HW Motion Story
4.8
香港九龍觀塘巧明街116-118號5樓C12室
9776 0095
最新評論
整體滿意度
4.8
過濾評語:
SN0324
4
精選評論
服務 / 婚宴日期: 2018.03.24      
我係上網搵到HW Motion Story,覺得佢地嘅style幾好,唔會每段片都一式一樣,同埋價錢幾岩,所以就揀左佢地~~ 開頭用facebook同Chris&Henry溝通,佢地都覆得快,答得都好清楚,感覺佢地都係好有耐性嘅人。我地第一次去見佢地時,都感受到佢地好認真。佢地會首先聽下我地嘅故事,又會搵好多reference嘅片俾我地睇同參考,感覺佢地都係唔想做到條條片一樣,而係真係會花心機去為每對新人預備。

到第二次見面,佢地好用心咁go through 我地個rundown,睇得好認真,俾左好多意見我地。例如係朝早嘅時段,佢地會建議我地係玩遊戲同斟茶中間要留返啲buffer時間,俾佢地影媽媽幫我著裙個啲片段,尼啲都係佢唔同我地講,我地就唔知要預備嘅嘢。

Big day個日都好好,唯獨係佢地partner嘅Signature同我地期望有啲落差。佢地觀感係ok,但係佢地風格比較文青啲,就唔太係我地所預期個種。同埋有啲位我地無特別講點影,以為唔使講,但影出黎就唔似預期.... 例如係佢地去影對戒指,對戒指係有鑽石,所以我地都預計佢影粒石,亦無特別提,但係佢地就影咗戒指背面而唔係正面咁影,尼啲位都會有啲失望!不過Henry佢地就真係好盡責,除咗好專心咁執自己啲片,佢真係會趴哂係度幫我地影,認真「瞓身」!而且本身我地嘅rundown都已經好chur,佢地都無咩時間抖,得半個鐘食飯,但佢地為左幫我地影多啲,就連個好短嘅食飯時間都cut埋去~ 其實佢地可以選擇唔使咁chur,但佢地真係盡哂力咁幫我地!多謝佢地~! 閱讀更多
BigDay當日攝錄
yumiechow
4
精選評論
服務 / 婚宴日期: 2018.02.02      
我地開頭都煩惱緊要搵邊間公司去做big day photography~ 之後咁岩睇蘋果動見到一個Chris 同Henry嘅訪問,我地覺得佢地講啲普遍新人常犯嘅錯都好貼地,感覺幾好,就打算搵佢地傾吓。其實當時除咗Henry佢地,我地都有上網睇下其他公司,不過覺得好多好出名嘅大公司影出尼嘅質素都差唔多,但係收費就好貴。相對上Henry佢地質素ok,而且價錢合理,就決定揀佢地。因為當時我地喺澳洲,所以都係透過Facebook同佢地傾,佢地都回覆得好快。傾早拍晚播嘅時候,我地講完自己啲idea之後,佢地都會俾返專業意見,提醒返邊啲地方唔可行,又會提供其他方案俾我地揀。

我地覺得佢地整個團隊都好好人,好貼心!因為我地結婚嘅日子係冬天,都好大風~但係個日除左我嘅化妝師好照顧我之外,佢地都好照顧我。攝影師同助手都好關心我,成日都驚吹親我。除此之外,佢地亦好幽默,令到唔習慣面對鏡頭嘅長輩都可以好放鬆咁影相同拍片。另外,我鐘意佢地拍片會按住每個客人啲獨特嘅元素或格局去做,情節每一條片都唔一樣~唔會好似其他公司咁,好似有一條固定嘅formula咁拍,而係會有啲我地想要嘅元素!我地本身都有同佢地表達我地想條片有多啲我地講心底話嘅部分、接新娘個啲環節,同埋一啲細節位,佢地最後都整到出尼。佢地真係拍到一條片,紀錄咗一啲我地當日唔為意或者係錯過左嘅片段,等我地真係可以用條片去回味當日嘅每個時刻,所以我地都好滿意! 閱讀更多
BigDay當日攝錄
聯絡資料
9776 0095
kris@hwstory.com
最新優惠
聯絡商戶