最初自己一路都唔喺香港，記得約佢哋第一次見面前後都改咗成兩三次先真係去到，不過佢哋都依然好用心同好有耐性。第一次面對面傾談嘅時候其實佢無乜點sale我，反而我之前睇過佢啲package已經知道係好平同好吸引。傾嘅時候佢都講得好清晰，同埋會盡量配合我同先生嘅需要，所以我prewedding、big day同婚紗都係用佢哋同租佢哋嘅，覺得佢哋好專業，態度非常好同埋好就得人。

試衫嘅時候啲衫都可以任意選擇，唔會有特別要加錢先有嘅款。我一早已經揀好啲衫，不過影相當日唔知自己係緊張定點，再加埋自己生理上嘅問題就搞到個人好漲，差唔多漲咗成一個碼咁濟，所有啲衫著唔落！我著第一件衫嘅時候，化妝師Phoebe已經發現到呢個問題，就同呀攝影師Rae傾又問我洗唔洗轉哂啲衫，咁我就我話唔洗。但係佢哋都無就咁見到問題而由得佢，反而會即刻諗好多方法去解決個問題，仲幫我搞掂好，又幫我換好哂啲嘢。例如本身件衫係拉拉鏈嘅，佢就幫我轉綁帶。又例如我個人漲咗，佢就幫我Set過個頭，放返啲頭髮落嚟遮一遮面腫。我覺得佢哋嘅態度都好好，好認真！

攝影師Rae好專業，記得當日去咗一個教堂度影，但個教堂封咗所以就唔比入。於是佢就叫我哋企喺個門口度，而佢就喺對面馬路影過嚟，影出嚟個效果就好似我地真係喺個教堂到影咁～真係好好！我覺得攝影師好細心同好有要求，例如頭髮有少少亂咗、條裙走咗位都會提返我。到影相嘅時候佢又會教我哋點樣輕鬆啲去面對鏡頭，會講笑話哄我哋笑。

化妝師Phoebe又係好專業，喺街嘅洗手間幫我換衫同化妝嘅時候都好有心機，特別喺涼亭嘅時候，我以為佢只係會幫我補少少妝，估唔到佢幫我成個頭拆咗再整，真係好有心機！我先生嗰日仲讚嘆:「嘩!真係好勁!」

仲有一個片段我好記得嘅，就係影相嗰日好曬好難避免唔皺眉頭。當時我同佢嘅距離都幾遠，但佢都會見到，佢會叫助手叫我:「唔好皺眉頭! 」。 化妝師知道當日好曬都不斷幫我哋撐傘同幫我哋噴蚊怕水，真係好細心。

相嘅質素出到嚟真係好好，我覺得好alright！執相前同執相後都好natural 好靚～而且妝容同髮型都好好，好natural，所以big day都選擇搵返佢做化妝。加上佢哋態度都好好，從來都唔會催我哋，亦都唔會唔耐煩。我哋有啲咩要求，Rae都無乜點say no，反而有時會覺得佢做extra比我哋 。例如我哋會問如果唔想整成長片段可以做啲咩? 佢就話可以整個Slideshow，仲問我哋有啲咩要求洗唔洗加啲歌，我哋都無乜所謂，咩都比佢發揮。初初以為會好似只係一張一張相咁彈出黎，但佢做出嚟嘅成段片係好有順序，啲歌大細聲同啲相又好match，有哂background，真係好犀利！

Big Day嗰日，Rae幫手送件衫嚟同收返件衫幫我慳咗唔少時間，仲比預定時候早15分鐘，真係好正～我真係好滿意。佢哋嘅衫款式好多又好靚，地方又好靚而佢哋又會鼓勵我試多啲，亦都唔會限住只可以試幾多件。基本上所有嘢嚟例如頭飾同頭紗都幫我take care好哂，一條龍服務令我唔洗咁煩惱！～

呢間係新開既，一開頭見佢d衫幾新同埋靚，所以揀咗佢。 但係我既經驗真係唔係幾開心！！！第一佢地好難book到時間，要Book好耐先得；第二佢地都幾 hard sell；最離譜嗰樣係佢話試完d衫無得改，話搵d野夾住就算！！雖然後來溝通完之後佢地都會改，但就搞到我地好似好皇恩浩蕩咁，跟著final fit要提前個幾月試！ 不過老實講，佢地D衫既質素係幾好既，D款都好靚，但我太太就重視服務既態度多D！雖然佢地價錢都ok，但係態度真係唔好，我真係唔係好推薦呢間，除非你頂得順佢既態度啦！