我本來都有考慮過其他證婚律師，但最後都冇揀佢哋，我主要係覺得岑律師做事爽快、反應又快，所以令我比較放心。 第一次同佢接觸嘅時候，佢俾我嘅印象好好，講嘢清晰，回覆訊息亦都好快。最重要係佢係親自回覆，唔似我之前搵過嘅其他律師，要透過秘書，搞到好多嘢來來回回，拖好耐咁🥹。 啲嘢由岑律師親自處理，溝通直接咗好多，亦減少咗唔少不必要嘅誤會同處理嘅時間。喺準備婚禮嘅過程中，無論係開會定係 big day 當日，岑律師都好準時、做嘢有條理，仲會提早準備好所有嘢，令我哋安心咗好多😆。而且佢對流程好熟，又會俾意見我哋，所以我哋一啲都唔需要擔心會有咩甩漏，所以我哋都好信任岑律師！至於岑律師當日嘅表現，我覺得佢嘅用詞、語氣同表達方式都好自然又得體，全程都好穩陣，令成個證婚儀式變得好順利🤩！

我最初見到好多人介紹佢，就自己上網睇咗佢嘅資料，睇咗幾段岑律師證婚嘅片之後，我覺得佢每次嘅表現都好穩定，講嘢語氣自然、內容清晰，風格亦都係我想喺婚禮上呈現嘅效果。所以最後我就揀咗岑律師做我哋嘅證婚律師。真正開始同佢聯絡之後，我對佢嘅印象更加好🙌🏻。首先岑律師回覆email係好快，我試過夜晚 send 咗 email俾佢，第二朝就收到佢嘅回覆。呢一點令我好安心，至少知道佢好快就會跟進處理我哋嘅問題， 唔會搵唔到人。岑律師講嘢好專業、好有條理。無論我係問文件、流程定一啲細節上嘅問題，佢都會好快，好直接咁答到我。 婚禮前上律師樓處理文件，成個過程岑律師都跟得好足💕。同埋岑律師好守時，之前佢話會喺某段時間再聯絡我哋確認安排，佢就真係準時搵返我，呢點對新人嚟講真係好重要，會比較安心。開會嗰陣，佢講解得好清晰，由婚禮流程、要注意啲咩，到我哋本身冇留意嘅細節，佢都會逐樣提點我哋。聽完之後，我哋心入面都定好多，知道到時應該點做。

到 Big Day 嗰日，雖然我哋自己就一定會緊張，但岑律師喺到真係令我哋安心好多。佢一步一步咁帶住我哋做每一部分，會講清楚下一步會講啲乜，我應該要點回應、點配合，等成件事可以自然咁進行。佢嘅指示好簡單、好清晰，所以雖然我唔熟悉成個過程，但有佢喺隔離帶住我哋，我自己都會定啲。有啲地方唔係佢負責，但佢都願意教我哋，例如係頭紗點掀先靚，戒指交換時隻 手點放先會好睇，拍照要注意啲咩姿勢先會自然，呢啲唔係證婚律師一定要做嘅嘢，但因為佢去過好多婚禮，又知道點樣做個效果先會好，所以佢會主動提點我哋😝。呢啲細微但實用嘅建議，令儀式順利之餘，影出嚟嘅相效果會更好。

我覺得岑律師當日表現真係非常好。證婚嗰陣我自己好緊張，但簽完證書嗰刻，我企喺到望住，心諗「呢個就係我想要嘅證婚畫面」，而呢個畫面真係完全實現到🥹🌟。我覺得搵岑律師證婚真係好穩陣，佢俾人感覺可靠，我哋又好中意佢嘅聲線，莊嚴又正式，完全符合我哋想要嘅效果。佢帶住我哋一步一步完成成個證婚過程，令成件事順暢又安心。 佢講嘢嘅語氣、用字同聲線都好恰當，令整個儀式莊重自然☺️。證婚係有法律效力嘅儀式， 我覺得細節好重要，而岑律師完全做到我想要嘅感覺。佢冇咩廢話，表現專業，唔會有啲好跳脫或者尷尬嘅情況。我睇過佢之前嘅片都冇出過呢啲問題，所以搵佢嚟做，我哋好安心。成件事最後效果都好滿意，好完美❣️！我特別開心係我張結婚證書上面有佢嘅名，我覺得有岑律師個名係一種榮幸🥰！