朋友介紹我去Mayona睇，去婚展又有留意過佢哋，最後都係決定上去佢哋舖頭度睇吓～ 一開始租咗婚紗同晚裝，之後決定連男禮同媽咪衫都係嗰度租埋。😊

佢哋試衫嘅環境好寬敞舒適，一開始我cap咗自己想要嘅款式比佢哋睇，佢哋就按照我張圖嘅款拎返差唔多嘅衫俾我試，試完發覺效果同我想像嘅唔同，之後佢哋推介咗幾款佢哋覺得襯我嘅款式俾我，又會就住我嘅身形比建議我。👍 佢哋會好有耐性咁樣聆聽我哋嘅要求，再去拎返相應嘅款式俾我哋試🥰，有好多都係佢哋拎出嚟，我哋已經覺得好靚，最後都揀咗佢哋推介嘅款式！👏

我諗對比起其他舖頭，佢哋嘅婚紗真係新淨好多🤩，就連我pre wedding租咗其他舖頭嘅婚紗，最後都係臨時決定改用Mayona～ 而且佢哋可以無限轉款，每次有新款式返貨，佢哋都會通知我，問我想唔想試吓，我覺得好貼心！🥰

我係上網睇睇下發現Mayona嘅，覺得佢哋啲衫好靚，之後就打電話約時間上去睇。佢哋嘅office好大好寬敞，環境乾淨舒適，款式有好多選擇，件件都好靚😍。員工嘅態度好好，會幫我分析我嘅身型啱著咩款，我想試啲咩款佢就會拎俾我同俾啲專業意見我，試身嘅時候又會幫我手試，去過其他婚紗店真係做唔到呢啲。比較過其他公司覺得佢哋嘅性價比最高，所以最後就喺佢哋嗰度租咗pre-wedding嘅一條婚紗一條男士禮服，big day嘅一條婚紗一條晚裝，再加埋裙褂同馬褂，一共六套。

佢哋嘅裙比較高檔，簡約、高貴或者可愛嘅風格都有，質地又靚又新淨，隨便揀一件已經覺得好靚。有個姐妹都有讚我著嘅裙好靚好特別，一睇就已經覺得靚過喺第二間度租嘅另一條裙，先生亦都好鍾意自己套禮服，質地好靚👍🏻。我哋兄弟衫喺第二間租嘅，但係著上身一係拉鍊爛一係爆肽，但係我先生喺Mayona度租嘅禮服影pre-wedding著咗全日都仲係好好，所以話質地好真係好重要啊！每兩個月佢哋會主動提我有新貨到，可以再上去揀下，我每次去到都可以揀到條，真係好靚🥰。最好嘅係佢哋嘅服務態度，好有耐心同好好笑容。任何類型嘅新人都會適合佢哋，因為佢哋真係好多款，想要咩款佢哋都可以幫手搵到😇。