Adele Bridal嘅團隊回應得非常快，每次我哋有查詢，都可以好快咁處理，所以溝通上面都幾順利😚。攝影師都好主動同我哋溝通，會問清楚我哋有冇特別要求，例如啲相要唔要特別高清。拍攝當日，佢仲全程教我哋點擺pose、走位，甚至會解釋每個動作嘅效果，某個角度點解會影得靚啲，成個過程完全唔會令人一頭霧水😆。就算我哋對拍攝唔熟悉，都可以好輕鬆跟住佢嘅指導完成每個shot，感覺Adele Bridal都幾有經驗。團隊好nice，我哋有問題都可以問佢哋，都幾易相處🤪。

我覺得Adele Bridal禮服嘅選擇都幾多，我哋都揀到想要嘅款。同事都會推介啲款俾我哋試，又會俾啲意見同鼓勵我哋試唔同嘅衫。 就算我哋試得有啲夜，同事都唔會有講我哋走嘅感覺。另外，Adele Bridal安排嘅化妝師都非常專業。我自己平時唔係好識化妝，但化妝師會清晰解釋每個步驟，又會令我放鬆啲，而且幫我太太化妝嘅時候，亦都會細心聆聽佢嘅要求，甚至叫我哋俾啲reference佢，而化妝師都會配合我哋🌟。

拍攝過程中，雖然天氣熱，時間又長，團隊都好nice同專業，會同我哋傾計，又會鼓勵同照顧我哋，令到氣氛都好好✨。啲相出到嚟同我哋想要嘅效果差唔多，唔會p得好誇張，都好自然。我哋去嘅時候覺得個場地唔係好靚，但係因為攝影師佢哋捕捉嘅角度影出嚟都好靚，係一個好好嘅拍攝體驗，我都會推薦Adele Bridal俾朋友👍。

我哋揀Adele Bridal主要係因為佢哋嘅服務態度好好，每個package包嘅service都會好清晰咁講解，有啲乜唔包，要另外收費都會提返我哋，非常透明化，所以對呢間公司都比較有信心 👍🏻 。試衫期間，同事都好細心，會俾一啲相嘅sample我哋睇，又會俾啲意見，推薦一啲啱身嘅款式我哋試吓，而且佢哋唔會介意我哋試得太多，完全俾我哋時間慢慢揀，試到啱為止 🥰 。男裝同女裝嘅款式選擇都算多，設計都好新穎，加上佢哋提供嘅飾品都好特別，係佢哋老闆由外地精心挑選返嚟，俾新人可以多啲選擇做配搭，非常用心！😘

Bigday 前，攝影師都會提前同我哋夾吓rundown上嘅安排，俾啲建議我哋，又會問我哋想影啲乜風格。同 佢哋相處上都好舒服，攝影師本身人都好nice。我想讚攝影師Big day嗰日非常之有耐心，好多長輩都唔識得影相擺pose，佢都會好耐心指導大家，仲會注意埋一啲角度排位等等，又會執一執嗰位再叫大家影相，又會時不時提我哋要點企，非常盡責。佢對攝影嘅成品都有一定嘅要求，如果有少少唔靚嘅角度或光線，佢都會重新再影過，唔會同我哋計較影幾多張，所有嘢都做到好足。💯

成個過程攝影師都好helpful，全程協助我，主動幫我同場地經理，wedding planner去溝通，互相夾吓，協調部分做得好好，團隊令我哋真係輕鬆好多，會安排曬所有嘢，一啲都唔擔心。後期我哋見到啲相都影得好靚，我哋都好鍾意🥰 。場地嘅音響設備當日有出現一啲小插曲，佢哋同事都好主動積極幫我去同酒店同事溝通，最後好順利完成成個婚禮，呢個令我印象非常深刻，勁感動🥹。