我揀Anna creation嘅原因主要係因為佢哋妝容嘅精緻度，因為我唔想太濃妝，想突出返自己嘅優點✨。試妝之前，化妝師Yvonne都會問吓我想要啲咩，會叫我俾啲reference佢，又會俾我睇吓啲新娘頭飾係點樣，都好細心。佢知道我想要自然妝感，同突出優點嘅要求，而佢真係做到我想要嘅嘢💖，所以就揀咗佢。試妝嘅時候，因為我本身自己冇化開妝，而佢考慮到呢一點。Yvonne會試埋濃妝係點樣，淡妝係點樣俾我睇。佢都係一個幾有經驗嘅化妝師，因為佢細緻得嚟但好快手。我本身有啲大細眼，其他化妝師喺處理呢個問題都用得比較多嘅時間，但係佢好快就處理咗呢個問題，連搵邊啲位要突出，邊啲位要修飾都好快👍。當時另一半都有陪我去試妝，佢都覺得好滿意❤️。我都會問Yvonne好多問題，例如揀裙嘅時候都有問佢意見，佢都會解答我呢一啲問題，令我都放心好多，對佢都好有信心🌟。

我都比較容易喊，Big Day當日朋友俾咗個驚喜我，我喊到個妝花咗，Yvonne好快就幫我搞掂個妝，我估Yvonne都知朋友有準備驚喜俾我，所以妝容上一早有做啲調整，所以補妝都好快😚。 當日Yvonne都跟得好足，其實到夜晚嗰陣Yvonne已經可以走，但因為我哋overrun好多，Yvonne仲留低確保啲嘢okay先走。因為我係搵出面嘅化妝師化媽咪嘅妝，但我發現我媽咪嘅妝出咗問題，嗰陣Yvonne主動幫手，幫我媽整返好個妝容同髮型，真係幫咗我好多🥹！其實當時我已經準備March in， 我哋都唔知點算好，佢就主動話可以幫手，因為佢都想我唔洗顧慮咁多嘢🥲。Yvonne嗰日真係摩打手咁樣幫我轉妝，因為時間上overrun得太多，佢令到我個心情可以冷靜啲，又可以好快手咁化到好靚嘅妝，真係好好🥰。

我諗Anna creation可能要擴充一下人手，因為真係太多Booking，我自己都早咗年半去book佢哋，因為我嗰日係旺日嚟，當日其實係得Yvonne一個人過嚟，冇助手，所以我覺得佢好犀利❤️，之後都推薦咗俾朋友，希望大家都搵到啱心水又做得嘢嘅化妝師🌟！ 

我覺得Anna Creation妝容嘅風格同我心目中嘅妝容非常吻合，睇落去非常自然同柔和，完全唔會有厚重嘅妝感， 呢樣對我嚟講好重要✨。 我其實試過兩間嘅化妝師，第一間嘅經驗就唔係咁好。化妝師黐假睫毛嗰陣，我覺得好唔舒服，眼痛得好緊要，整體過程有啲失望。但係喺Anna Creation嘅試妝體驗就完全 唔同。Yvonne 非常專業同有耐性，黐假睫毛嘅時候完全唔會痛，技術真係好好🥹！ Big Day前，Yvonne又會提早抽時間同我哋做一啲事前溝通，我哋都覺得非常安心🥰。

Yvonne仲俾咗好多實用嘅建議我，例如可以喺 Big Day 之前做一啲美白牙齒嘅護理，令到笑容更加靚，或者叫我留長啲頭髮襯返當日嘅髮型，推介咗啲生髮水同隱形眼鏡俾我，呢啲細節我完全冇諗到，Yvonne嘅提醒真係好貼心💯。 結婚當日，Yvonne 同佢嘅助手提前嚟到酒店，因為酒店嘅燈光唔係好夠， 佢哋竟然有帶埋啲設備上嚟，睇得出準備得非常充足💖。當我戴極都戴唔到隱形眼鏡嘅時候，Yvonne即刻幫我戴隱形眼鏡，成件事解決得好快，效率非常高。化妝過程亦非常順利，我甚至有多餘嘅時間去食個早餐❣️。當日Yvonne唔只幫我化妝，仲好有心咁幫我媽咪同家姐執吓個妝，會配合吓我屋企人嘅要求， 又會幫手我着衫嗰一部份，好主動咁幫我🥳。

Yvonne嘅態度非常好，手勢好好，完全唔會令我覺得緊張，仲會每一次都會問我咁樣化可唔可以，非常尊重我😆。 佢又會主動幫我同姊妹影相，再抽時間send返俾我哋，最後出嚟嘅妝感自然到不得了😍。 不過我都有啲建議想俾返Anna Creation，團隊入面有一啲同事技術方面冇 Yvonne 咁強，可能技巧上會有啲差距，可能需要再加強一下技巧🤪。