當時其實都睇咗其他大妗姐嚟做下比較，但Ling姐嘅新人好評吸引到我，令我覺得佢特別親切又合眼緣，所以最後揀咗佢✨。同Ling姐溝通嘅過程中，佢俾我嘅感覺係非常有禮貌同友善，而且好貼心❤️。因為我先生當時喺外地，基本上所有婚禮嘅嘢都係我自己一手搞掂，Ling姐幫我處理咗好多屋企嘅嘢，令到我好安心💖。佢唔單止表現得好專業，仲會時刻留意住rundown，提醒我哋有冇啲重要嘢要確認或者準備。當日Ling姐控制氣氛做得非常好，長輩都十分開心，尤其係我爸爸媽媽，大家都好滿意。Ling姐都有主動提醒我哋要注意啲細節，講解每個流程，佢嘅專業同經驗真係幫到我好多😚。 最令我印象深刻嘅係Ling姐做完所有儀式之後，無即刻走，而係等到我戴好曬啲金器先至走，呢種細心嘅舉動真係令人感到安心和溫暖。成個過程中，我深深感受到Ling姐嘅責任心同細心，覺得佢好可靠🌟。 如果Ling姐有啲package推出，做一條龍服務，咁就可以吸引到更多嘅新人🥰。 

我覺得Ling姐嘅評價幾好，又幾合眼緣，所以都有信心揀佢🤩。Ling姐對我嘅問題都好有耐性，即使我有啲地方唔明，佢都好樂意去詳細解釋，甚至仲會搞啲gag，令我覺得輕鬆好多😚。最特別係Big Day嗰日，佢唔單止幫我主持敬茶嘅環節，仲令我啲親朋戚友都好開心，氣氛好好。我覺得Ling姐嘅風格非常輕鬆幽默，尤其係敬茶嗰陣，佢可以好自然咁氹到大家笑💯。

我有問過Ling姐當日嘅流程同一啲細節，例如係需要準備咩茶葉、茶杯等等。Ling姐話其實酒店一般都有提供，令我安心唔少，唔會太擔心。敬茶嘅時候就算親朋戚友有啲唔滿意嘅地方，Ling姐都可以用佢嘅口才去化解，講嘢都圓滑同有技巧，氹到大家都好開心👍。接新娘嘅時候，佢仲會同啲兄弟玩遊戲，呢個係我意想不到嘅地方，甚至佢對我哋年輕人時間觀念嘅包容性都係我好欣賞嘅地方，有時我臨時想搵佢，佢都會好快就覆到我，所以Ling姐真係好好，我哋都覺得好安心🙏🏻！