我係因為之前我妹妹結婚嘅時候而認識到岑律師，當時我哋係完全冇考慮其他律師，第一個就決定搵佢🤣。岑律師俾我嘅第一印象就係好和藹可親，聲線又好聽，溝通好順暢，問咩佢都好樂意解答，感覺好舒服👍。 喺我哋嘅 meeting 入面，佢會主動問我哋有冇啲特別要求或者需要注意嘅地方，例如係儀式細節、 讀詞方式等等，甚至會俾幾個例子方便我哋預備。我哋感覺岑律師好有經驗，知道新人可能會有啲疑問，所以佢都會提前 clarify，真係好貼心💕。當日嘅證婚儀式亦都好順利，岑律師著得好正式，講嘢又唔會冷場或者出現尷尬嘅 dead air，整體感覺自然又舒服。我估岑律師都做咗好多年證婚律師佢對婚禮流程非常熟悉，講嘢方式令大家聽落好易明同接受，係好吸引你去聽，所以大家都唔會覺得悶。岑律師仲好細心咁教我哋準備A4 相放落結婚證書套，影相會靚啲，甚至會提醒先生要練習定掀頭紗嘅動作，令攝影師影出嚟嘅效果更好。所以我哋基本上係唔洗擔心細節，全程都由佢lead住，好放心咁交曬俾佢☺️！

揀岑律師係因為佢嘅評價幾好，加上價錢合理🤩。岑律師俾我嘅印象係相當專業同有效率。佢覆message好快，問咩都會直接答，唔會講多餘嘅嘢，處事方式好爽快，但又唔會俾人一種冷冰冰嘅感覺🤪。當我有啲唔清楚嘅細節，岑律師會好有耐性咁逐一解釋清楚。呢啲細節令我覺得佢唔單止專業，仲係一個對新人好有耐心嘅律師🥰。

喺準備證婚嘅過程中，岑律師嘅細心令我特別有印象🌟。例如佢會提醒我哋，除咗新人自己要記得帶身份證，證婚人亦都要帶埋。因為佢見過有啲情況，證婚人係年長嘅女士，可能因為着裙，但冇拎手袋而漏咗帶身份證，睇得出岑律師經驗好豐富，處理過唔少類似嘅情況😋。當日雖然我哋冇rehearsal，但岑律師臨場執生，做得好好，佢會教我哋點樣行、點樣配合，令成個過程都好順利。岑律師講嘢清晰流暢，帶少少幽默感，令氣氛都好輕鬆愉快。因為我哋個婚禮比較簡單，岑律師就話唔需要額外搵司儀，佢自己已經可以處理到。 朋友都覺得岑律師嘅表現唔錯，仲特登問我哋點搵到佢，因為佢喺應對唔同情況嘅時候，都表現得好穩定，俾人感覺係一個好有經驗嘅律師💯。我自己都好滿意，因為佢每個細節都處理得好好，例如交完啲文件之後，佢會主動通知我哋，話已經處理好，令我哋可以放心✨！