我之前見到Chris Ling有擺booth，就過去望一望佢哋啲作品。我哋睇過之後都覺得Chris Ling攝影嘅風格比較啱我哋。當時serve我哋嘅同事Fiona好熱情咁向我哋介紹Chris Ling嘅攝影服務，但冇hard sell我哋！同其他公司比較，Chris Ling嘅配套多啲選擇之餘，價錢都好合理。一個package包好多service，例如係租借婚紗同化妝師，所以對於我哋嚟講Chris Ling呢一個選擇慳錢之餘又可以慳時間。我同太太商量完之後，大家都比較滿意Chris Ling影嘅相，亦都好中意同事Fiona誠懇嘅服務態度，所以第二日我哋就去搵返Fiona直接落訂！☺️

我哋揀咗海外影pre-wedding嘅plan，Fiona就話呢一個plan會送多一輯免費嘅相簿，所以我哋就決定一輯喺海外影，另一輯就喺香港影，令啲相可以更加多元化同豐富。🤩落咗訂之後， Fiona 就約時間同我哋傾返啲細節，對於海外拍攝我哋都冇乜諗法，攝影師就有recommend一啲比較熱門嘅地方俾我哋，例如係韓國同日本。我同太太就覺得呢啲國家好多新人都去影過，就想搵啲比較特别啲嘅地方影，所以我哋 最後就討論去布拉格影，佢哋都非常有經驗，好快就已經計劃咗一啲景點同埋路線俾我哋，感覺Chris Ling好願意花時間幫新人解決啲問題，非常helpful。

拍攝前，攝影師會問下我哋關於攝影嘅風格或者角度之類嘅嘢有乜要求，或者平時我哋中意點影。影相之前亦都會大概同我哋講返會去邊個景點拍攝，有乜地方需要留意。佢哋會確認好啲細節位，表現得非常專業。攝影師會製造氣氛，講吓爛gag，令我哋冇咁緊張。我哋平時都唔慣對住嗰cam，所以攝影師都會教我哋點擺pose，搵好多唔同嘅角度拍攝。 雖然影足全日，我哋都好攰咁keep住笑容影相，但係成個過程都好開心。攝影師都非常friendly，同佢哋相處一啲都唔尷尬😆。佢哋又會盡量幫我哋影多啲靚相，對我哋好上心，唔會有個種夠鐘影完就走嘅感覺。

影完海外嘅景之後，返嚟香港， 負責香港拍攝嘅攝影師Andrew 都會同我傾吓關於啲景點嘅安排。佢都話推薦我哋去中環同石澳影相。兩位攝影師都會指導我哋啲pose，俾好多指示我哋follow，而且Chris Ling啲攝影師水準真係冇得頂，個個都好專業，影出嚟嘅效果都一樣好自然，唔會好浮誇。最開心就係無論喺邊個景點拍攝都好，天氣都非常好，所以成個拍攝都比預期順利🥳。

化妝師Fanny全程負責幫我哋呢一對新人化妝，連去海外trip，Fanny都係全程跟到實一實。Fanny非常搞笑，會時不時同我哋傾計😙，又會根據我太太件婚紗幫佢襯好啲頭飾，首飾，亦都會問吓太太嘅意見。妝容方面都會問太太想要點樣嘅妝容。Fanny嘅髮型同妝容太太都非常滿意，原來唔同衫可以夾到咁多唔同類型嘅妝容，非常之好。我本身嘅package就包埋男士化妝，set頭。不過我習慣自己set頭，所以Fanny就幫我簡單化少少妝，個人睇落會精神啲。Fanny亦都會同攝影師夾好啲rundown，唔會怕麻煩，佢哋之間都幾夾，會知道陣間要補妝或者set頭。

收到相之後發現啲相，同我哋想像中嘅效果一樣，好靚同好自然，我同太太都好滿意！啲相有好多唔同嘅背景，成輯相令人嘅視覺有豐富嘅享受。另外，我都想分享吓好難得可以遇到 Fiona 咁好嘅同事💯 ，其實Fiona係一位designer，所以對於揀衫方面就會多啲經驗同埋心得。我太太當時全靠 Fiona 推介啲款式俾佢，先可以咁快決定好啲衫，而且啲衫都啱我太太嘅身型，可以突顯出婚紗嘅設計，加上Chris Ling唔會好似其他公司咁俾壓力新人，限制新人淨係可以試幾件。呢點非常好，可以令新人更加放心揀！

