因為我之後都見到好多新人都多謝岑律師，感覺佢好有經驗同可靠，揀佢會好安心🥹。岑律師都同我哋見過面，佢會問當日流程嘅細節，例如係邊個簽名，令到我哋喺大日子之前安排好曬啲嘢，唔洗擔心。岑律師嘅表現真係超出我嘅預期，當成個儀式係佢主持嘅時候，我完全唔洗緊張個儀式會點，因為知道所有嘢都交咗俾佢😚。岑律師俾我嘅感覺係好穩陣，唔單止熟悉流程，仲有一種自然嘅大方得體，我哋都覺得岑律師把聲好好聽🤩。我知好多新人都會搵岑律師，佢對每一位新人都真係好有心，會認真睇新人嘅評語🌟。有陣時岑律師講嘢嘅速度雖然有啲快，可能要再集中啲去聽，不過證婚嗰日佢就會慢啲咁講，成個儀式唔會太匆忙！如果我哋有問題問佢，岑律師都回覆得好快，解答得好清楚😋。我哋喺成個過程中都有一啲小插曲，因為我老公唔小心整唔見咗身份證，但係岑律師好冷靜咁處理， 一啲微言都冇，最後就用咗回鄉證，順利完成證婚😆。雖然過程有啲緊張，但岑律師由頭到尾都好冷靜，唔會加重我哋嘅情緒🥲。

我係因為朋友介紹而認識到岑律師，加上我睇過佢喺網上嘅資料，感覺岑律師好有經驗，就直接搵咗佢😚。岑律師俾我嘅印象好好，唔單止有禮貌，覆message嘅速度亦都好快，令我哋都好安心。佢解釋證婚程序同需要準備嘅文件嘅時候都好簡單清晰👍！因為我哋冇mc，所以我事前同岑律師講咗希望佢可以幫手講幾句開場白。佢亦都好配合，提前 send 咗一份稿俾我哋睇，令到我哋都安心啲，大家對啲嘢又會清晰啲。我有再修改當中嘅內容，岑律師都好樂意接受🌟！

我覺得岑律師嘅形象令人覺得非常開心同溫馨， 同埋都好專業。證婚當日，佢提早咗半個鐘嚟。因為我仲喺新娘房準備，出面嘅安排基本上都交咗俾岑律師處理，佢亦都處理得好好。證婚嘅時候所有嘢都做得好快，唔會拖泥帶水，所以成個過程都非常之順利✨。因為我哋嘅規模比較細，同埋因為冇mc搞吓氣氛，所以我都希望岑律師語氣上或者表達嘅方式可以開心啲，佢都做到呢一樣嘢，因為我哋都想輕鬆少少同簡簡單單🥳。

朋友都話岑律師講嘢幽默，個人好得意，同埋好專業。成個過程都好smooth，我都將啲嘢交曬俾岑律師處理，所以都覺得佢好穩重😆。除咗專業之外，岑律師唔會令到我哋好緊張，講嘅嘢又唔會令人覺得老土或者太過官腔🥰。雖然我知道岑律師之後仲有其他工作，但佢完全唔會急，反而每個環節都留足時間同我哋解釋。我覺得我嘅要求佢都做到曬，我哋俾啲意見佢，佢又會接受到😋！