我呢個 pre wedding package 係場地嗰邊送嘅，係喺 studio 影大概三個鐘相，仲有十至二十張相送返俾我。老實講，起初我都有少少擔心，怕免費送嘅嘢可能唔夠好。但係同 Chris Ling 溝通完之後，我嘅印象完全唔同咗😚。團隊好 helpful，仲提供咗幾個升級package俾我哋選，由齋 soft copy 到有相簿、硬照、油畫嘅 package 都有，價錢都好透明，亦講明可以靈活調整，影完如果想轉 plan 都得。 第一次上去 studio 試婚紗時，我已經覺得佢哋嘅服務幾有水準。佢哋本身係做婚紗嘅公司， 仲同另一間婚紗品牌合作，唔係單純租衫俾我哋咁簡單。同事好禮貌又好 helpful，會幫手著裙、調整細節，整體感覺都好好💕。

影相嗰日我哋大約十一、二點到 studio，本來諗住三個鐘影完，點知最後影到差唔多六點幾。攝影師真係超級有heart、好專業，我哋影咗婚紗、晚裝、仲影埋便服，變咗三輯相。studio 入面有七至八個唔同場景，每個都係靚嘅👍。 最深刻嘅係影到黃昏嗰陣，本來已經影完準備收工，但攝影師話日落好靚，不如等多陣，想幫我哋影啲日落嘅 shot，最後影出嚟嗰啲有金黃色光線嘅相真係好靚，完全係 bonus 嚟😆。佢哋做嘢都好有效率，一個月就可以揀相。最重要係攝影師真係有心思，尊重我哋喜好。影相嗰日同之後揀相、拎相簿嘅過程都好深刻。我哋最欣賞係Chris Ling 會將相全部 print 出嚟， 而唔係淨係喺電腦到睇相🌟。肉眼睇相真係會清楚好多，尤其係十幾廿張角度差唔多嘅相，一碌就過，喺電腦根本睇唔到啲細節位。佢哋仲會提前篩選啲相，例如係眨眼、表情唔靚嘅都唔會俾我哋睇，等我哋揀嘅時候，可以淨係睇已經係最好嗰幾張，所以揀相可以快啲搞掂。團隊仲會即場幫我哋排埋版，例如某頁想放四張相、或者分主題，同事都會即刻拼俾我哋睇，唔洗我哋之後反覆溝通，效率好高☺️。

我哋拎完相簿返屋企拆開睇，本相簿嘅水晶封面好似玻璃咁，成本相簿感覺好 grand，質感好好，包裝亦好用心🙌🏻。最令我放心嘅係，Chris Ling 唔會因為我哋用 coupon 就敷衍。由影相、揀相到修圖，全程都好認真。 P 圖方面又會問我接受程度，唔會p到浮誇。成個過程真係幾舒服，Chris Ling 團隊嘅分寸拿捏得好好，唔會太熱情嚇親人，又唔會太冷淡🤪。影相嗰陣感受到佢哋熱誠同專業，真係好順利。 攝影師落足心機，會趴低影相，甚至幫我整理婚紗裙擺，好 care 每個細節。結果超乎我預期，好驚喜。另外租衫方面，Chris Ling 完全唔收按金，感覺好親切、有人情味❤️。

Chris Ling嘅作品俾我哋嘅感覺好自然，係我哋想要嘅風格。相比之下，其他公司嘅相片有啲誇張，唔係我哋想要嘅嘢🥹。 同 Chris Ling 嘅溝通過程當中，我覺得佢哋嘅同事好專業同細心，俾咗好多實用嘅意見我哋。因為我哋打算去日本富士山影相，擔心天氣唔好，影唔到理想效果，佢哋就提供咗一個方案，等我哋可以因應天氣，再決定拍攝嘅日子，呢點我覺得好體貼同配合☺️。我哋去試婚紗禮服嗰陣，團隊都俾咗好多意見。Big Day 嗰日，我哋嘅攝影師唔單止攝影技巧好，仲好識帶動現場氣氛。即使有啲突發情況，佢都會主動幫手，令成個過程都好愉快同輕鬆。我覺得呢種經驗好重要，喺拍攝過程唔止淨係影相，仲要keep住個氣氛輕鬆同和諧。不過喺 pre-wedding 拍攝嗰陣，我哋都唔太清楚行程安排，同埋景點門票價錢方面都有啲唔太清晰，過程中搭車時間都比較長，呢啲位就可以再改善😙。而Big Day當日嘅安排就好順利，攝影師表現好好，控制到時間🥰。即使我哋原本預計 8:30 開始，但都有啲delay，最後Chris Ling團隊都有追返啲時間。 Chris Ling團隊會叫賓客擺 pose、同佢哋互動下，令現場唔會好拘謹，會輕鬆啲。呢次嘅體驗整體嚟講都幾正面，不過化妝師都可以再俾多啲意見我哋，例如邊啲髮型、妝容啱我嘅面型、氣質，我哋都希望有一啲專業意見，知道邊啲位可以突出或者修飾， 令整體效果更好🥰。

喺執相同排版方面，我哋都覺得 Chris Ling好有心機。一開始排好嘅版我哋已經滿意，都符合我哋想要嘅效果，完全唔似我哋去過嘅另一間 prewedding 公司，要不停改個排版， 甚至要我哋自己教佢點改🥳。Chris Ling 嘅團隊就唔同，排版一出嚟就捉到我哋想要嘅感覺，成個流程順暢又專業👍！