一開始我同MC講想搵大妗姐，佢就推介咗幾位俾我，最後我就揀咗Ling姐。同Ling姐溝通嘅過程當中，我覺得佢比較新潮同nice，同埋唔會太過進取，個分寸拿捏得好好🌟。Ling姐會講下啲儀式係做啲咩同埋要準備啲咩，我都有問佢問題。就算過大禮唔係佢負責，但係Ling姐都會解答呢一方面嘅問題。之後Ling姐都有特登同我約出嚟，解答咗我好多問題💕。

Ling姐嘅應變能力好好，可以游刃有餘咁應對長輩，所以我哋都會安心啲。我哋出完門之後去影相，佢會幫我哋睇住啲嘢，又會同姊妹講佢哋要做啲咩，幫手控制個場面💯。因為我哋得三個姊妹同三個兄弟，所以Ling姐幫咗我哋好多，出門嘅時候佢都炒熱咗個氣氛💕。我覺得Ling姐嘅打油詩真係好出色。喺早拍晚播條片，聽到佢嗰段表演，我睇返都覺得好開心，姊妹都興奮到拍手，氣氛真係好好😝。

婚禮上有啲傳統習俗，我都未必知道曬所有細節，但佢都會講解俾我知。因為我爸爸過咗身，所以有啲儀式要特別處理，Ling姐都會提點我，所以都覺得佢好有經驗同可靠，我都有介紹Ling姐比其他準備結婚嘅同事✨。 朝頭早出門比起我個rundown更加順暢，Ling姐都會教我着褂之後擺咩動作影相靚啲。同埋Ling姐令到我哋少咗好多煩惱，因為長輩都會比較信任大妗姐。坊間都有好多唔同嘅習俗，有Ling姐會令到成件事順利啲。因為屋企人都會聽佢講，解決咗我哋好多煩惱，有陣時自己講嘅時候都可能會令到大家之間會多咗磨擦🥹。

一開始喺網上認識到Ling姐，睇過幾個其他大妗姐嘅資料之後，最後揀咗佢🌟，因為我都係睇眼緣，同埋佢嘅價錢合理，而且又有檔期。Ling姐非常熱心，解答咗我好多問題，有時用message溝通未必太方便，佢都唔介意直接用電話解釋俾我聽🤩。Ling姐話有咩問題都可以問佢，無論係咪佢負責嘅部分，佢都會盡量幫忙，所以佢都係一個熱心主動嘅大妗姐💕。

我覺得Ling姐喺大妗姐呢個行業入面真係相當專業😙。因為結婚之前，我都有睇過好多關於結婚嘅資料，包括化妝師、攝影師嗰啲，發現Ling姐喺呢個圈子入面都好多人認識，都話佢非常專業，所以我相信佢喺呢個行業入面都有一定嘅口碑❤️。當我嘅攝影師同化妝師知道係搵咗Ling姐，都叫我可以放心交俾佢，當日時間上over run咗，佢同攝影師都可以配合返，追返啲時間，所以都冇乜影響到成個流程😍。

其實我哋對呢啲傳統禮儀完全唔熟悉，所以真係好多嘢都唔知🥹。喺每次溝通中，我都感受到Ling姐嘅專業，佢對所有細節都非常熟悉，無論係出入門需要準備咩，例如係紅棗，紅米、茶嗰啲，佢都話會幫我哋搞掂，叫我哋唔洗擔心，交俾佢就可以🥳。除咗一般嘅吉利說話之外，佢仲會有一段Rap令到個氣氛再輕鬆啲，俾大家嘅感覺都係好舒服。Ling姐一開始就詳細介紹成個流程，甚至當我哋屋企突然有親戚過身，我哋都擔心會唔會影響到婚禮，佢都非常耐心同我哋解釋。當中佢都擔心我哋心情會受影響，仲特登安慰我哋🥹。

本來我淨係book咗Ling姐嘅上晝，但後來有幾個親戚臨時話要喺中午嗰陣敬茶，但Ling姐都願意留低幫我哋完成埋呢一部分🥹，佢話希望呢件事可以圓滿啲，又驚其他姊妹唔識呢啲，所以呢個位我都覺得好驚喜，同埋都好多謝佢🥰，Ling姐甚至都冇話要額外收錢，俾我感覺係佢唔會斤斤計較，呢樣真係好值得讚💯！