唔會hold一hold先，因為你地好似無呢一個意境嘅相，會唔會容後我地返睇多次先foul呢？」我會感覺到佢唔係為左賺錢而不斷做呢個服務，係有心真係睇你地有無需要要呢一輯相。我最後係Chris Ling買得唔多，都係3-400嘅相，但人地個好嘅態度同笑容依然係到，唔會睇你消費幾多而改變。仲有佢地好快手，我識D朋友都話早拍晚播要兩個月先有，但過一個禮拜，佢地都好緊張，特登俾D片我地睇左先，真係好體貼！ 我都真係有D要求，有D挑剔嘅人，但係無可否認，到依家我都無野可以挑剔佢地，無論態度、誠意、認真度，全部都好好👍🏽

第一眼望落去就覺得佢地嘅氣氛好catchy、好有故事性，所以吸引咗我地。

佢地好nice～唔會sell我地，只會講點樣影先靚。我問佢地嘅問題，佢地又答得到，就覺得佢地好專業～u3000

因為我太太想去布拉格，覺得嗰度好靚，所以都好快決定去海外影。

攝影師影相手法好得意，而且好識得搞氣氛引你笑，會講啲好爛嘅gag引你笑然後捕捉嗰一刻！！同埋個化妝師唔知點解好似變咗我地個呀四咁～超級幫到手！

影出嚟嘅相好多，有啲質素真係好到你唔信，真係佢地先影得到！！佢地真係好識得捕捉嗰一個時刻，而且有故事性。啲相睇落係自然真實但又靚，真係好犀利！！同埋影相過程唔覺得佢影緊，就好似同朋友去旅行咁，好舒服 ～～

揀相我地都揀咗幾次～本身係50張度揀咗20張，不過諗諗下又想喺返嗰50張度揀，所以又返轉頭再揀過，但係佢地都唔會催我地，所以我覺得好好！不過揀相嘅時候，佢就只係曬咗一張張細嘅相出嚟，由於影嘅時候個pixel好大，所以好難就住咁細張相去睇出到嚟嘅效果。例如放大咗睇出嚟嘅神情會有啲唔同咗，好似差少少咁，如果佢地可以比我地喺電腦放大啲咁睇同揀，就會方便啲～

排版方面佢地前後其實修改過兩次，一開始就住我地啲相排咗個story先，後來有啲相我地想放大 / 縮細佢都可以即時幫我地修改到。同埋排版可以加啲文字喺上面，我地見去咗布拉格影相，就諗會唔會用捷克文會好啲呢？佢地都唔會嫌麻煩～當時我地成本相簿都已經排好哂，先想改用捷克文，佢地都好樂意改～～佢地喺呢啲位嘅修改同排出嚟嘅感覺都好有故事性同簡潔～～書中間個嗰摺位，佢地都會盡量避開啲人樣，可以見到其實佢地都好細心，整體都唔錯！