我係正式join Adele Bridal Couture之前都有係婚享會依度瀏覽過佢嘅資訊，睇到comment都好正面，仲攞過獎添！😆所以對佢嘅信心都好大。Adele嘅婚紗、晚裝都係佢哋自家設計，絕對唔會係容易撞款，好多都好特別。無論鍾意保守款定性感款都應有盡有，某啲性感款係好有復古feel，感覺上唔會真係好暴露。🥰而保守款係真係密實嘅，但密實嘅同時都好別出心裁。篷篷裙做裙底，然後一層層嘅lace係上面，成個感覺好優雅高貴，feel到設計嘅時候落咗好多心機。😍除咗款式靚之外，佢哋嘅設計會係新娘子嘅角度出發，晚裝會有設計啲袋仔係入面。裙掛相對婚紗同晚裝嘅選擇少，但勝在布料新淨。✨長老們對佢哋嘅裙掛、禮服都好滿意。而我自己認為佢哋嘅質素坊間未必做到，絕對係物有所值。👍🏼其他公司有啲係平，但好老實講會有少少淘寶feel，婚紗都殘殘地。有啲貴價婚紗就真係太特別，未必啱我。Adele就好識平衡，價錢相宜之外，低調得來又與別不同。

之後就講下服務嘅部分，佢哋真係冇得頂。我之前去其他鋪頭為啲職員chur親，不斷叫我落訂又話即場先有discount。但我真係比較反感hard sell，唔鍾意比人強迫嘅感覺。😖可能之前有過類似嘅經驗，我今次帶埋家姐上Adele諗住有個人可以幫自己，唔想再比人chur。但點知佢哋係一次都冇chur過我，只係Frances會介紹款式，就當我試上身已經覺得好滿意，準備落訂嘅時候佢都會叫我諗清楚先，又話就算之後有裙要加都得，唔需要急於搞掂。感覺到佢哋係以客人嘅感受為先，令到我覺得好舒服同安心。

另外就係佢哋唔會怕麻煩，我一開始攞唔定主意要試咩，Frances佢哋攞咗十幾二十件比我睇，當然最後就冇試咁多啦😂佢哋都會share自己嘅經驗，同你好似朋友咁相處。去到big day當日更加係因為有攝影師Ray同Frances嘅幫手先可以咁完滿。我當日化妝嘅時候，化妝師早到咗但最後化完足足delay咗成半個鐘。我本身婚宴已經係半日，好多事都好趕急，我甚至係著住裙掛係街到跑。攝影師見到有時個景好靚，會即刻幫我影幾張。係成個時間同氣氛都咁緊張嘅情況下，佢影嘅相全部都好靚。😉最令我激氣就係我自己book的化妝師竟然中間消失咗一個鐘去食飯，係多得Frances臨時臨急幫我set頭，真係辛苦曬佢哋。☹️如果只係掛住利益嘅公司，係絕對唔會幫你做咁多，佢哋係好為客人設想，值得一讚😎

我已經光顧咗Adele Bridal Couture兩次㗎啦，一次係婚紗相一次係家庭相，會去兩次當然係有原因㗎啦🤭我係影婚紗相之後再join埋影家庭相嘅，佢哋嘅種類都算多元化，風格係偏向歐美簡約。😉我自己就揀咗條一字膊嘅婚紗。其他鋪頭嘅婚紗可能比較俗氣、大眾，有啲睇落ok但係著上身就麻麻。至於服務方面，Adele嘅staff係我地揀婚紗嘅時候都比咗好多啱用嘅意見我地。而且超級有耐性同埋好nice👍🏼至於影相方面，佢哋係indoor studio，場景選擇都多，而且地方大，所以唔會有好迫嘅感覺, 都幾舒適😚。攝影師阿Ray影相好自然，有少少復古嘅感覺，感覺影出黎相都好耐看，package包埋嘅相簿都好靚！😍整個服務都令我地好滿意！