其實最初係我老婆上網搵到 Adele Bridal，佢見到 IG 上面啲相都幾靚同幾有風格，所以就提議試下approach佢哋。之後我哋了解咗多啲資料，就決定搵佢哋幫手影 pre- wedding。第一次見到 Adele Bridal 嘅團隊係影 pre-wedding 嗰日，老實講，我本人係屬於好唔習慣俾人影相嗰種人，一面對鏡頭就會好僵硬、好唔自然🥹。但係佢哋一開始已經好有耐性，氛圍好似朋友咁。Ray 同 Francis 一路影相，會一路同我哋傾下偈、講吓笑，令我慢慢放鬆落嚟，冇咁大壓力。佢哋唔會要求我擺啲好浮誇嘅 pose，反而令我可以做返自然嘅自己。影到後尾，我反而覺得原來影相可以咁輕鬆、咁舒服😙。

揀衫方面，Adele Bridal都好有耐性，因為我老婆真係試咗好多套婚紗，套套都好鍾意。但團隊完全冇唔耐煩嘅感覺，亦冇俾壓力叫佢快啲決定，反而係不厭其煩咁陪佢試到啱為止。至於我套衫，同事會按住我嘅膚色同身形俾建議我，但又唔會強迫我一定要跟佢哋意思，俾我一種真心想幫我嘅感覺。衫嘅款式選擇又多，我哋可以即刻揀、即刻試，唔洗周圍走去租衫，方便好多。加上我哋可以即場問攝影師同化妝師意見，究竟件衫襯唔襯場景、燈光啱唔啱，都可以即時知道，少好多擔心😆。Adele Bridal 嘅 studio 都係我哋其中一個特別鍾意嘅地方。空間大、環境舒服，而最重要係冷氣夠！我係一個好怕熱嘅人，加上緊張會出汗，但佢哋換衫位、影相位都有冷氣，真心好舒服。佢哋場景嘅佈置亦都睇得出係有用心嘅，所以Adele Bridal影出嚟嘅相有唔同感覺，效果都幾豐富🤩。

喺 wedding 當日，我更加覺得呢個團隊值得一讚。由我哋最初揀 pre-wedding，到婚禮嗰日，其實已經識咗一年幾，佢哋一路都 keep 住 contact 我哋，甚至夜晚都會覆message。攝影師Ray同助手Francis 真係幫咗我好多，由朝到晚，無論我哋著咩、流程點走、 時間點安排，佢哋都好熟手❣️。有時反而係佢哋安慰我，叫我唔洗擔心。我覺得最神奇嘅係誓詞嗰 part，因為我講錯咗一個字，但喺條片入面完全睇唔出，佢哋剪片剪得好好，真係覺得Adele Bridal好有經驗😍。影相方面，我真係要再讚下佢哋好俾心機，Ray 成日都lead住大家，由出門、敬茶、玩遊戲、影家庭相，都會幫大家調整位置、提醒細節。同埋Adele Bridal對長輩嘅要求都好包容，邊個唔想坐邊、想企邊，團隊都會即刻調整，務求大家舒服💕。有一幕我好深刻：我哋喺海洋公園水族館影相，咁我哋當時睇緊上面啲魚，完全冇留意佢。後來先知Ray瞓咗喺地下影相，嗰下真係覺得呢個攝影師真係好專業、好肯付出。 助手Francis又會提醒我好多細節，又一步一步咁教我證婚嘅嘢，甚至陪我 rehearsal。化妝師亦都好幫得手，我玩遊戲會出汗，髮型成日亂，但佢每次都會即刻幫我整理返。當日團隊一個眼神、一個手勢我就知道下一步做咩，呢種默契亦都係令我哋安心嘅來源之一。講真，冇Adele Bridal，我當日應該亂到爆，所以真係好感謝團隊嘅付出🙌🏻！

同其他公司比較之下，Adele Bridal 無論喺婚紗定細節方面都做得幾好，特別吸引我哋😝。同團隊接觸之後，第一印象係服務態度好好，老闆娘好 nice，同事都好細心，喺準備定安排方面都跟得好足🥰。Adele Bridal 對每個細節都好照顧，最後啲相出嚟我哋都好滿意，成個過程舒服又開心☺️。我哋揀咗 Adele Bridal 嘅pre-wedding 嘅服務，室內同室外景都有影。影室外相嗰陣，攝影師會俾意見我哋，仲帶咗我哋去幾個唔同地方。最後睇返啲相，效果真係幾靚，完全符合我哋想要嘅感覺。成個過程入面，攝影師唔單止會教我哋點擺 pose，仲識得帶動氣氛，好似一邊玩一邊影相咁，氣氛好輕鬆🌟。

啲相最後出嚟都有驚喜，尤其有幾張我仲 set 咗做手機 wallpaper😜。我自己特別鍾意攝影師影到嗰種型格feel，啲相唔會太傳統，比較特別。之後我哋仲因為覺得效果好，再返去 Adele Bridal 影咗一輯晚裝相，真係好想推薦佢哋俾更多人識🙌🏻！拍攝嗰日嘅氣氛亦都好唔同，之前有啲公司搞到好似上堂咁，又尷尬又辛苦。但 Adele Bridal 就好 casual，可以邊影邊傾偈，成個過程好輕鬆，咁樣對我嚟講舒服好多。啲相都變成開心嘅回憶，而唔係負擔！