我最初都有睇過其他類似嘅團隊，但就冇特別約上去了解。最後會揀Secret White，主要係因為見到佢哋啲相幾靚，風格都幾啱我自己想要嗰種感覺，所以就決定搵佢哋。喺婚禮之前，整體溝通上都算順暢，有問題問佢哋都會解答，感覺幾細心，唔會令我有唔知點做好嘅情況🥰。同佢哋接觸落嚟，我覺得最大感受係舒服，冇 hard sell，亦唔會俾壓力你一定要揀啲乜。 反而係可以慢慢講自己嘅諗法，佢哋都會聽，再俾返啲建議😋。另外，婚紗同晚裝方面嘅選擇都算多，我都有試咗唔少款，可以試到唔同風格，亦有機會試啲本身未必會諗到嘅款式。試身空間都okay，用落都方便，唔會覺得侷促。同事都會幫手揀一啲適合我嘅款，過程中都幾有互動。有一樣我幾欣賞嘅係，Secret White喺安排上都算有彈性，例如有時需要早啲攞衫，佢哋都會幫手 配合，唔會死板跟規矩，呢點幾加分。 如果覆機可以再快少少就會更加好！但我覺得唔算好大問題～整體嚟講，我對佢哋嘅服務係滿意嘅，由前期溝通到試衫同安排都幾順利！

Secret White 有好多裙款可以揀，同事會先了解我想要嘅類型同款式，然後介紹一啲啱我心水嘅裙。 Secret White令我印象深刻嘅係，佢哋唔會有好多硬性嘅rules，例如係試幾條要俾幾多錢或者限制數量，我可以自由咁去試自己中意嘅款，完全唔會有壓力。試衫嘅過程都幾順利，同事都會顧及我嘅 concern，例如我一開始想揀遮手臂嘅款，但試上身之後發現一字肩或者背心款反而更加顯瘦同好睇😍。佢哋仲會主動推介其他款式俾我，比起自己就咁睇相，好快就可以搵到最啱自己嘅款。整體感覺佢哋對婚紗好熟悉，款式都好多元化，佢哋又會不斷更新啲款。同時同事又好有耐心，會安排我試多次確認尺寸同款式，唔會逼我一次就決定，呢啲都令我覺得好舒服同放心😆。

成個試衫同溝通嘅過程，我真係覺得 Secret White團隊好細心同專業。同事嘅眼光好好，好快就理解到我嘅喜好同需求，即刻攞啱心水嘅婚紗俾我試，唔會浪費我嘅時間。而且價錢同流程都好公開，好透明，唔會hardsell我，會俾時間我考慮❤️。同事仲會 mark 低每個客試過嘅裙，方便我之後想再試或者訂返某條我試過嘅婚紗嘅時侯，就可以即刻攞返出嚟試，唔洗我再花時間形容係咩樣，呢個細節我覺得好貼心，睇得出佢哋好有經驗，會主動幫客人安排。另外，佢哋對尺寸都好重視，會預留空間俾結婚前可能瘦少少嘅新娘，確保最後攞到嘅裙係完全 fit。佢哋亦好溫柔，明白新人可能忙碌或者有壓力，會提我唔好咁遲嚟，確保一切順利，呢啲細心位令我感覺好窩心！😚