我係wedding planner介紹而識到Ling姐，因為我哋需要一位識講廣東話同普通話嘅大妗姐照顧兩邊嘅親戚，所以選擇咗Ling姐，因為佢兩種語言嘅能力都好強，可以完全照顧到我兩邊嘅親戚😚。同埋佢能夠滿足我哋雙方家長嘅唔同要求。我屋企嘅人希望大妗姐大方得體，而我老公嗰邊就想氣氛開心啲。Ling姐完全做得到唔同嘅風格，佢可以喺我屋企做到斯文得體嘅感覺，而喺我老公屋企嗰邊又可以營造到一個熱鬧歡樂嘅氣氛🥰。同Ling姐傾計嘅時候，我覺得佢好有禮貌，好friendly，幫我哋解答咗好多問題。雖然我同我老公對好多傳統嘅嘢唔係咁了解，但Ling姐俾咗好多寶貴嘅意見，同埋都會話俾我哋聽，如果我哋想傳統啲，佢就會解釋埋點解要咁樣做同埋啲歷史，或者如果唔係咁著重傳統，可以點樣去處理😆。

本身我哋好迷茫唔知道點做，尤其係過大禮嗰啲真係好緊張，成個過程都唔知要點安排，但Ling姐好快就幫我哋搞掂曬，唔洗再擔心任何嘢。就算過大禮嗰日8 號風球，但Ling姐完全冇令我哋擔心，佢幫我哋處理曬所有嘢，真係幫到我哋好大忙。佢會brief曬所有人，令成個過程都好smooth，佢又會先問我哋意見，再決定點做😜。 Ling姐就算有時忙緊，開緊工，佢都會同我講聲，咁我哋就會知道佢會遲啲回覆。呢啲小細節真係令我哋覺得好安心，同時覺得佢好有交帶😗，又會寫啲reminders俾我哋。Ling姐唔單止同長輩搞好關係，甚至同我哋嘅兄弟姊妹都打成一片，大家都覺得佢好親切、好容易相處，成個婚禮氣氛都好開心，我都好驚喜🤩。

我係喺網上認識到Ling姐，當時其實都有睇過其他大妗姐，但最後都係揀咗Ling姐，因為佢嘅笑容真係好親切，令人覺得開心🌟。同Ling姐聯絡嘅時候，佢真係好專業，無論係儀式嘅程序定係當日需要準備嘅嘢，有咩問題Ling姐都解答得好清晰。喺我哋嘅meetings入面，佢都會詳細解釋當日啲儀式會點樣進行。Ling姐主要負責出入門，當日都好專業同識得應變❤️。喺出入門嗰陣，Ling姐嘅氣氛控制做得幾好，長輩都笑得好開心💖。我哋都唔太熟啲儀式，Ling姐都會教我哋點做，感覺到佢真係有用心照顧每一個人🌟。

當日雖然有啲流程 overrun 咗，但係Ling姐處理得幾好，幫我哋追返啲時間🥹。 Ling姐都俾咗好多意見我哋，尤其係當我哋心情有時唔係咁穩定，但佢都可以幫我哋穩定下情緒，唔會因為啲小問題而太過緊張，佢嘅角色都好重要🥹。佢都好細心，例如撒米嗰陣，我唔記得帶米，佢都即刻幫手化解咗呢個危機💯。