我主要係睇blog同埋佢哋自己website嘅相而認識到MC Photography。我覺得Mike佢嘅style係比較柔和，所以我就好鐘意。Mike係同佢太太夫婦檔，佢太太係化妝師，佢哋兩個都好隨和。而其實搵Mike影嘅呢輯相係第二輯相嚟，因為我哋之前影咗一輯外影好陰天，覺得美中不足，於是就決定搵日勁好天嘅去再影，所以約Mike嘅時候，我哋已經講明係想約到好天先去影。Mike佢都好忙，不過好在今年佢唔做oversea生意，就多啲檔期俾我哋揀。Mike佢哋唔包衫，只係影相，所以衫就要自己預備。不過佢會建議我哋可以去預備啲影相props，俾咗個list我哋，又教我哋可以去邊度買，例如啲Mr & Mrs嘅木牌仔之類。 我覺得成個過程Mike佢都俾咗好多advice我哋。例如我哋想去中上環嘅Agnes B Café度影相，佢就主動同我哋講話嗰間宜家唔俾人影相，會有職員出嚟阻止，之後就recommend我哋去其他Café，都俾咗幾間我哋考慮。雖然到嗰日我哋都係行過一間靚嘅就求其坐低影，但我都好appreciate Mike佢嘅細心?。而我更impress Mike 既係佢出相速度真係好快，因為我哋去搵佢時距離big day都唔夠半年，佢都答應我哋會盡快處理我哋呢個Job。最緊要嘅係，唔單止啲相嘅質素係好好，效率仲真係好快！