我本身只係喺呢度租左婚紗，後來知道原來佢地都有影prewedding，就幫襯左佢地既indoor攝影，因為我哋想帶埋狗仔一齊去影。佢地影樓既佈置都幾得意同特別，Ｄ景可以轉得好快，例如有coffee shop場景，比我感覺好寫實！我自己就中意好多啤啤熊公仔個景，同埋有Ｄ elegant歐陸風情既窗台佈置都唔錯。影相個日係呀Max幫我揸機，佢好take care到我地需要（就係想同狗仔一齊影呢輯婚紗相），佢好識得引狗仔望鏡頭。個日化妝師Fanny化得我個妝好透薄同自然，而且都好快手。雖然佢地係貴左少少，但佢地借比我影既婚紗質料都好高！！！ 出到來Ｄ相好靚，靚到我地揀左Ｄ相去做invitation card既封面！Ｄ相係唔使點執都好靚！本身5000蚊就包左20幾張印既相，之後再加少少錢就可以買晒Ｄ㡳片，我地買晒啲底片仲加埋相架個Ｄ。

Chris Ling幫我哋影晒香港同係布拉格嘅婚紗相，本身係响婚展見到，之後覺得佢哋style係走warm及natural路線，我覺得幾好，所以有打電話去問，比較咗幾間之後，我第三次先上佢個studio confirm。首先係布拉格嗰輯，個攝影師係响新加坡飛過去嘅，我哋同佢溝通主要都係英文，Ｄ景點事前係香港已經confirm咗，都係一Ｄ當地出名嘅景點；個化妝師Vincy就係同我哋一齊過去嘅！嗰日我哋凌晨四點已經化妝，之後六點出去影到夜晚七點先完！我覺得佢哋對布拉格都熟悉嘅，攝影師都會教我哋擺pose，佢都識少少廣東話；而Vincy化妝set頭都好快手，我都係research完放手俾佢搞！另外，香港個studio嗰輯係佢哋送嘅，我哋就有帶埋隻狗?去影，同狗仔都影咗咖啡室，隧道景咁，攝影師阿Max本身好鍾意動物，所以都好有耐性影！Fanny化妝都好好??，所以我big day化妝都搵番佢！去到揀相，我自己鍾意studio嗰輯多Ｄ?，一來有隻狗，另外影出來warm D，我哋個package就包咗oversea 50張相係相簿，而HK嗰輯就自己俾咗3800蚊買相，soft copies大概俾咗100張我哋！Overall，我覺得佢哋meet到哂承諾，同埋都傾得開心，特別係個sales Fiona，佢由頭跟到尾，唔會hard sell，加上Fiona自己都有份設計婚紗，所以都俾咗好多意見我哋，幫我揀咗件low cut款!