我pre wedding， big day photography同埋早拍晚播全部都係呢間MC Photography，雖然價錢都係頗貴，但係佢地係好好。因為影相其實係好主觀，我睇佢D相，一睇我覺得係我想嘅style，唔會好朦嗰種，真實得黎又唔會影到連幾多條頭髮都影埋出黎咁😂 個攝影師好專業，好似做埋大妗姐角色咁，同埋又好快手！化妝其實我搵左MC Bridal，佢同MC Photography係兩公婆，老公就係影相，個老婆就化妝，佢地兩個D時間夾得好好，所以成個過程不論係相定係片都係smooth，之後editing都係好滿意😎我地prewedding喺獅子會度影，影出黎係好似加拿大咁樣架，真係好似！！

因為MC係我老公個客，所以我有見過MC，大家見面已經係識架喇，大概知道大家背景咁。第一次見面都係好詳細咁講下點樣識到結婚，又俾左iPad我地睇。喺傾點影方面佢都俾左好多意見我地，例如我想要嗰種風格香港可以係邊度搵，咁佢又提埋我，如果天氣唔好嘅時候可以有咩second plan, 所以佢都好細心。Big Day前一個禮拜，佢又打過黎講左一兩個鐘，講下有咩要注意，所以其實佢係似一個wedding planner多過一個攝影師，幫我跟足整個過程😇 其實我無好認真咁樣格過價，到我埋單嗰陣，發現都好貴😳 但我覺得整體黎講，相、相簿、油畫、當晚print嘅相、條片，所有野都係好好！

我係機緣巧合之下上網見到MCPhotography，覺得佢哋啲相好靚，又發現有個朋友都係搵佢哋。另外，因為佢哋影好多W Hotel(即係我擺酒嗰度)，所以就好快決定咗搵佢哋big day同pre-wedding。我其實之前都搵過其他攝影師，好似Amee，Jenny，佢哋冇錯係影得好靚，用真菲林，但價錢真係太貴，pre-wedding都要成3萬幾蚊仲要係得好少相，big day package都係3萬幾蚊(得佢自己一個人影)，其他所有嘢都係另外加錢，我覺得有啲out-budget。而MCPhotography啲相比較接近我鍾意嘅柔和style，但係又未至於去到太貴。 第一次見到佢哋攝影師Mike Chan(MC)係coffee shop見，佢同太太Joseline係夫妻檔，太太就係化妝師。我big day冇搵到佢做化妝師，因為佢大咗肚就嚟生。MC講嘢都好似我咁快，好out-going，好confident，都令我好放心。佢哋同videography都夾到，都好專業。 MC其實好似做埋我wedding planner，當日全日嘅流程都係佢帶住我。MC當日影好多snapshot，不過我暫時只收到standard相，啲相好好！另外。因為之前pre-wedding啲相我都好鍾意，因為當時擺pose我自己覺得好奇怪，但影到出嚟係超靚；同埋佢好識玩光，所以我都好期待收到佢啲snapshot！