當時我哋都有睇過幾間唔同嘅攝影公司，但 Chris Ling 講解得好清晰，同事又專業又友善，第一印象真係幾好❣️。再加上佢哋影相嘅風格都好啱我哋心水，婚紗又可以一條龍咁喺佢哋到揀，所以最後就決定揀佢哋。 由婚展開始接觸到落實成個流程，我覺得Chris Ling嘅溝通都好貼心。團隊亦都好快約我哋上去傾細節，例如影相地點、風格同想要嘅感覺，好主動，攝影師仲俾咗好多意見，成個過程都好順利🥳。我幾欣賞Chris Ling處理細節嘅方式，例如化妝師會上酒店幫我哋化妝，唔洗我哋一大朝早出門口， 呢點真係幾貼心。攝影師仲特登帶埋熨斗嚟幫我哋燙婚紗，完全冇諗過有呢個服務，真係覺得佢哋幾有心。我哋嘅負責人係 Yuki，佢全程都好主動跟進，俾咗好多實用建議，令啲相出嚟嘅效果真係靚好多。攝影師 Andrew 都好專業又細心，佢會清楚講我哋應該點擺 pose，又會利用角度去修飾畫面，啲相出嚟好自然唔造作🙌🏻。有啲畫面原本以為做唔到，佢都可以靠角度處理到，真係好有經驗。 最特別嘅係，Chris Ling仲幫我哋搞掂當地交通、包車、同馬主溝通嗰啲安排，令我哋唔洗擔心太多問題。影完相之後，團隊又好體諒我哋要繼續旅行，仲提議我哋將婚紗摺好方便執行李。呢啲小細節真係睇得出Chris Ling有為客人著想😜。

成個同 Chris Ling 團隊合作嘅過程，我真係覺得幾滿意。由一開始溝通、試衫，到正式影相同揀相，每一個環節都俾到我好安心嘅感覺。佢哋團隊經驗豐富、做事細心，好多時都會主動提醒我哋細節，例如婚紗擺位、行程安排等等。感覺佢哋真係記得每一對新人，真心想幫我哋影到靚相。我特別欣賞Chris Ling喺試衫同化妝呢兩部分，試衫嗰陣，職員好熱心，唔會催我快啲揀，反而不斷攞唔同風格嘅衫俾我試，俾我試到滿意為止😆。同事又會根據我嘅身形、氣質去俾建議我，真係好專業。即使我試咗好多套，同事都唔會唔耐煩，仲幫手換衫、掛衫，好落力🥹。

化妝師都要讚下，佢唔單止技術好，仲好貼心，影相途中不時幫我整理頭髮、補妝☺️。嗰日影便服我唔記得帶飾物，佢竟然肯借自己啲耳環俾我戴，呢啲細節真係好窩心。佢又會根據唔同場景幫我調整妝容同頭髮！攝影師都好容易相處，成個拍攝氣氛都好輕鬆愉快，唔會好拘謹，團隊會播音樂、講下笑，令我哋影出嚟嘅相自然好多。到揀相嗰個環節，我真係覺得幾有驚喜🥰。本身以為喺電腦到揀相，點知 Chris Ling 預先幫我哋 print 好成二百幾張相，仲排好版俾我哋揀相。團隊解釋用電腦睇會有色差，而印出嚟睇就好似睇緊故事書咁，方便我哋想像整相簿嘅效果🌟。呢個安排真係好貼心，睇得出佢哋對成件事嘅用心同專業😝。 Chris Ling 團隊真係會諗多一步，唔會怕麻煩，成個團隊俾人感覺誠懇又有責任心，我哋整體都非常滿意🥳！

初初接觸 Chris Ling 嘅時候，團隊俾我嘅感覺好好，所有資料都寫得好清晰。化妝師一開始就問我哋會著咩衫、想行咩風格，仲會俾建議我去睇下可以點樣化妝，個妝化出嚟嘅效果我好鍾意，啱曬我想要嘅感覺，令我覺得佢哋真係認真又專業💕。 去到影相當日，攝影師態度都好好，會主動教我哋點樣擺 pose、點樣望鏡頭，令成個拍攝過程都好輕鬆。因為呢個係酒店送嘅package， 所以我哋都冇乜特別嘅期望， 諗住普普通通都ok，但實際上啲相好靚，室內都影得都好有 feel😍！

影相之前，攝影師都有問我哋鍾意咩風格，我哋仲 show 咗之前喺韓國影嘅相俾佢睇，佢聽完之後就明白我哋想補返啲大頭相同全身相，唔想啲相全部都太遠景同個人太細。團隊就安排咗啲角度同pose，幫我哋影返啲想要嘅畫面，出嚟嘅效果真係好滿意☺️！我哋影完相之後，收到相嗰陣真係幾驚喜。老實講，我都冇諗過室內相都可以咁靚，因為我哋本身比較鍾意影室外景，結果今次睇返 Chris Ling 呢輯室內相，覺得香港原來都可以影得咁有 feel💕。嗰刻我真係心諗，如果早啲識Chris Ling 就好喇🥹！

相比起之前另一間公司影嘅作品，Chris Ling 嘅相更能夠捕捉到我同另一半之間嗰種互動同感覺，團隊影出嚟啲相好自然。雖然我哋原本個 package 本身淨係包二十張相，但最後因為太鍾意，我哋都加錢買多三十張🤣，一共五十張相。最令我印象深刻嘅係，Chris Ling 完全唔會chur我哋買相。負責跟我哋嘅同事 Yuki 好nice，冇sell嘢嘅感覺，完全冇壓力🥰。反而我哋自己睇得太開心，主動話想要多啲相。Chris Ling 嘅價錢都合理，仲送咗油畫同相簿，成個 package 好公道🌟。如果團隊可以俾多啲相我哋揀就好，因為同事解釋有啲相可能眨咗眼，所以冇keep到，我都明白嘅～但有時新人都會鍾意啲自然同搞笑嘅畫面，有啲相雖然唔完美，但都係回憶😜！