我影pre-wedding時搵咗另外一間，因為一心想去雲南度影，不過效果出嚟其實真係一般，所以我覺得big day同pre-wedding攝影真好需要靠自己上網去睇佢哋啲作品做參考先再考慮。另外，我哋都會睇吓其他新人嘅評語，始終一生一次，真係寧可信其有，所以要參考多啲其他人用過既體驗！ Research 既時候 睇到 HW 嘅朝拍晚播片同埋航拍部分都好吸引，而且我哋喺 Bespoke 睇到大部分 bride 既評價都好正面，於是我哋就搵佢哋幫手，成個團隊係2V+1P。 我記得當時佢哋都仲未有studio，所以第一次約咗喺coffee shop見面。其實喺邊度傾我都冇所謂，因為我係睇啲片係咪我需要嘅嘢，最緊要係內容同質素。當時佢哋俾到我嘅感覺係呢間公司喺佢哋夫婦檔(Video嘅Henry同佢太太Kris)苦心經營嘅一門生意。佢哋好俾心機去聽同了解我哋想要嘅嘢，知道道我哋係想要航拍片，亦會問我哋想要咩style，再俾啲sample我哋睇。所以即使喺coffee shop傾，我都覺得佢哋準備得好充足。另外，佢哋又會好認真咁去同我哋傾吓點可以安排到我哋要想嘅嘢。例如，我哋同佢哋講由男家去女家的路程想用航拍，因為女家喺長洲，男家喺北角，而我哋會租架遊艇由女家去男家。佢就俾幾個方案我哋去諗，同解釋返俾我哋知航拍嘅路程限制同有咩要注意，邊個位可以影到，等我哋事先都可以同船主聯絡先，早啲安排好。我覺得佢哋每一個細節都交代得好詳細！我真係覺得可以直接咁同佢哋傾到我哋想要啲咩真係好重要。因為以我prewedding為例，我哋要去雲南影，但個攝影師係當地的，所以我哋喺香港嗰時係同佢啲助手傾。結果去到時，個攝影師問我哋有無準備啲咩，原來個助手又無講，所以我哋都無準備到！所以可以直接同攝影師或攝錄嘅人傾就最好，係由拍片嗰個人同我哋親自講，等我哋知道我哋要準備啲咩同想要啲咩。 當日嘅朝拍晚播，除咗我太太好鍾意好滿意外，雙方父母亦都好滿意，播出嗰時都聽到好多笑聲。佢剪輯完出嚟都保留咗我父母最有印象的片段。我覺得同我哋expect嘅真係好似，做到晒我哋想要嘅嘢。我記得嗰時Kris啱啱有咗BB無耐，佢提前同我講咗，我已經覺得佢好有交帶。估唔到夜晚怇都有嚟幫手同親自過嚟同我哋打招呼，真係好敬業樂業，親力親為唔會假手於人。 最後佢哋做完晒一段片，喺婚後會send返俾我哋，由呢隻USB我哋都睇到佢哋好花心機去做。我見我哥之前結婚個backup都係就咁寄一隻普通光碟，但HW Motion就算俾USB都包裝都好精美，隻USB都用咗佢哋公司的同埋有個包裝寄過嚟，睇得佢哋好用心。 我覺得市面上實在太多big day攝影公司，如果佢哋可以提升吓知名度會更好。因為佢哋實在做得好好，應該俾更多人認識。其實自己big day都過咗幾耐，但宜家都要嚟讚好，因為真係太鍾意佢哋既服務了！！！

我揀HW Motion Story係因為佢哋啲出品好啱我style，而且價錢又唔貴。 Big Day前，我主要都係見Henry同Kris，Henry係負責拍video。佢哋比我第一個感覺係好有經驗同好friendly，好幫到我手。因為我喺教堂行禮嘅，我就聽得出佢哋係好有喺教堂拍攝嘅經驗。佢哋都比到好多相關嘅意見我，例如我同佢哋講想去邊間教堂，咁佢哋會話個度點影點會影得靚。後來我book唔到個間教堂，佢哋又會建議附加其他影相都幾靚嘅教堂。 我哋同佢哋相處得好好。就算過咗Big day之後，都可以同佢哋好似朋友咁好friendly咁傾計同相處！不過當日斟茶敬酒時，因為攝影師喉嚨唔舒服唔太講到嘢，所以唔係對每個親戚都有講吉利說話，不過overall佢其實係做到嘢的！當日好多賓客嚟，我自己都覺得唔係好夠時間影相，不過流程都係好順利。 我覺得佢哋拍攝好自然，佢哋只係會俾個direction我哋要做啲咩，等我哋自己順住個flow去，唔會講曬要擺咩pose、手勢個類。雖然佢哋冇一步步講曬要點做，但都令到大家都知道要做咩野嘅，拍攝出嚟好真心。