呢一間婚紗攝影公司喺台中，我個人真係覺得係物超所值！佢哋啲價錢係fix好晒，例如我個package係$14000，包咗台中兩晚酒店，當日攝影嘅化妝、衫同所有嘢，仲包埋餐飯，剩係無包機票。除非你揀衫時想加錢要啲特別款，如果唔係嗰筆錢真係乜都包晒。我自己就覺得佢嗰度啲衫嘅款式真係好多，就算唔使加錢都會揀到心水款式！我覺得好多其他台灣婚紗攝影公司同佢哋最大嘅分別就係佢哋呢個價錢真係乜都包，仲已經有50張執好嘅相、一本相簿、一幅大油畫寄返香港俾你，當日影嘅200幾張相仲全部可以用隻USB copy走，全部俾晒我哋！感覺上我哋仲賺埋個旅行！因為佢係一早定好喺三日兩夜內完成呢件事，到埗第一日就去揀衫，第二日影相，最後一日就揀相。佢哋啲service仲好好，幫你call埋車返酒店。間酒店喺佢哋包埋，質素都好ＯＫ。啲相質素都好好，未執嘅相我攞到返香港一睇都已經覺得好靚。