嗰時我同個好姐妹一齊行婚展，我第一眼就睇中咗Adele！我覺得佢哋個感覺好有性格，唔係啲大路款式。其中一樣好吸引我嘅野就係佢哋啲婚紗好靚而且好有味道，好特別～因為我自己鍾意vintage既婚紗，佢哋都有啲好靚嘅lace復古風婚紗，摸落去嘅手感都好正。加上佢走歐美風，每一件婚紗都有自己突出嘅地方。因為我要拎件婚紗去海外行婚禮，所以我唔可以要件太重嘅，仲有其他配件要帶過去，Adele嗰度嘅婚紗都滿足到我呢個要求，而且佢哋既婚紗無論係質料定款都唔錯！

傾嘅時候，感受到Adele嘅兩個老闆都好有心做成單生意，會同我地講得好詳細，不過唔會係好有壓迫感嘅推銷，份人又好nice。佢哋嘅員工都好好，會比好中肯嘅意見我哋，而且成日都會話唔緊要可以慢慢揀～

還衫方面簡直係我意料不及，正常係香港嘅婚紗租借通常都係2-3日就要還，海外嘅話就通常都要加錢先可以比我延長日子交裙，但Adele就話：「唔緊要我放心交得件婚紗比你，就幾時還比我都ok，只要件衫無穿無爛就得架喇！」我到最後差唔到租咗成7-10日先至還到比佢哋～但佢哋都無問題！

本身都聽過身邊好多朋友話啲公司比錢前同後好似兩個樣咁好大分別，所以我都好驚有咁嘅問題，但Adele佢哋係家庭式既公司，所以係好窩心，唔會話比咗錢就態度唔好，我真係由心而發地覺得佢哋好好，我都有喺網上面同朋友宣傳㗎！真係覺得無咩可以挑剔～～

我其實最擔心就係啲公司講到好好，但最後又比唔到，所以我好重視間公司信唔信得過。嗰陣同我傾嘅係Rae同Frances～佢哋喺兩公婆嚟～當你同佢哋傾既時候，會feel到佢哋唔係呃人。例如係當你同佢哋講你有咩要求，佢哋唔會夾硬嚟話咩都啱我之類，佢哋會好老實建議啱我嘅嘢，唔會咩都話好啊好啊，所以我覺得佢哋態度好真誠同好中肯，而且唔會hard sell。佢哋啲建議都好好，提供到自己好professional嘅advice，比我嘅感覺係好信得過！所以我一見完佢哋之後我連其他公司都無再睇喇！！

我喺佢哋嗰度喺用咗一條龍服務，除咗影big day之外，化妝、婚紗都係搵咗佢哋。我覺得佢哋化妝都ok，個價錢又唔貴，所以都好滿意。

影相方面，Rae係負責影snapshot，我好滿意佢啲snapshot，佢嘅風格同效果都好好；當日除咗Rae之外，都有另一個攝影師負責影啲正式啲嘅相，例如敬酒等等，佢啲相感覺上就比較standard。我自己就比較鍾意Rae嘅snapshot多啲，因為比較有feel同埋藝術感重啲，但係又唔係話另一個攝影師影得唔好，有時都係要有啲正式啲嘅相，只係我個人比較鍾意Rae嘅style。佢哋當日都好落力教我點樣影相，又好配合我～佢哋都有帶動到氣氛，因為我哋同班兄弟姊妹都係偏靜嘅人，佢哋都會比到建議我哋點樣影，整體都開心同埋滿意！