我有個friend用過佢哋，post咗big day條片喺facebook度，我睇完覺得好鐘意就搵咗佢哋。其實我之前睇過好多呢啲video，覺得好公式化，所以都有諗過唔要呢部分，但係我睇我朋友嗰段就覺得感覺唔錯。我係同一晚睇中咗一間影相公司同埋一間拍video嘅公司，然後就一次過send message俾佢哋問嘢，2間公司都各自有full package，$16800就包晒影相同video。當時影相公司嘅Milk覆我先，就八掛埋問我仲問過邊間公司。我答佢我只係再問埋HWmotion，之後Milk就話其實佢哋Signature Production(影相公司)如果客人無指明要搵邊間影video公司，package就係包HWMotion影video。估唔到其實佢哋係合作公司，我一搵就搵到晒合我心意嘅兩間公司真係好神奇！於是我就叫佢哋自己傾吓點分錢，然後就一次過俾錢Signature Production嗰邊。 我去搵佢哋傾時覺得佢哋好專業，我同佢哋講話唔想要咁多導演出嚟嘅片段，佢哋都好聽我哋嘅意見。我自己結婚前都有做過姊妹，知道有邊啲片段係一定要拍，所以都預先傾定邊啲鏡頭係我唔想拍。尤其嗰啲姊妹無啦啦全部一齊摟個新娘嗰啲，我覺得好假好奇怪。我記得嗰日其實我都無乜要跟佢哋指引擺pose之類，都係好自然做返自己要做嘅嘢。整體嚟講我覺得佢哋都好nice又好誠懇。我問過佢哋好多問題，佢哋都好耐心咁解答。成長片段我哋好多request同想改嘢，佢哋都好用心幫我哋造。 其實我嗰時都幾趕，結婚三個月前先搵佢哋。佢哋對於我哋成個婚禮都俾咗好多意見我哋，包括提我要搵律師，因為我好多嘢都無準備。我嗰時證婚場地係我婆婆間村屋，因為我喺嗰度長大好有感情。由於間村屋係老村嘅舊木屋，所以就唔會有任何設備。原本我哋都無諗過準備，但Chris同Henry佢哋好好，係佢哋主動話有咪收音會好啲，就帶埋喇叭同咪嚟。而且佢哋真係拍得好靚，我哋睇片嗰時都一齊話原來間舊村屋係可以影到咁靚！除此之外，成段朝晚播都拍都好好，我哋之前怕會好cliché但完全無咁嘅問題！個個睇完都話覺得好靚，好感動。其中佢用咗朝早同夜晚我爸爸拖住我行出嚟嘅片段交替咁播，我好鐘意嗰部分。其實呢條片出到嚟真係好超乎我哋想像，因為原本我覺得呢部分可有可無，但宜家出到嚟我好多外國嘅親戚朋友睇完條片都感動到喊！我自己都推介咗好多朋友搵佢哋拍結婚嘅same day edit。

我哋搵Video都真係比較過好多唔同公司，Henry 佢哋最大既方便就係拍啲嘢好真實得嚟電影感都好重！感覺好professional，好 flexible 而且睇得到佢哋包容到好大既創作空間。當時傾既時候都已經感覺到佢哋好尊重我哋既意見，會大家一齊傾點樣拍會好啲。傾價錢講好咗個價就係嗰個價，又唔會係咁話要收附加費，記得當時我話想加航拍問佢駛唔駛加錢，Henry 就答話“駛乜啫， 話咗嗰個價錢就係架啦。”，我哋就係鐘意呢啲易話為嘅。Henry都有提議搵佢partner影埋相，我自己就覺得未必啱feel又未必係我想要嘅嘢，就不如自己再搵喇。 我段片其實有好多好難串埋一齊嘅嘢，佢都剪得好smooth，好捉到個感覺出嚟，同埋我有好多無理要求佢都幫我做到，好似我成日好多主意但係又好多變卦，又或者明明已經好趕都仲想轉啲arrangement，諗返都真係唔好意思。另外最誇張要佢哋幫我既都應該都係我航拍既要求！講返其實我揀嘅地點 (佐敦佑寧堂) 係禁飛區 ，而酒店 (Grand Kowloon Harbour Plaza)都係禁飛區～！ 當時都幾無奈同好急，因為我都真係好想要航拍既效果，咁當時Henry佢哋就唯有喺酒店出面個海皮到好低咁飛，佢哋咁就我真係唔話得，出嚟效果都非常好！ 我段片影出嚟真係好滿意，當初我有好多ideas，想整到好似Star Wars咁，當日我自己prepare咗套衫同埋把劍，就著埋套西裝喺入面，影相方便啲，感覺個人又大隻啲。佢都諗咗好耐點樣match段片，而當中佢都俾咗好多意見我，始終要籌備好多嘢同埋真係好難將Star Wars同埋個婚禮串埋一齊，同埋佢有喺個場景方面同橋段上面花心思，會比較有故事性，最後佢配埋Star Wars首theme song，真係好有電影感！當日播片嘅時候好多人都話好正好好睇，我哋自己都好surprise冇諗過係咁好，Henry都真係好配合我哋，整體非常之好！我哋收到條片個包裝真係好靚，係一個好似木製嘅USB，仲刻埋我哋兩個個名，我哋自己真係冇諗過會咁tailor-made! 後來我哋好多朋友都問我哋呢間係咩公司，話佢哋都冇聽過。其實Henry佢哋咁好真係應該做多啲宣傳，始終佢哋真係得，係真係好用心做既！