我最初見到好多人介紹佢，就自己上網睇咗佢嘅資料，睇咗幾段岑律師證婚嘅片之後，我覺得佢每次嘅表現都好穩定，講嘢語氣自然、內容清晰，風格亦都係我想喺婚禮上呈現嘅效果。所以最後我就揀咗岑律師做我哋嘅證婚律師。真正開始同佢聯絡之後，我對佢嘅印象更加好🙌🏻。首先岑律師回覆email係好快，我試過夜晚 send 咗 email俾佢，第二朝就收到佢嘅回覆。呢一點令我好安心，至少知道佢好快就會跟進處理我哋嘅問題， 唔會搵唔到人。岑律師講嘢好專業、好有條理。無論我係問文件、流程定一啲細節上嘅問題，佢都會好快，好直接咁答到我。 婚禮前上律師樓處理文件，成個過程岑律師都跟得好足💕。同埋岑律師好守時，之前佢話會喺某段時間再聯絡我哋確認安排，佢就真係準時搵返我，呢點對新人嚟講真係好重要，會比較安心。開會嗰陣，佢講解得好清晰，由婚禮流程、要注意啲咩，到我哋本身冇留意嘅細節，佢都會逐樣提點我哋。聽完之後，我哋心入面都定好多，知道到時應該點做。

到 Big Day 嗰日，雖然我哋自己就一定會緊張，但岑律師喺到真係令我哋安心好多。佢一步一步咁帶住我哋做每一部分，會講清楚下一步會講啲乜，我應該要點回應、點配合，等成件事可以自然咁進行。佢嘅指示好簡單、好清晰，所以雖然我唔熟悉成個過程，但有佢喺隔離帶住我哋，我自己都會定啲。有啲地方唔係佢負責，但佢都願意教我哋，例如係頭紗點掀先靚，戒指交換時隻 手點放先會好睇，拍照要注意啲咩姿勢先會自然，呢啲唔係證婚律師一定要做嘅嘢，但因為佢去過好多婚禮，又知道點樣做個效果先會好，所以佢會主動提點我哋😝。呢啲細微但實用嘅建議，令儀式順利之餘，影出嚟嘅相效果會更好。

我覺得岑律師當日表現真係非常好。證婚嗰陣我自己好緊張，但簽完證書嗰刻，我企喺到望住，心諗「呢個就係我想要嘅證婚畫面」，而呢個畫面真係完全實現到🥹🌟。我覺得搵岑律師證婚真係好穩陣，佢俾人感覺可靠，我哋又好中意佢嘅聲線，莊嚴又正式，完全符合我哋想要嘅效果。佢帶住我哋一步一步完成成個證婚過程，令成件事順暢又安心。 佢講嘢嘅語氣、用字同聲線都好恰當，令整個儀式莊重自然☺️。證婚係有法律效力嘅儀式， 我覺得細節好重要，而岑律師完全做到我想要嘅感覺。佢冇咩廢話，表現專業，唔會有啲好跳脫或者尷尬嘅情況。我睇過佢之前嘅片都冇出過呢啲問題，所以搵佢嚟做，我哋好安心。成件事最後效果都好滿意，好完美❣️！我特別開心係我張結婚證書上面有佢嘅名，我覺得有岑律師個名係一種榮幸🥰！

我係因為之前我妹妹結婚嘅時候而認識到岑律師，當時我哋係完全冇考慮其他律師，第一個就決定搵佢🤣。岑律師俾我嘅第一印象就係好和藹可親，聲線又好聽，溝通好順暢，問咩佢都好樂意解答，感覺好舒服👍。 喺我哋嘅 meeting 入面，佢會主動問我哋有冇啲特別要求或者需要注意嘅地方，例如係儀式細節、 讀詞方式等等，甚至會俾幾個例子方便我哋預備。我哋感覺岑律師好有經驗，知道新人可能會有啲疑問，所以佢都會提前 clarify，真係好貼心💕。當日嘅證婚儀式亦都好順利，岑律師著得好正式，講嘢又唔會冷場或者出現尷尬嘅 dead air，整體感覺自然又舒服。我估岑律師都做咗好多年證婚律師佢對婚禮流程非常熟悉，講嘢方式令大家聽落好易明同接受，係好吸引你去聽，所以大家都唔會覺得悶。岑律師仲好細心咁教我哋準備A4 相放落結婚證書套，影相會靚啲，甚至會提醒先生要練習定掀頭紗嘅動作，令攝影師影出嚟嘅效果更好。所以我哋基本上係唔洗擔心細節，全程都由佢lead住，好放心咁交曬俾佢☺️！