當時同Chris Ling傾細節嘅時候，感覺好舒服，冇壓力，唔會 hard sell我哋，亦冇逼我哋即刻做決定😋。Chris Ling仲特登同我哋講可以諗好先再返嚟都冇問題，呢啲細節令我覺得幾放心。我哋睇過團隊啲作品，覺得個 style 都啱我哋心水，影出嚟都係比較自然，都好專業。嗰陣我老婆試衫，見到Chris Ling 提供嘅款式選擇都幾多，幫手揀衫嘅同事好有耐性，完全冇催佢🤪。同事會先了解老婆想要乜嘢 style，再揀幾件俾我老婆試，可以試到啱為止。同埋如果老婆揀咗一套衫，但有啲位唔啱，Chris Ling係可以幫手做啲輕微修改，例如肩膊位、裙尾或者背部嘅細節，可以改到更加合身，更貼近心目中想要嘅感覺🌟。Chris Ling仲有 designer 同裁縫一齊處理，我哋覺得呢點唔係每間公司都做到🤩。我老婆仲讚Chris Ling啲婚紗真係幾靚，一試就啱心水。因為 我哋覺得pre-wedding嘅體驗好好，所以之後註冊同埋 big day，我哋都繼續搵返 Chris Ling。其實我哋喺澳門都有睇過其他公司，但始終覺得Chris Ling喺婚紗款式、價錢同服務態度方面，都係比較適合我哋。最重要嘅係佢哋唔會俾任何壓迫感我哋，呢點我哋特別欣賞🥹。

拍攝嗰日，一開始我都有少少擔心。因為影相嘅時候感覺啲景轉得好快，仲諗緊會唔會冇影到我哋想要嘅感覺。不過之後睇返成品，先發現攝影師其實好準確咁捉到我哋想要嘅風格同氛圍🥳。啲相唔單止有質素，效果仲幾滿意。反而因為影得快，對新人嚟講更舒服，唔需要喺戶外曬太耐，所以過程都幾輕鬆😙。化妝方面，我老婆之前都用過佢哋化妝師，效果幾滿意，所以正式嗰日都搵返同一位。佢化出嚟嘅妝自然又啱心水，所以之後都係揀返佢，我哋都覺得好放心❤️。仲有一點我幾欣賞，就係即使攝影師係第一次去嗰個地方，佢都好快掌握到個環境，知道邊到係啱嘅角度同位，所以我哋都覺得Chris Ling團隊經驗非常豐富，就算喺一個新嘅地方，都可以即刻諗到點樣取景，出到嚟嘅相都好啱我哋心水。拍攝之前，其實我哋同團隊都有做好溝通。無論係風格、景點選擇，定係落雨嘅back up plan，都一早講清楚☺️。其實我哋特登由澳門過香港，就係想搵返佢哋團隊，我哋真係覺得Chris Ling好好💖！

我最初認識 Chris Ling，見到佢哋有一輯喺新加坡影嘅相，好特別，好有味道，我同另一半一眼就覺得好吸引，所以想了解Chris Ling多啲🥰。Chris Ling 同事俾我哋嘅感覺好有誠意，優惠都算幾吸引，正式接觸 Chris Ling 自己團隊嘅同事嘅時候，感覺團隊好成熟又專業，我哋都好有信心😚。我自己平時都鍾意影相，對啲相都有啲要求，不過我反而想俾多啲空間攝影師發揮😗。本來我哋係2019年去日本，但因為疫情，所以我哋最後去studio影咗一輯相先，係送俾我哋嘅。我哋大概講咗想去邊啲景點，Chris Ling都會提返我哋車程可能會浪費一啲時間，所以佢哋都有幫我哋平衡返成個行程，令到時間上都安排得合理，呢點幾貼心😆。 比較特別嘅係，攝影師影相嘅時候冇即時 show啲相俾我哋睇，我自己都幾享受嗰份神秘感，不過如果有得睇會好啲嘅，最後出嚟嘅成品都好滿意😆。我哋其實喺疫情之前已經 join 咗佢哋嘅plan，本來諗住去沖繩影，但因為封關，加上之後有小朋友，最後改咗去大阪。中間斷斷續續差唔多五年，Chris Ling都一直有同我哋保持聯絡☺️。因為第一輯相嘅效果已經超出我嘅預期，所以去到真正海外拍攝嗰次，我更加信任Chris Ling，完全唔會擔心！去大阪拍攝嘅時候，我哋都有帶埋仔仔一齊。當日攝影師同化妝師仲好細心，幫我個仔 set 頭、化妝，最後成件事變成一家三口一齊參與，Chris Ling都冇額外收費，呢點真係幾驚喜🌟！

講返成個過程，因為疫情同生小朋友，我哋一直拖住冇去，但Chris Ling完全冇催過我，直到最後期限前先好客氣咁提醒我要安排返影相。團隊真係好專業，無論係行程安排定景點分配都幫我考慮得好周到🌟。例如我揀咗幾個景點，團隊會解釋清楚車程同拍攝時間，幫我搵到最好嘅planning😚。我特別欣賞係Chris Ling嘅同事好照顧我仔仔，雖然唔係每個鏡頭都有小朋友，但攝影師同化妝師都好照顧仔仔，令我同太太可以專心拍攝，完全唔洗我哋擔心🤪！