當初係透過朋友介紹就認識咗ADELE Bridal Couture，比較過價格都感覺唔錯，就㨂咗佢。當初就由Rae同Frances佢哋同我溝通，佢哋都會俾多唔同嘅意見我哋，其中係傾Big Day流程嘅時候，距地既經驗同建議令整個流程更加順暢。😁

我自己Package就包含咗婚紗租借同攝影部分，Rea就係我Big Day當日嘅攝影師，而裙方面，我就有一共有3件，包括一條褂，一條婚紗同一條晚裝，先生就係一件褂，我哋都幾滿意佢哋衫嘅租借安排，佢哋款式都好多選擇😙，其中Fitting方面，我哋先後都有幾次試身，每一次都會幫你度身，所以如果考慮結結婚前瘦身嘅話， 都可以完全唔洗擔心唔岩身嘅問題，我係後期都將其中一條裙轉咗其他款式，都唔會特別收費，其中我Big Day㨂嘅酒店係香格里拉，佢哋都會係㨂裙嘅時候俾番復古系列嘅裙我，佢哋連裙方面會考過你Big Day場地同周邊其他嘢再俾建議你。🥰

Big Day當日，攝影師Rea提早咗半粒鐘就會會場，因為我嘅兄弟姊妹都唔係太熟悉婚禮嘅流程，但攝影師會主動做咗Wedding Planner，Lead住成件事，佢全日會提下一部分會應該做啲乜，所以令到成件事好順利，我哋婚禮當日都遲咗半粒鐘先完，佢都唔會計較，我屋企人仲以為佢係我好熟嘅朋友，所以全日都Lead住我哋去Run整日嘅流程🤓，當日仲有個錄影師，佢制作嘅片都好好，到當日完咗佢哋仲會直接拎走啲裙，因為其實結婚都好忙，佢哋呢個舉動都令我哋好放心，最後我哋收到嘅相同效果都好好，我哋都好滿意。👍

最開頭認識Adele 係由屋企人推薦，自己做research嘅時候發覺佢哋嘅package相對來講實惠啲。租衫連攝影夾埋嘅價錢對比其他公司平。衫嘅質素都好好，唔會俾人殘殘舊舊嘅感覺。我記得Frances曾經講過話佢哋衫嘅碼通常唔會大改，而且會盡力maintain，唔會好似其他公司改得好緊要。😎

而我覺得Adele最值得表揚嘅係服務態度，真係令到我哋輕鬆好多同埋方便好多。我哋每次想去試衫或者做fitting嘅時候都會同阿Rae、Frances傾吓計。間唔中就會同佢地傾吓rundown嘅問題，佢哋做慣早熟，有佢哋俾意見我哋都會安心好多。☺️再加上平時我同老婆都唔係好鍾意影相嘅人，所以面對big day我哋都會有好多問題要問，例如租車、係邊度影相等等。我哋嘅所有問題Rae都會好不厭其煩咁回答我哋。Frances喺前期都好細心，我老婆心思思想睇新衫嘅時候，都冇限制佢試幾多件。着衫嘅時候又會協助佢，等佢易啲着上身。佢依照我老婆嘅身形比好多意見佢，睇吓佢適合着咩款式嘅裙。😌同Rae仲有Frances嘅相處全程都係好開心好放鬆嘅狀態，唔會令到我感受到一絲嘅壓力。

佢哋啲衫應該都唔平，又keep得咁好，我都好怕big day當日手忙腳亂會整污糟。但係big day影相嘅時候， Rae會好貼心咁同我哋講，如果唔係專登或者好嚴重嘅污跡係可以接受，令到原本好緊張好徬徨嘅我哋都安心咗唔少。🙈當日我哋 surprise係big dayFrances都有來義務幫手，佢會喺影相嘅時候幫我老婆整一整條裙。賓客同屋企人都以為Frances係酒店入邊嘅助理，專門負責照顧我老婆，可想而知佢當日幾咁體貼啦。😗

當日Rae係負責影snapshot，正相係有一位叫Corner幫手影嘅，Corner會搞吓氣氛，講好多吉利嘅說話，相對地Rae捕捉角度比較多。😁 佢哋係攝影師嘅關係，所以會stay到最後。我太太除裙仲可腑直接交俾Frances，第日就唔洗專登跑多趟。🤓作為新人要籌備咁多嘢真係好大壓力，難得遇到一個咁易話為嘅商戶都真係好難得，我哋都好開心可以同到佢哋合作。👍🏼

當日外影之後，因為我地想係晚宴嘅時候可以送到全家幅比兩家屋企人留念，Rae都幫我地好快速咁執左兩張全家幅，令我哋有時間即刻去印出黎送比兩家，感覺到佢地係真係只要幫得到都會幫，唔係純粹收左錢做乜就淨係做乜。🥰