我哋一開始就喺網上搵咗幾間比較出名嘅攝影公司，我就覺得啲相嘅風格都差唔多，冇特别令我覺得合眼緣嘅。後尾我朋友就介紹Chris Ling俾我哋，因為朋友用過佢哋嘅攝影服務，就話佢哋幾好，咁我同先生都有喺BESPOKE度睇到Chris Ling嘅評語同埋啲相都ok，👍 再加埋佢哋係來自新加坡嘅一間大公司，覺得應該冇乜問題，就考慮搵佢哋影。大致上我哋都有了解過Chris Ling嘅一啲package，我就覺得好方便，出邊好多大公司啲配套係唔包好多野，要另外再搵過啲化妝師或者啲衫嚟租，但係Chris Ling嘅package係全部一條龍包曬，🤓而且Chris Ling除咗包括化妝師之外，啲衫都唔會話俾新人啲平嘢，全部都係好好品質，所以其實直接帶人去就得啦！☺️

咁基本上Chris Ling都可以滿足我哋嘅需求，又慳咗我哋好多時間，所以最後我哋就直接pre-wedding同bigday都揀咗Chris Ling。 😎由於我哋係揀咗最長時間影成日嘅配套，會影室内同戶外，負責我哋嘅攝影師 John ，佢會先同我哋討論好景點同埋想要啲類型嘅風格。我就想影有樹林同埋沙灘嘅景，但係我同先生都唔知香港有乜景點可以去，John就好細心，幫我哋搵咗獅子山呢個景點俾我哋，👍而且附近仲有個隱藏沙灘，冇乜游客嘅，確認完所有嘢之後，John都會通知我哋拍攝時間同埋會安排好路線。拍 Pre wedding當日，John就已經安排好一架7人車喺度等我哋，覺得佢哋都好有心。😄拍攝嗰陣，因為我哋第一次拍攝，開頭嘅時候真係超緊張，但係John會講啲笑話，搞吓嗰氣氛，好快我哋就投入到拍攝入邊，而且John會教我哋要點擺啲pose會自然啲，靚啲，啲指示都係好清晰。團隊都好friendly，大家都會喺breaktime同我傾吓計，佢哋做嘢好有效率，好快就已經影完，做嘢快手之餘， 仲會記得幫我哋搵好多靚位嚟影，所以成個過程都好輕鬆，唔會覺得好攰。😘

我哋BigdayChris Ling就係安排咗 2P1V俾我哋，攝影師就係另一位 Andrew，佢都幾幽默，會引我哋笑，而且因為我好多親戚朋友，所以影大合照都係一大班一大班咁影，😆佢都好好人，會幫我哋排位，會知道邊啲角度會好啲，唔会話少影咗一部分賓客，燈光呢方面都會照顧到。嗰日我同先生都好忙，咁佢哋團隊都唔會話無所事事，去出邊度hea吓，而是主動去影啲花絮俾我哋，🤩就連一啲親戚朋友好細微嘅表情動作，都會影低。無論任何時，同事都會做足準備，🥰迎接唔同嘅shot，再加上佢哋團隊之間係會交流吓，溝通好大家負責邊一part，成個婚禮非常順利。💯團隊嘅應變能力都非常强，朝早男家去女家接新娘嘅時候，就發原来唔記得拎花球，咁我哋作為新人都會比較驚，同事就好冷靜幫我哋諗辦法，之後我哋就用新郎著跟套中式褂上嘅紅花球，😍影出嚟嘅效果都好自然仲靚過原先嘅花球，唔會有隔硬襯埋一齊嘅feel~ 💯我想特別讚吓負責我哋Bigday條team，當日佢哋好快手趕喺夜晚場婚宴前就已經剪好條片，咁我睇完之後，覺得成條片剪得好好，有搞笑位又有感動位，好多好細緻嘅moment都有剪入去，我真係好鍾意，所以就包咗個利是封俾佢哋 ❤️

Pre-wedding同 Bigday嘅化妝師都係Chris Ling安排嘅，化妝師嘅技術好好，人又好friendly，會一直幫我補妝，set頭，擺裙尾，連頭紗都會幫收我整理，妝容亦都好自然，唔會太濃，但係又凸顯出我嘅優點。👍 另外，Andrew真係非常專業，我同先生都好欣賞佢。佢非常注意同埋照顧新人嘅情緒，當日我哋影完Bigday啲外景之後，去到會場發現到咗交場時間，但係入邊依然仲有上一pair新人未走，咁 Andrew就好快lead住我哋話， 不如我哋去會場出邊影吓啲靚景先，☺️盡量安撫我哋。佢都做埋一位Mc嘅角色，幫我去同酒店啲同事溝通，處理好所有問題，令我地可以安心啲。🥰成個過程從傾package serve我哋嘅 Yuki 到 Pre-wedding 同 Bigday 負責我哋嘅每位同事都好helpful，全部嘢都好smooth，💯好多方面佢哋都好有心幫忙，大家都會盡量配合我。我哋都已經收到Bigday嘅一部分相，輯相都笑得好開心，😆影出嚟嘅效果都係我哋預期中咁，係我想要嘅嘢。