我地第一次行婚展時都無咩target，所以當時見到有咁多唔同攝影師真係多到都唔知點揀。咁啱行到Chris Ling睇到佢地相簿覺得好靚，係我地想要個啲風格，唔會太誇張，就埋去了解吓。其實入去之前，我地仲去咗第二間，但嗰間係好chur，啲人係咁chur住我地唔放，所以我地過去Chris Ling嗰度時都驚驚地。好在我地去到Chris Ling度令到我地都覺得好舒服，佢地都無係咁sell係咁chur住，會想坐低慢慢睇，所以就好快揀左佢地。我地睇果個相簿係新加坡，咁岩我地都無去過新加坡，就諗住去影pre-wedding連埋旅行。 揀衫係香港度揀，唔使驚去到先無岩自己想要嘅。我第一次上去揀衫嘅時候因為未著過禮服，所以就揀左啲大路款，但係臨出發前，我都係覺得唔岩心水想換過其他款，佢地都好歡迎我再上去揀！同埋佢地好多款，會keep住返新貨，又都會主動問我地想唔想再試吓啲新款。最後我借左兩條裙同埋我先生嘅西裝，我地都滿意～ 去到新加坡影相，開頭我地都好緊張，都唔係習慣影相同望住鏡頭嘅人，但係攝影師唔會硬生生咁叫我地擺pose，反而係snap style，出到尼效果都好自然，都係我地想要嘅野～！攝影師亦都好識緩和氣氛，會講笑，等我地好自然咁笑，好輕鬆咁影。其實我地初頭見到佢地得一個攝影師一個化妝師，都驚佢地攪唔掂，但係佢地都配合得好好。雖然佢地都係好年輕但係好有經驗，而且都好細心，無甩漏～初頭化妝我都有啲唔習慣好濃妝，覺得有D odd，但係影出尼效果好自然。整個效果都比我地預期好，出到尼效果都好靚，我地都要哂啲相～

我地留意到佢哋係新加坡影既相，覺得好自然，風格都啱我地，所以就搵咗佢哋。原本我地係會去澳門影，不過因為我係教書，得復活節期同週末先可以影，咁啱預定想去影個陣竟然打風，改咗期之後就keep住落雨，所以後來只好轉咗留返喺香港度影。 影相當日，我地朝早係studio影，之後中午去大帽山，黃昏就去西環，夜晚再去中環，影足12個鐘，直到夜晚返到studio都仲要幫我地影埋便服相，真係超攰！！我知道佢哋係我拍攝之前一晚先係外國工作完返黎，又好早幫我地拍足成日，但係都唔會hea，同埋攝影師哥哥都好識搞氣氛講笑話令到我地笑，真係好厲害！傾影相地點嘅時候佢哋會問咗我地意見先，然後先比自己意見我地，例如係大帽山影嘅相都係攝影師哥哥話邊度靚我地先去影，影出黎嘅相我地都好鍾意，而且個個見到啲相都讚。化妝師wincy都好好，任勞任怨，隨時都會幫我補妝set頭換衫。我媽媽平時好高要求，不過連佢見到我化完個妝都有讚，個妝容係好自然又高貴。服裝方面，如果佢哋啲婚紗可以多啲款就更好喇！ 揀相個方面，佢地會話比我地聽邊一張相做油畫好啲，邊一張襟睇啲。我地覺得啲相都好靚，所以都揀咗成3個鐘，不過佢地唔會催我地，比時間我地慢慢諗。我覺得啲相我哋都好鐘意同效果好好，以後生咗bb都想搵返佢哋拍多次！