初初同Adele Bridal聯絡嘅時候，同事俾我嘅感覺好親切。因為我哋真係乜都唔識，但佢哋都解釋好清楚，好快就同我講婚禮嘅流程同建議，令我安心咗好多🤩。 喺試婚紗過程入面，我印象最深嘅係同事嘅耐性。有條裙我自己幾中意，但一開始著唔到， 之後再上去試多次，終於揾到啱自己嘅婚紗。嗰時 Francis 一路幫我揀，俾好多意見我，會同我講邊啲款啱我身形，邊啲效果會靚啲。其實我上去Adele Bridal兩次都試咗好耐，但佢哋完全唔會嫌我煩，仲好有心機咁陪我試。 同 Adele Bridal 溝通落嚟，我都覺得團隊真係幾有耐性，又會主動幫手，俾到一個好窩心嘅感覺我。對於我呢啲比較「懶」嘅新娘嚟講，呢樣真係好重要😍。

揀婚紗嗰陣，我本身冇打算特別減肥，同事幫我揀咗一字肩同 A-line 嘅裙，著上身之後效果好好，完全唔洗刻意減磅，都著得幾靚。我覺得Adele Bridal嘅衫啲cutting幾好，真係啱曬我。 成個籌備過程，我除咗返工仲要 part-time 讀書，好忙好攰。如果仲要自己周圍追問或者處理啲細節，真係頂唔順。不過一 book 咗 Adele Bridal，我基本上就交曬俾佢哋搞。最貼心嘅地方係，同事仲幫我哋送埋啲衫去會場，婚禮完咗之後仲幫我攞返去，慳咗好多時間同力氣🥹。對於已經好攰嘅新人嚟講，呢點真係好窩心❣️。因為有 Adele Bridal 呢個團隊幫我哋，我覺得輕鬆咗好多，唔洗擔心啲濕碎嘢🌟。

婚禮當日，Francis 全程跟住我幫手換衫，因為好多裙都係後面綁帶，自己一個真係幾難處理🥹。最搞笑嘅係換紅裙嗰陣，因為時間太趕，我差啲連廁所都去唔到。最後 Francis 陪我一齊去，仲幫我拎住條裙，真係又好笑又難忘，同時覺得佢好貼心，真係好照顧我💕。 除咗 Francis，仲有 Ray 同埋攝影團隊。Ray 主要幫我哋拍攝，仲有助手成日揸住機影相。我同老公平時唔習慣面對鏡頭，動作又唔自然，但攝影師會教我哋點樣擺 pose，我哋都後尾都放鬆咗。出嚟嘅相同片我都好滿意，效果真係幾靚。另外，喺空中花園，我哋仲用咗泡泡槍做效果。行入去證婚場地嗰陣，四周圍都係泡泡，真係好靚，啲相亦都好有特色🙌🏻。同埋我哋去咗交通安全城影中式衫，雖然環境比較市區，但出嚟效果都好得意。Adele Bridal團隊俾到我好大信心，我哋有咩諗法講出嚟，佢哋都會配合❤️。我真係好想多謝 Francis 同 Ray，佢哋好照顧我哋，令我完全唔需要緊張，可以放鬆享受過程☺️。

我係喺網上認識到 Adele Bridal，揀佢哋嘅原因主要係因為我有兩隻狗想一齊影相，我就想搵一間有拍攝寵物經驗嘅攝影團隊，之前都有睇過 Adele Bridal幫其他客人影嘅作品，都幾靚同鍾意😚。 Adele Bridal嘅服務態度令我覺得佢哋好專業，整體溝通上都冇咩障礙。拍攝當日，團隊都handle到個場面。我嘅狗狗其中有一隻係比較安靜，另一隻就活潑啲，但緊張嘅時候會撲人同埋瀨尿。攝影師都唔介意會有呢啲情況，仲好有耐心咁同我哋講唔緊要🥹。拍攝過程中，攝影師亦會特別留意到狗狗嘅狀況，有時佢哋會周圍走，但係坐凳就會定啲，所以團隊就搵咗啲凳俾狗狗，令佢哋乖乖哋，呢個位都值得讚賞💖。

Adele Bridal嘅studio好靚同大，都好多場景可以影。攝影師唔單止會留意狗狗，拍攝方面亦都好專業。喺影相嘅時候，團隊非常細心，會不斷教我哋擺pose，例如係頭嘅角度，隻眼望去邊咁樣，佢哋都俾咗好多實用嘅建議。團隊都會問我哋啲相有冇啲嘢可以執，但我哋覺得唔需要再執相，睇咗一次已經好滿意🥰。所以我覺得Adele Bridal值得多啲人識，都有介紹俾朋友❤️。不過我覺得studio二樓嘅安全問題可以改善下。當時我喺二樓化緊妝，因為我嘅狗狗都好黐身，上樓搵我嗰陣，我發現個欄杆都比較危險，一唔小心就可能掉落去。如果可以加強啲安全，會令帶寵物嚟拍攝嘅客人更加安心。