我嗰時同未來老公一齊行婚紗展，但實在眼花繚亂，咁啱有個新加坡黎既攝影師問我地有無興趣睇下Ｄ相，咁獵一眼覺得幾好就去左聽下，特別係嗰時好流行韓式攝影，而我同我老公中意呢Ｄ覺得夠自然，唔想話要Ｄ一大個風景但個人影得好細個Ｄ，咁之後就join左佢地一條龍服務，包括埋big day。 我prewedding影左一日，上晝係外景，影左金鐘，銅鑼灣同大口環，都係我同我先生拍拖相識既地方黎，就想透個prewedding d相回憶翻！ 嗰日攝影師都會教我地點擺pose，又好有耐性，我地笑到中間無笑容都會氹我地笑，成個過程都好輕鬆覺得唔生硬！個化妝師都化得我個妝好貼，加上我係春天影所以幾好！出到黎Ｄ相都好滿意，因為影嗰日我都無問攝影師拎黎睇過，去到揀相個日係有驚喜，執Ｄ相都係好自然，我仲加錢買左相簿添！不過如果可以早Ｄ睇到相就好，因為我3月影，大概去到6月先有相睇，快Ｄ睇到製成品就好啦〜

我之前已經影左一輯，係私人既，但係我老公係9月時話不如影多輯，咁佢就係Mayona個度搵到Chris Ling呢間！佢地都覆得我好快，因為由我幫襯佢地租衫都加碼都係Fiona接觸我地，所以connect得好緊密！我地8月尾先決定再影其實好趕，但佢所有嘢都幫我地安排得最快去做，等我地趕得切11月有相！個日化妝化得我好自然，因為我係想愈自然愈好，最中意係佢化我隻眼，我唔想眼睫毛好長好誇張，佢地都肯落一層簡單，一層長濃既！然後髮型個度，佢覺得我頭髮唔夠濃密，又幫我加左Ｄ假髮，係幾think in details既，比我上次自己出去私人影再細心Ｄ！我地去左3個地方影，由11點影到8點！Ｄ相都好好，揀相個時我地心大心細，但個staff Yuki無催，又教我地點排本相簿先令！然後佢地又送埋個結婚證書套比我地，有埋我地logo既！overall Ｄ相同服務都好，不過可能天氣熱啦，個日佢地都比較少少rush想早Ｄ完！