岑漢和律師
5
香港香港島上環干諾道中168-200號信德中心西翼26樓2612 室
9757 9071 / 3667 9129
最新評論
整體滿意度
5
過濾評語:
Carol Wong
5
精選評論
服務 / 婚宴日期: 2017.12.19      
呢個律師係朋友介紹既,加上上網睇到佢D video就係佢證婚時好舒服好莊重,所以就揀佢。

揀左佢之後,佢主動約我地上律師樓,D嘢都講得揀而精,成個流程都好清晰。Big day個日,我係遲左少少既,但佢都無所謂,佢無黑面,佢成個過程帶住我地,個誓詞佢鼓勵我地自己創作,咁我都有咁做既!


閱讀更多
證婚服務
Peggyan
5
精選評論
服務 / 婚宴日期: 2017.06.11      
我之前做左幾次姊妹都遇到佢,所以一開頭我揀律師都冇特別搵其他,就諗住搵佢。其實喺上律師樓之前,而經接觸過佢,當時係有次做完姊妹個friend就約左佢出黎,當係thank you咁食左餐飯。食飯嘅時候,佢真係好funny,咩都會講;但一做嘢就好唔同,好認真,你會好信得過佢,完全唔需要擔心。

可能始終律師都冇話咩package,咁所以大家個期okay,價錢okay,就可以confirm。我唔係上佢律師樓confirm,我係一開始係電話約左佢個期confirm,然後臨結婚前三個月先去見佢。我上去律師樓嗰時佢講過啲rundown俾我聽,我仲話︰「好容易啫,得架啦!」點知到自己真係結婚嗰日好多嘢真係唔記得!而且因為臨到嗰日有啲蝦碌,就係突然播唔到歌,搞到我突然間入場之前個腦一片空白左,跟住我一見到佢即刻同佢講︰「點算啊!我唔記得曬啲程序!我唔記得你嗰時同我講過咩!」佢就話︰「得架啦!得架啦!跟住我哋就得架啦!」

我地證婚係伯大尼,律師好熟個場地、準時。其實嗰時我有concern過用唔用伯大尼啲mic,而岑律師真係好有經驗,話我聽支mic點樣為之好定唔好,要加錢好定唔加錢好,教我點樣揀。

岑律師同其他律師嘅分別在於︰岑律師信得過之餘,佢唔會係嗰啲好死板,唔會搞唔到氣氛。佢幫你搞到氣氛之餘,你會覺得佢出得大場面。佢都可以好莊重,亦都可以同時搞到氣氛。而且就算我突然醒起有野問佢,佢隨時隨地都答到我。

我最記得嘅畫面係之前出去食飯,佢除左當你係客人之餘,亦當你係朋友,佢成日都initiate︰「幾時再一齊去唱K啊?好想唱K啊!」真係好似朋友一樣!
閱讀更多
證婚服務
聯絡資料
9757 9071 / 3667 9129
woshum@yahoo.com.hk
最新優惠
聯絡商戶