因為我工作方面就會接觸到好多唔同嘅證婚服務，見到岑律師幾次的證婚服務都好好，佢風格平和得嚟，又唔會太造作，感覺好舒服，做嘢又細心，所以就㨂咗岑律師幫手做證婚服務。😁

岑律師同我解釋Package嘅時候都好清晰，成個過程好開心，因為證婚部分都需要好多嘢去諗點安排，但係岑律師令我輕鬆又清楚咁將所有嘢解釋我哋聽。👍

因為疫情關係，都唔想婚禮太過舖張，證婚部分我哋就同現時好多新人唔同，我哋係好簡單咁做個證婚儀式，就直接簽紙部分就可以，我哋同岑律師傾簽紙嘅地點嘅諗法，佢就直接講我哋唔介意Office都可以，佢真係好幫得手，睇下點可以就到我哋。🤠

證婚當日，岑律師表現出一貫嘅作風，成個過程都好輕鬆、愉快，感覺非常之好。成個服務中，岑律師唔係講完就算，而係有好多細心嘅位置，因為簽紙好嘅時候，我哋坐老人家對面，新人有啲嘢提唔到佢哋點做，但岑律師會就住老人家情況，會講得好清楚去教佢哋應該點做，我哋嘅長輩都讚岑律師好好人。😊

我覺得每個新人鍾意嘅嘢唔同，依家好多律師某程度都會充當MC嘅部分，而岑律師都會，但佢唔會好造作，所有嘢都好自然又細心，呢樣就係我哋最需要嘅點。🤗

因為我自己係做婚慶行業，過去都見過岑律師證婚服務，自己都幾欣賞佢，就想自己Big Day嘅時候搵佢幫我手，岑律師收費都幾合理，佢講解細節嘅時候都非常清晰，因為我同佢合作都幾長時間，所以我對佢都幾好信心，最後都㨂咗岑律師幫我證婚。🤓

因為我初期計劃5點左右嘅時間證婚，所以就住時間安排方面，我都問咗佢意見，邊段時間證婚嘅會比較好啲，係前期溝通嘅時候，岑律師都提過我哋可以自己Draft段誓詞嘅內容，係唔改變有法律效用嘅字眼嘅前提上可以加入自己想講嘅嘢，因為我自己都係做婚慶行業見到多結婚誓辭都係一式一樣，今次我同太太都Draft啲文字，所以會特別少少，令我哋都有深刻印象，都覺得整個服務唔錯。✨

而Big Day當日，岑律師會專登早少少到場，同我哋傾番細節，對番相關資料，同時同兩邊爸爸溝通證婚需要做嘅野，我同太太都覺得岑律師幾斯文，講嘢都幾得體，所以感覺都唔錯，而賓客都有提過岑律師談吐唔錯，唔會太浮誇，大家都覺得岑律師嘅證婚服務幾專業。👍