Match Chan Video
4.8
最新評語
整體滿意度
4.8
過濾評語:
Joeyko
4.5
精選評論
Match Chan係我朋友嘅friend嚟,都睇過佢拍啲片。之前我地去睇婚展,諗住方便可以一間搞晒,就join咗間一條龍服務嘅公司,包埋攝影。婚展嗰度都會俾你睇吓啲片拍成點,我地睇咗啲片就唔係話特別ok特別差,正正常常咁,個價錢都吸引嘅。我地又join埋個即影即有相咁啦,後尾都俾晒錢架喇,之後幾個月後再諗我老公就好驚…
Match Chan係我朋友嘅friend嚟,都睇過佢拍啲片。之前我地去睇婚展,諗住方便可以一間搞晒,就join咗間一條龍服務嘅公司,包埋攝影。婚展嗰度都會俾你睇吓啲片拍成點,我地睇咗啲片就唔係話特別ok特別差,正正常常咁,個價錢都吸引嘅。我地又join埋個即影即有相咁啦,後尾都俾晒錢架喇,之後幾個月後再諗我老公就好驚,因為結婚拍攝係一次性架嘛,拍得好唔好係之後先知架嘛,要自己去搏。睇完Match Chan 佢地啲片起碼係有信心啲。後尾老公就驚話不如轉啦,佢就覺得揀衫揀唔到反而仲可以去搵,但係攝影係冇得搏嘅,到嗰一刻拍晒你先知。 我地本身都知有Match呢個人嘅,但係join嗰間一條龍公司嗰一刻就冇諗過,係俾晒錢番轉頭諗佢就開始驚喇。我地問番Match攝影係點安排,佢就話可以揀三四或者五個人嘅,我另外join咗嗰間係得三個人,一次得六個助手,Match就建議我地四個係最好。佢係專業同埋我地睇過佢嘅相,都起碼有信心啲先啦。 Match係負責攝錄,另外有其他人負責攝影。Match聽到我地揀過另一間反應都冇話唔好嘅,因為佢知我地原因係咩,就係擔心嗰個攝影,佢知道我好信佢,後尾佢都有幫我地諗睇吓可唔可以兩邊攝影師夾吓,睇吓到時點夾,因為攝影同助手全部都要夾,唔係就好難影。佢就建議一邊影snapshot,其他就俾Match搞,我地都唔識,信晒Match。到最後結婚前一個禮拜,嗰間公司先同我講話攝影師話好難夾,佢地就決定退錢俾我地喇。一個禮拜內Match都即刻幫我搵番即影即有相。 當初同Match傾都係透過電話,我覺得都唔需要見面。而Match喺有需要嘅地方都會主動提出建議,我亦都信佢專業眼光。聯絡過程中,佢都問我地有咩要求,我地都話冇咩特別要求。成長片段嗰啲佢整完都有俾我地睇過,我地有啲嘢執過佢又幫我地執番。 Match嘅攝影風格係natural啲嘅,睇番段片係好多角度都好自然,所以佢冇特別刻意叫我地做啲咩嘅。我地都鐘意自然啲,刻意反而會硬綁綁咁。睇番Match段片我先生都好鐘意。歌方面佢都有問我地,俾啲歌我地揀嘅,段片我地就由佢決定,反而成長片段我地就揀咗。佢首先問我地有冇特別歌想要,我地就話冇,之後佢俾幾首我地揀都揀到。 Match有叫我俾個rundown佢,想幫我地夾得好啲。好似班攝影師如果要佢地八點前嚟係要俾OT,佢有提過我不過俾個rundown佢幫我執吓,睇吓可唔可以幫我慳少少錢。我地係擇吉時出門同去男家嘅,啲時間就排到好早。第一眼Match一次到就話︰「好早喎!」佢就試吓可唔可以幫我地執,因為佢知道影相時間需要幾耐。我有好多次做姊妹經驗,都知rundown係有遲冇早嘅,我地都盡量執,到咗嗰一日真係好鬆動。我預多咗時間俾斟茶,Match就話嗰度可以唔洗咁鬆動,緊少少都得,咁就唔洗咁早嚟。一來慳到時間,二來又唔洗俾咁多OT錢。嗰日真係夠晒時間,仲有早添。我覺得呢一點係幾好,佢會幫你睇rundown又肯幫你慳。 段片真係拍得好感動,我睇到喊,到一兩個月後睇番都會喊,我都有share番條link俾朋友睇,佢地都話好感動。特別係老爺奶奶媽咪最感動,訂婚嗰陣佢都有影,氣氛好正! 整體仍地俾到我地嘅嘢都okay。我有啲朋友嘅攝影師會做埋大妗嘅角色,反而佢地係冇嘅,朋友啲婚禮當時氣氛都幾好架原來,最後我叫咗伴娘講,如果佢地識講埋就係bonus喇!
BigDay當日攝錄
Char1208
5
精選評論
我哋朋友係Freelance攝影師,介紹咗Match俾我哋,所以都有俾返個友情價我哋。之前我哋冇見過面,因為都信任介紹嘅朋友,但係都有whatsapp同打電話傾過幾次。到結婚前三個月我哋主動搵過Match,都問過係咪要交相俾佢,Match就話都係時候交相,同埋提點我哋揀歌,包括成長片段同早拍晚播兩段片嘅兩隻歌。成長片段…
我哋朋友係Freelance攝影師,介紹咗Match俾我哋,所以都有俾返個友情價我哋。之前我哋冇見過面,因為都信任介紹嘅朋友,但係都有whatsapp同打電話傾過幾次。到結婚前三個月我哋主動搵過Match,都問過係咪要交相俾佢,Match就話都係時候交相,同埋提點我哋揀歌,包括成長片段同早拍晚播兩段片嘅兩隻歌。成長片段我哋揀咗兩隻歌,早拍晚播就揀咗隻農夫嘅歌。我好Impress with Match,因為我見好多朋友婚禮入面嘅片都冇得自己揀歌,但係Match就好tailor made俾我哋,所以我好鍾意佢呢個服務。 我哋當日big day先見到Match,一開門就感覺佢真係好瘦,不過佢真係好有禮貌同又好nice,亦都冇諗過當日原來都有唔少同事去協助佢,佢哋全部都好有禮貌,亦都有提點同安撫我哋,叫我哋唔洗擔心,做自己嘢就得,佢哋會喺側邊好好咁將我哋當日紀錄落黎。聽到佢哋咁講我都好開心,亦好放心將事情交俾佢哋。 到播早拍晚播嘅時候,我都好surprise成日流流長嘅嘢可以剪到咁精彩。條video 3分幾鐘,當中特別impress係宣誓,玩兄弟新郎嘅片段。我記得當時我哋都係好casual咁行,但係Match都影到好有feel,所以我真係好impress。佢哋嘅拍攝手法都令我覺得好感動。我見好多朋友嘅早拍晚播片都用好多慢鏡,特登形造啲氣氛出黎;但係Match係唔會嘅,佢本身堆砌嘅故事性已經好強烈,所以唔需要特別用鏡頭去遷就。我哋真係好鍾意我哋條片,因為故事性好強,唔會同坊間嘅片一式一樣咁死板,所以我好多謝Match俾咗條為我哋獨特設計嘅片俾我哋,拍到我哋想要嘅效果。
BigDay當日攝錄
聯絡資料
    店舖地址
match@matchchan.com
更多優質選項
攝影
4.4
攝影
4
攝影
4
攝影
4.7
最新優惠
聯絡商戶