當時我試咗三間唔同公司嘅試妝服務，最後揀咗Anna Creation嘅Yvonne🥰。因為試妝嗰陣，Yvonne俾我嘅感覺佢好有經驗，妝容嘅效果自然又靚。加上朋友都推薦Yvonne，令我對佢更加有信心🤩。因為都考慮到Big Day當日時間比較緊迫，我想要一個熟手啲嘅化妝師。試妝嘅過程當中，Yvonne冇hard sell我任何嘢，反而會俾足夠嘅時間我慢慢考慮😝。Yvonne嘅態度nice又隨和，所以溝通時嘅氣氛都非常舒服！

Yvonne仲好樂意解答我對妝容同髮型嘅疑問，例如我應該染咩髮色，點set一個適合嘅髮型🥳。Big Day當日Yvonne準時嚟到，表現非常專業😙。無論係妝容定係髮型，佢都做得好細緻，真係好啱我！我當日換咗五個造型，每一個都會配合唔同嘅衫同場合，效果睇落非常自然，又處理得好快💕。我本身有啲眼皮下垂嘅問題，Yvonne幫我修飾得非常好，睇落精神咗好多。痴眼睫毛嗰啲都唔會唔舒服，朋友同屋企人都讚當日嘅妝髮好靚💖。如果要講改善嘅空間，我會建議喺Big Day前可以再加強溝通，例如有多啲造型上點襯嘅細節討論。如果Big Day前可以有多啲溝通，新娘會更加安心😆。

我本身係wedding planner，所以有接觸過Anna Creation，當時已經覺得佢哋嘅化妝師技術唔錯。佢哋最吸引我嘅地方係唔單止化妝靚，化妝師仲非常細心，轉妝都好快，accessories都可以配搭埋俾我哋，又明白每位新娘嘅需要😆。試妝當日，化妝師Yvonne同我初步傾咗妝容嘅概念，佢又會教我點樣做skin care，感覺Yvonne都好鍾意自己嘅工作，而且佢根據我嘅婚紗款式都俾咗好多專業意見我💕。

Yvonne當日嘅表現真係好專業，佢好仔細咁處理每一個細節，會特別留意我頭髮有冇跌落嚟，確保我喺鏡頭前嘅造型達到係一個最好嘅狀態，Yvonne令我感受到佢希望我喺呢個大日子可以保持最好嘅狀態🥹。 Yvonne中間幫我卸妝之後，仲幫我敷面膜，等我休息好再重新上妝，見到佢咁用心去照顧每個細節，我覺得呢一種化妝師真係好少見🥹。大多數化妝師都淨係會負責化妝，冇咁認真去做skin care。Yvonne時間管理做得非常好，佢會計劃好所有步驟，同埋確保我換妝會有唔同嘅感覺。佢又會教下助手點樣做，令成個化妝團隊越嚟越好🌟！我覺得服務整體上非常好，但有啲地方可以改善。例如我當日係得一位化妝師， 所以佢哋人手方面都係比較緊絀，有陣時我都知新人喺旺季或者特定吉日搵心儀化妝師都好難🥹。