Secret White 有好多裙款可以揀，同事會先了解我想要嘅類型同款式，然後介紹一啲啱我心水嘅裙。 Secret White令我印象深刻嘅係，佢哋唔會有好多硬性嘅rules，例如係試幾條要俾幾多錢或者限制數量，我可以自由咁去試自己中意嘅款，完全唔會有壓力。試衫嘅過程都幾順利，同事都會顧及我嘅 concern，例如我一開始想揀遮手臂嘅款，但試上身之後發現一字肩或者背心款反而更加顯瘦同好睇😍。佢哋仲會主動推介其他款式俾我，比起自己就咁睇相，好快就可以搵到最啱自己嘅款。整體感覺佢哋對婚紗好熟悉，款式都好多元化，佢哋又會不斷更新啲款。同時同事又好有耐心，會安排我試多次確認尺寸同款式，唔會逼我一次就決定，呢啲都令我覺得好舒服同放心😆。

成個試衫同溝通嘅過程，我真係覺得 Secret White團隊好細心同專業。同事嘅眼光好好，好快就理解到我嘅喜好同需求，即刻攞啱心水嘅婚紗俾我試，唔會浪費我嘅時間。而且價錢同流程都好公開，好透明，唔會hardsell我，會俾時間我考慮❤️。同事仲會 mark 低每個客試過嘅裙，方便我之後想再試或者訂返某條我試過嘅婚紗嘅時侯，就可以即刻攞返出嚟試，唔洗我再花時間形容係咩樣，呢個細節我覺得好貼心，睇得出佢哋好有經驗，會主動幫客人安排。另外，佢哋對尺寸都好重視，會預留空間俾結婚前可能瘦少少嘅新娘，確保最後攞到嘅裙係完全 fit。佢哋亦好溫柔，明白新人可能忙碌或者有壓力，會提我唔好咁遲嚟，確保一切順利，呢啲細心位令我感覺好窩心！😚

我覺得Secret White婚紗嘅設計最啱我心水，又有唔同風格💖。揀婚紗嘅時候，同事好細心，唔單止會根據我嘅身形同喜好去推薦款式，仲會留意埋啲細節，例如魚尾婚紗可以點樣調整啲pad，令整體效果更加好睇，真係好專業😚。Secret White亦都好有經驗，會考慮埋婚禮係午宴定晚宴，再推薦返適合嘅婚紗款式。我一共租咗三套婚紗，成個過程都好順利❤️。每次上去都要預約，咁就確保每對新人都有足夠空間慢慢揀衫，唔會太擠迫。場內最多都係得兩對新人😋。 Secret White將啲婚紗整理得好有條理，例如每條裙都有mark返邊條係 March-in 用、邊條係敬酒用，完全唔會搞亂。另外，佢哋仲送咗防走光貼紙，呢點真係好細心，頭紗亦都係免費租借✨。

我自己比較鍾意閃嘅款同魚尾款，佢哋真係有好多唔同選擇，我仲可以講出自己鍾意嘅元素，例如閃片、蕾絲、魚尾等等，同事就會根據呢啲元素幫我揀返最符合要求嘅裙，都幾貼心。如果佢哋嘅社交平台可以開返個 highlight 將唔同風格嘅婚紗放埋一齊，咁樣會更加好！另外，最值得一讚嘅係負責改衫嘅姐姐，佢真係好細心又專業，唔單止手勢快，仲會確保改完之後啲lace pattern係對齊，唔會馬虎交貨，勁有心機，呢點我覺得好難得💕。