其實我本身都有諗過試其他婚紗店，但試到最後都唔啱，當時成個人都有啲灰心。之後家姐建議我去 Mayona Wedding，試完之後真係好滿意。 Mayona Wedding嘅團隊成個氛圍都好歡樂，同事都好熱情又好 helpful🥳。試衫嘅時候，佢哋唔會係咁sell我，而係會主動同我傾偈、了解我嘅喜好，再推介啱我嘅款式。成個過程感覺好舒服，好開心，好似同朋友一齊試衫咁。Mayona Wedding嘅款式都幾多元化，同事會因應我嘅要求或者我中意嘅風格去推介唔同選擇。而且我覺得佢哋有一點好值得讚賞，就算我試唔啱，或者話再去其他婚紗店比較下先，或者考慮下先，佢哋都完全唔會俾我一種hard feeling，反而都好 welcome 我再考慮下要揀邊一間，唔會黑面或者有情緒令我唔舒服😙。 我哋試衫嗰陣成個過程都幾順利，同事一直喺到主動幫手。因為我連奶奶嘅衫都喺Mayona Wedding到租，奶奶嗰套有啲位可能要改，同事之後都好積極叫我哋再去試，因為好擔心啲改動唔啱。即使奶奶本身冇時間去試，佢哋都好想整件事做到最好，所以都繼續問我哋有冇時間，所以Mayona Wedding嘅同事真係好細心咁照顧每一個細節。佢哋甚至比我哋更加緊張，好關心我哋啲衫係唔係最 fit 我哋，成個過程好似自己朋友咁，氛圍輕鬆唔拘謹，想講意見都唔怕佢哋黑面或者唔理你，真係好舒服❤️。試身過程整體都幾愉快、順利，完全冇煩躁或者尷尬嘅感覺。 婚紗嘅質素亦都好令人滿意，正常其他鋪頭啲衫可能會有啲黃或者灰灰哋，但佢哋嘅完全冇呢個問題。成件事令我覺得搵Mayona Wedding係一個好明智嘅選擇，尤其係我第一日去其他鋪頭試衫試到灰心，但嚟到呢到成個心情即刻調整返好，感覺正面好多，開心好多🥹。如果飾物方面再豐富啲，有更多耳夾款就會好啲，可以迎合更多人嘅需要！

Mayona wedding同事俾我嘅感覺真係好 nice，完全冇hardsell嘅感覺🥹。試衫試咗一輪都唔會逼我即刻落訂，會俾我時間慢慢考慮。同埋佢哋嘅 package 都幾吸引，尤其係可以自由轉款，仲唔洗加錢😍。有啲婚紗鋪試多件、轉款都要逐件計錢，但佢哋就唔洗，仲有一點我好鍾意，就係佢哋好多婚紗都係自己 design，唔係外面買返嚟嘅款式。所以如果有啲位想改，例如加袖、收腰或者細節調整，Mayona wedding 都可以做到，彈性好大❤️。試衫嗰陣， 團隊嘅 designer 仲會即場同我傾點樣改比較啱我嘅身形，呢部分真係好貼心。 款式方面都幾多元化，唔同風格同cutting都有。基本上不論係想要簡約、華麗、可愛定成熟feel嘅新娘子，都可以搵到啱心水嘅款🌟。

成個揀婚紗嘅過程入面，我對Mayona wedding嘅印象非常好。由落訂到之後每次試衫、改款，團隊都keep住好友善、好有耐性😝。 每次去到都有同事主動問我想要啲乜，又會幫我手著衫，同我一齊試唔同款式，感覺好舒服。試衫空間方面都好足夠，地方夠大，可以帶埋屋企人嚟睇，大家企喺度都唔會覺得逼。整體體驗感覺好舒服。我覺得佢哋social media可以落多啲功夫。如果喺宣傳上加強，應該會吸引到多啲人👍。 另外，佢哋嘅白紗、禮服同新郎西裝款式都算多，但晚裝選擇相對少啲。我覺得可以增加媽媽裙、姊妹裙或者親友晚裝，因為好多新人嘅屋企人都會租衫。如果同一間鋪可以一次過搞掂，又可以方便新人，亦都係額外生意🥳！