我地前後去咗婚展三次，第一次咩都唔識比大公司chur咗好耐😅第二次一入就即刻去睇下細公司先，見到波記嘅相幾靚就坐低咗傾咗陣。其實我地當時咩都未諗，只係想結婚諗住計劃下🤓就算我地最後冇book，佢哋都話唔緊要。

加上阿波同我男朋友一拍即合，所以第三次去婚展就book咗，佢哋都比咗好多優惠我地😜本身諗住big day都搵佢哋可惜嗰日佢哋full咗😢

我地本來想係港島影pre wedding ，但係後來又改係新界影，阿波都好配合我地！

我同老公都唔識望鏡頭，會好僵硬🥶但係阿波佢成日講嘢引我地笑，成個過程都好輕鬆，而且效果都好啱心水😍

佢地成隊team都好fun好幽默，個氣氛帶動得好好🤪佢地直頭可以做埋大妗姐角色，講曬吉利說話，押韻又好笑，就連我父母好怕醜，對住鏡頭會緊張都可以氹到佢哋笑😌 唔知係咪我地個場個backdrop問題，晚宴大合照d相有少少光得濟🧐不過佢地都幫我地tune返好d色同埋勁快手就比到我地，開頭話兩個月先比到但而家一個月內就有🥳