我覺得係緣份先會搵到Adele Bridal Couture～我本身都唔想去到咁遠嘅地方，原本都係搵返銅鑼灣附近，只係咁啱有日上網，ad hoc問咗幾間當晚可唔可以上去睇。當時有好幾間都係話唔得，但係Rae就話「我地而家比較亂，不過如果唔介意都可以嚟。」所以先搵到佢地。

我上去睇嘅時候，佢地係特登推返D衫出嚟俾我睇。我覺得佢地好flexible，唔會係咁chur，又可以一條龍服務，好方便，變咗個印象係好好👍🏻。另外，我先生係紐西蘭人，Rae都可以用英文同佢溝通到，唔使我成日都做translation，呢樣又係好好。

當然，我一定要鍾意佢地D衫先會揀佢地！唔單止係服務，而我睇完都好鍾意佢地D衫。佢地嘅衫variety好多，款式都好多。我自己本身都係有fashion sense，都有再比較過其他幾間，依然都係覺得佢地D嘢係唔錯。

嗰日我試咗成十幾件衫，佢地都完全無面色，同埋唔會俾壓力，同我係其他shop嘅experience唔同。可能因為佢地係自己business，都有空間可以大家攞出嚟傾同就時間，價錢都係好reasonable。

我地都係喺indoor studio度影prewedding，Rae佢唔似其他photographer咁好cool，而係好開心同我地好有交流，令到我地見到佢都會好relax，好多笑容，亦都影得好輕鬆。當然studio喺位置上始終有限制，唔可以有好多唔同場景去揀，但係都算OK。同埋我big day當日，我同先生對望揭頭紗嗰一刻，我地兩個都流眼淚，而且我見到Frances都有流！我覺得佢地真係好似當咗大家喺朋友先會咁樣感受到嗰種感動。同埋當日其實佢可以唔嚟，但係佢都有嚟到，又會提醒我唔同嘢，所以我覺得佢地真係一個好有heart嘅團隊。

 行婚展睇到Adele,都見過一兩次架喇，一開頭因爲唔想咁快決定，都想睇清楚啲，咁其實都有留意到佢個booth嘅display幾吸引嘅。直到去睇啲相呀，個陣都未做到決定😂因爲結婚咁多樣野，都想再揀下喇。咁佢都好好，唔會好chur我嘅，佢就話，咁好喇，你行一行個場，咁你真係ok先返黎落deposit，就做trial嗰個費用。我再兜一兜個圈，都覺得係adele吸引啲，咁就返轉頭搵佢地，佢又再show啲相比睇，都係我鍾意嘅vintage款式 😍跟住我就落左個deposit係for trial嘅，咁佢都好好，因為trial好多時候都需要係一個好短時間內book，後尾佢都俾我遲左去嘅，因為我話唔想咁急住。 上去嗰日我個胃唔舒服🤢咁佢地都好好，好體貼呀又虛寒問暖咁樣，提供左唔同款式俾我試。佢地都好nice,我試衫成個過程都係好開心😙後尾就決定左揀呢間。 我中間有外拍，佢都知我外拍間公司可能未必包婚紗，好主動咁關心問我睇下可唔可以度到個期，不過後尾因為prewedding 個間包，咁就無再搵返Adele, 但係佢隔左一段時間都會follow up 返📞聯絡我話，都差唔多時間要試下啲款喎～因為我係好早book, 佢就主動約我上去，俾左啲新啲嘅款式我去試。咁個過程都係好nice, 好愉快😝 佢地啲衫都好新淨，款式都好新。我個人比較鍾意vintage 啲，同埋多啲lace details, 咁佢地啲衫都係偏向尼方面嘅，同埋佢lace patterns 係好多款、好細緻嘅。啲衫都係佢地自己design😍你都真係睇得出佢地啲料都好有心去搵同揀出黎，或者每一件都會有啲唔同嘅signature。同埋有啲款真係幾特別，係出面都會好少見到類似，佢地都會有啲飾物、配件會問下你使唔使借埋呀咁樣 👍🏽可能結婚前都係緊張或者各樣原因瘦左，佢地都好願意去做返個微調。我覺得final fit個時間嗰到可以再去到結婚前幾日，因為我係兩星期前就final fit,始終個段時間啲身型上都會有啲改變，兩禮拜都可以有啲偏差，變左如果可以再近啲big day就更加好喇😙不過我自己無主動問到😅😅唔知佢地可唔可以轉個final fit日期，如果可以就會更加準確。同埋到我地攞衫，佢啲袋呀都係企理👍🏻 我覺得佢地性價比都可以架，因為佢個價錢同佢個料尼講，係唔算貴嘅😎當然市面上有啲平啲嘅選擇，但係我覺得佢果個網頁講得幾好嘅，係affordable luxury 。比較decent d 嘅款可能會有啲再貴啲呀咁樣🙈🙈同其他走呢個路線嘅公司黎講，佢唔算好貴，所有野除左final fit日子，都係好好!!!👍🏽