Mayona Wedding嘅同事態度非常親切，令我覺得冇咩壓力，佢哋唔會hard sell，真係會根據我嘅需要去俾意見我🤩。同事都好專業，唔單止會解答我嘅疑問，仲會詳細解釋啲細節，令我對佢哋都好有信心。試婚紗嗰陣，我發現同事好細心，會主動幫我調整下件衫，甚至會提醒一啲要注意嘅位置，真係好貼心😋！至於款式方面，Mayona Wedding嘅婚紗同晚裝選擇都幾多，而且會不斷更新新款。我自己一開始唔係好清楚自己想要啲咩款，同事會根據我嘅喜好去推薦唔同風格嘅婚紗，仲會好耐心咁聽我講，再幫我篩選合適嘅款式。最後我揀到一款真係好啱自己嘅，真係好開心💖！

空間方面，我覺得Mayona Wedding都好大，唔會有擠迫嘅感覺。同事會根據預約時間安排，所以唔會有太多人同一時間試衫，令我覺得成個過程都幾舒適🌟。我最後租咗七套婚紗，因為佢哋嘅款式選擇都幾多，唔單止係傳統款，仲有唔同 pattern 嘅設計，亦有啲比較新穎嘅款式，選擇唔會單一😙。拎衫嗰陣，同事會幫我整理好曬，所有嘢都幫我pack好，就會方便啲，我媽媽同奶奶都好滿意Mayona Wedding嘅服務😆！

之前準備婚禮嘅時候，透過訂酒店酒席嗰陣收到嘅coupon認識咗 Mayona Wedding。我都有上網搵佢哋嘅相嚟睇下，覺得幾唔錯，所以決定上去試衫。Mayona Wedding嘅地方比較闊落同開揚，再加上佢哋嘅服務態度真係好，同事都好helpful，會幫手解答我哋嘅疑難，多數都會喺當日覆曬我啲問題🥰。就算上一次同今次服務嘅同事唔同，但係同事都知道我上一次講過啲咩要求，所以對Mayona Wedding印象都幾好😚。

試衫嗰陣，Mayona Wedding嘅同事好細心同專業。婚紗同禮服嘅選擇都好多元化，cutting同風格都有好多選擇，有陣時太多選擇都會有啲迷茫，但同事都會幫我手💖！因為我唔知咩款式或者cutting比較適合自己，但同事俾咗好多專業建議我，仲揀咗幾款適合我嘅婚紗俾我試。而且，佢哋嘅建議真係幾好，我都揀到自己啱心水嘅款🥰。可能因為我咁啱揀嘅都係新貨，我有幾條裙都係新貨，未租過出去，仲要啲款係喺其他公司未見過，出到嚟個效果都好好睇✨。

另外我先生同屋企人嘅禮服都係喺 Mayona Wedding到租。長輩衫嘅款式都多，我媽媽嘅身形都比較大， Mayona Wedding幫佢揀咗啲遮手臂嘅款式，仲有設計師幫手調整禮服嘅細節，又會解釋返佢會點樣設計，媽咪都好鍾意💕。因為設計師加咗好多閃石嘅線條落去，睇落去會顯瘦啲，出到嚟個效果真係好靚🤩！ 出面嗰啲公司好多都可能係攞貨返嚟，就未必可以喺設計上做到一啲changes或者有設計師喺到，最多可能係整大或者整細個size，所以我諗呢個係Mayona Wedding最特別嘅地方🌟。而且Mayona Wedding冇收我哋extra charge，同事當時都即刻叫我放心，話呢樣嘢係唔洗收費🤣，所以團隊俾我嘅感覺係好盡力幫手🙏🏻。

我先生原本諗住訂製西裝，但係睇過Mayona Wedding嘅西裝後，覺得啲款式都fashion，cutting又啱身，效果完全唔輸訂製，所以最後都決定一齊喺Mayona Wedding租。最後我細妹，雙方父母同埋我哋新人嘅禮服，全部都喺 Mayona Wedding 一次過租曬。同事喺pack衫嗰陣，會好細心咁pack好每套禮服同accessories，會寫明邊套係邊個，朝頭早定夜晚着都會寫清楚，完全唔會搞亂，還衫嗰陣亦都好方便😝。雖然我一開始話唔需要頭紗，但Mayona Wedding額外準備咗一條長頭紗同一條短頭紗俾我做備用，亦都冇額外收費，呢啲細節真係好好😆。我覺得Mayona Wedding嘅同事都係真心幫我哋，好似朋友咁， 唔會sell我哋，或者想我哋揀啲貴嘅款🥹。