最開頭認識Adele 係由屋企人推薦，自己做research嘅時候發覺佢哋嘅package相對來講實惠啲。租衫連攝影夾埋嘅價錢對比其他公司平。衫嘅質素都好好，唔會俾人殘殘舊舊嘅感覺。我記得Frances曾經講過話佢哋衫嘅碼通常唔會大改，而且會盡力maintain，唔會好似其他公司改得好緊要。😎

而我覺得Adele最值得表揚嘅係服務態度，真係令到我哋輕鬆好多同埋方便好多。我哋每次想去試衫或者做fitting嘅時候都會同阿Rae、Frances傾吓計。間唔中就會同佢地傾吓rundown嘅問題，佢哋做慣早熟，有佢哋俾意見我哋都會安心好多。☺️再加上平時我同老婆都唔係好鍾意影相嘅人，所以面對big day我哋都會有好多問題要問，例如租車、係邊度影相等等。我哋嘅所有問題Rae都會好不厭其煩咁回答我哋。Frances喺前期都好細心，我老婆心思思想睇新衫嘅時候，都冇限制佢試幾多件。着衫嘅時候又會協助佢，等佢易啲着上身。佢依照我老婆嘅身形比好多意見佢，睇吓佢適合着咩款式嘅裙。😌同Rae仲有Frances嘅相處全程都係好開心好放鬆嘅狀態，唔會令到我感受到一絲嘅壓力。

佢哋啲衫應該都唔平，又keep得咁好，我都好怕big day當日手忙腳亂會整污糟。但係big day影相嘅時候， Rae會好貼心咁同我哋講，如果唔係專登或者好嚴重嘅污跡係可以接受，令到原本好緊張好徬徨嘅我哋都安心咗唔少。🙈當日我哋 surprise係big dayFrances都有來義務幫手，佢會喺影相嘅時候幫我老婆整一整條裙。賓客同屋企人都以為Frances係酒店入邊嘅助理，專門負責照顧我老婆，可想而知佢當日幾咁體貼啦。😗

當日Rae係負責影snapshot，正相係有一位叫Corner幫手影嘅，Corner會搞吓氣氛，講好多吉利嘅說話，相對地Rae捕捉角度比較多。😁 佢哋係攝影師嘅關係，所以會stay到最後。我太太除裙仲可腑直接交俾Frances，第日就唔洗專登跑多趟。🤓作為新人要籌備咁多嘢真係好大壓力，難得遇到一個咁易話為嘅商戶都真係好難得，我哋都好開心可以同到佢哋合作。👍🏼

當日外影之後，因為我地想係晚宴嘅時候可以送到全家幅比兩家屋企人留念，Rae都幫我地好快速咁執左兩張全家幅，令我哋有時間即刻去印出黎送比兩家，感覺到佢地係真係只要幫得到都會幫，唔係純粹收左錢做乜就淨係做乜。🥰

我幾年前搵Adele Bridal影過婚紗相，幾年後想搵人幫手影家庭相，再幫爸爸媽媽影多輯婚紗相嘅時候，就諗返起Rae同Frances佢哋兩個嘅舖頭，因為影婚紗相嘅時候我已經對佢哋算係一見鍾情！我覺得佢哋好真誠唔會呃人，亦都唔會好hard sell或者不斷慫恿我消費，成個過程都係非常之好。 加上我好鍾意Rae嘅攝影風格，所以我之後都毫不猶豫咁搵返佢哋幫手。Rae嘅風格好多變，活潑或者靜態嘅都得，我對佢嘅攝影技巧非常之信任，所以成個過程都唔會話過問好多。

至於佢哋嘅Studio就好有品味同高級感。兩層嘅studio入邊有六個場景，每一個風格都好特別，可以迎合到唔同嘅需要。 我爸爸媽媽影婚紗相嘅時候，禮服婚紗都係喺佢哋舖頭選擇。佢哋會了解我媽媽嘅需要再進行篩選，會諗吓有啲咩適合我媽咪。最後佢哋幫我媽咪揀嗰件真係非常之合適，試嘅時候已經覺得好靚好驚艷，絕對唔會係求其hea你。可能因為佢哋都幫過好多唔同嘅新人試衫，所以眼光都非常準，一睇就知我媽咪係適合啲乜嘢類型嘅衫。佢哋婚紗嘅款式唔會話好複雜，但都好靚，睇得出佢哋係專登為咗襯studio而比咗好多心機做選擇，feel到佢哋對美感有好大嘅堅持。

老人家其實都唔係好識擺pose，影相嘅時候都係靠Rae由頭帶到落尾。佢好有熱誠好用心機咁樣指導，令到我好放心。爸爸媽媽影完之後都不斷讚，無論係攝影、化妝、婚紗禮服都好都係讚不絕口。睇完相嘅時候更加覺得非常之感動，攝影師真係好識得去捕捉我爸爸媽媽嘅神緒。佢哋宜家仲不斷話要介紹俾唔同嘅朋友添！