我知道佢係香港數一數二嘅證婚律師，而都睇過佢啲評語都好好，再加上自己同事亦有人試過搵佢，啲feedback又真係好好。結婚一生人一次咁緊要，梗係搵個信得過架啦！ 有一次上律師樓俾文件佢嘅時候，佢有好用心咁brief我哋，例如要講啲咩呀，點樣掀頭紗呀，march-in 要點樣都有教埋我地。我記得當時有傾到我爸爸因為行動唔方便，佢都會教埋我同我老公兩個march-in定係我同爸爸，都好仔細咁幫我地。 唔單止證婚嗰part，我覺得佢差唔多真係做埋我哋司儀咁，特別係婚禮上面控制場面好緊要，佢把聲又好好聽，一開聲大家都好聽佢講野，控制場面做得好好。佢外貌都好presentable，又好準時，我喺新娘房準備緊嗰時佢已經到咗。 證婚過程我覺得佢係簡單而準確，亦唔會講啲唔相關嘅野，我父母事後都同我講返話岑律師做得好好。我先生first language係英文，段誓詞又要讀中文，岑律師就喺隔離幫佢，所以我爸爸都話岑律師真係好熟啲程序，我先生亦都覺得佢好professional。唯一美中不足係因為佢太旺，飲唔到我嗰餐，真係好想請埋佢。 而呢排都有聽過其他佢合作既證婚公司傳佢淡出唔做證婚，其實我真係唔會信。因為我都好熟佢，都知道佢繼續有接生意而應該當中有啲誤會，反而可能係佢唔想同嗰間公司合作就比較有可能。

律師我哋係搵岑漢和，當初都係人哋介紹。我哋係直接搵佢，係email confirm時間再上佢寫字樓，之後到結婚嗰日先見面。佢俾我嘅first impression就係佢好nice，同埋都會肯就番大家時間。當初我哋都唔知要講咩，始終都係第一次，佢之前會問定我哋想要長定短，幫我哋準備台詞，之後喺我哋耳邊細細聲講，我哋就跟住講。