我其實已經唔係第一次搵Adele Bridal Studio嘅Rae幫我影相㗎喇，我嘅家庭相不論係有老人家定係有小朋友，都係搵佢哋嘅，睇我post嘅相就包括咗唔同階段去影嘅結婚相、2019年第一次懷孕嗰時影嘅同今年第二次懷孕嘅相。因為佢哋嘅服務真係令到我非常滿意，如果唔係都唔會做回頭客啦！😂

我覺得佢哋犀利嘅地方係可以因應客人嘅需要調整風格，例如我自己就鍾意自然少少，唔係特別鍾意啲色彩斑斕/vibrant嘅相，都係鍾意natural light多少少。有一次我請攝影師幫我媽媽同幾個Auntie影相，老人家就會比較鍾意以前影樓嘅風格，希望顏色可以濃烈啲。攝影師都可以拿捏得好好，所以我對佢哋嘅專業係非常之有信心。

佢哋嘅專業當然唔單止呈現喺影相風格當中，係連一啲細節位都處理得好好。例如係佢幫我引小朋友注意，小朋友通常都唔合作，未必會坐定定俾你影，仲會走來走去添。但Rae佢都唔會話夾硬迫小朋友坐低，反而係會幫佢哋熱咗身先，例如比佢哋喺studio度跑來跑去啊，用啲零食氹吓佢哋。studio有啲公仔，都可以用來做吸引小朋友嘅工具。當見到小朋友有一啲好特別嘅moment，佢就會即刻影低佢哋最自然嘅反應，可以反映到佢哋對住小朋友真係好有耐性，分分鐘仲有耐性過我對住自己小朋友。😉

咁影老人家嗰次呢，因為我媽咪佢哋都上咗年紀，我唔想佢哋老人家走來走去，於是乎就請Rae去我哋屋企幫手影，佢好到會帶埋個backdrop上嚟，仲專登事前問定我媽咪佢哋當日想着啲咩旗袍，然之後去襯返個style。雖然唔係我平時鍾意嘅自然風格，但係影老人家嘅嗰種時代感，反而係好有驚喜喎。😳 有陣時老人家影相會比較僵硬，唔係好習慣對鏡頭，Rae都會不斷同佢哋講嘢，又係會幫佢哋熱下身。我覺做多咗呢個步驟個效果已經差好遠！由幫小朋友同老人家影依兩個事件，可以知道Rae真係好有耐性、好專業。😄

佢哋嘅studio好多景，有一個食飯枱係專門for family portrait、有大啤啤、花花、仲有火爐係for christmas，所以每一次影都會有好特別嘅體驗，係好開心嘅。😃另外我都好多謝佢哋肯彈性處理我哋影相超咗少少時間，因為有陣時BB突然要食奶，都會耽誤咗少少時間，佢哋都唔會同我去計較。不過我做客當然都識做啦，唔會專登去攞人着數嘅！只不過係想反映番佢哋係好貼心咁為客人去着想，真係一間服務超班嘅公司～😭

Adele Bridal 嘅Frances同Rae真係唔讚唔得，兩個都係好有熱誠好有heart嘅人，令到我嘅pre wedding影得好開心，效果都好好。🤩 一開始我係睇咗篇關於性價比高嘅婚紗店嘅文章，比Adele佢哋婚紗吸引咗先。上去鋪頭之後發覺佢哋嘅婚紗真係好特別、好新穎，例如係頭紗可以拆出來變其他嘢又可以一條裙四種著法，真係好意想不到。😆 Frances同Rae又好似朋友咁同我哋相處、傾計，傾傾下就join埋pre wedding，不過唔洗擔心會hard sell，成個過程都係好溫和好nice嘅。😇

揀衫嘅時候Frances會了解咗我嘅喜好先，然後按照我嘅喜好、要求揀啲真係適合我嘅婚紗。婚紗cutting千變萬化，膊頭位嘅變化都已經可以好大，如果冇Frances比意見我又比唔同style嘅裙我試，可能都未必揀到咁啱心水嘅裙。😍見到佢走來走去幫我攞裙，都覺得唔係幾好意思，因為啲婚紗都重嘛，但係佢就一絲不滿都冇。Frances思考得好全面，唔止係諗我鐘唔鍾意、襯唔襯，仲會叫我先生試完西裝再拍埋落我度影幾張相，預覽咗個效果先！未到pre wedding已經教埋我點擺pose啦嘻嘻。😬仲有，Frances連bow tie都幫我先生襯埋，真係好幫得手。

至於Rae就更加係out of my expectation，冇諗過佢影相影咗咁多年都仲可以keep到果團火。🔥佢講過一句說話令我好印象深刻，佢話佢唔希望每一對新人嘅相、動作都好似倒模咁，要有自己嘅個人特色，所以佢教我哋嘅動作都好多元化，細心到講埋要望咩方向。😳 除左係對影相嘅執著之外，我之前同佢商量去咩地方影嘅時候整咗個powerpoint，話比佢知我大約嘅要求，佢都會盡力fulfill。但當某啲requirement佢覺得唔好，都會出聲。例如係我當初想去大澳，佢就會話基於我powerpoint上面嘅要求，會有另外一個地方更加適合我哋。👍🏼對比我另一間pre wedding，就有好強烈嘅對比。佢哋唔會盲從新人嘅要求，而係從大局從相片質素出發去比一個最完美嘅方案。相處過程都係互相尊重，我會吸取佢嘅建議，佢都會理解我嘅要求。大家都係一個好愉快嘅情況下表達自己最真實嘅想法。🤔

另外就係我有帶埋兔仔影相，Rae都好welcome，但係小動物比較難控制，如果兔仔不斷郁，佢都會叫我哋兩個影住先，唔洗拖慢進度。😝 除左影相之外，我額外要求一個影花絮嘅攝影師which is係Rae要另外幫我搵嘅，佢哋價錢都好合理。收到相之後都好驚喜，因為一開始明明係話包基本調色，但係有啲靚到好似已經執咗咁，甚至係真係有調整，已經超越咗純粹調色嘅範圍。😉反映到Rae同Frances係好認真對待客人，唔會係一買一賣嘅服務，多左一種人情味。 除左係Rae同Frances嘅專業同服務態度好值得一讚之外，佢哋嘅場景都好吸引。應該係Rae自己一手一腳諗同整出來，而且數量多空間大。🙂Adele有兩層，一層就純場景，一層有一個位係擺衫，另外一邊都係場景，所以唔擔心揀唔到，係要擔心影唔影得曬添！😂