我之前去咗一個朋友嘅婚禮，當時見到大妗姐Ling姐嘅專業表現，真係令我印象好深刻。原本我諗住結婚唔請大妗姐，但見過Ling姐之後，我即刻改變咗主意，覺得佢真係可以帶動整個婚禮嘅氣氛，於是就搵咗佢，都好有信心揀佢😆！Big Day當日，Ling姐全日都面帶笑容，成個人都好有喜慶嘅感覺，令到成場充滿歡樂嘅氣氛💕。同我哋新人溝通嘅時候，佢又會好認真嚴謹，務求每一個細節都做到最好，呢種專業態度令我哋非常放心，同埋佢真係好有經驗🥳。當遇到一啲突發情況，Ling姐都可以應對得好好，無論係幫我哋掌握時間，定係幫行動不便嘅長輩安排位置，佢都做得非常貼心💯。

我爸爸都有讚Ling姐嘅表現，姊妹們亦都覺得佢好有經驗💖。我覺得Ling姐收嘅價錢非常合理，甚至可以話係物超所值。佢唔單止專業，仲會主動同其他婚禮團隊溝通，確保每個流程都順利進行。最特別嘅係，婚禮完咗之後，Ling姐仲喺社交媒體上 tag 返所有有份參與婚禮嘅團隊，令我覺得佢尊重新人之餘，仲尊重埋成個團隊。呢種細心同專業，真係好難得✨。 

我當時係俾Ling姐嘅笑容吸引到，佢嘅笑容係有一種好喜慶，好歡樂嘅感覺，真係好啱做結婚呢啲喜事嘅大妗姐💖。 喺同Ling姐溝通嘅過程中，我覺得佢非常helpful同主動，每次都會主動講解好多婚禮上需要注意嘅細節，特別係啲新人未必知道嘅小地方🌟。Ling姐俾咗好多實用嘅提點我哋，佢豐富嘅經驗，幫咗我哋好多😙。而且Ling姐俾我嘅感覺係好專業， 對我哋嘅疑問都解釋得好清楚，真係幫咗我哋唔少👍。

去到婚禮當日，Ling姐負責出入門，成個流程安排得井井有條，完全冇混亂。啲長輩同屋企人都對佢嘅處事方式好滿意🥳， 而且覺得好安心，因為Ling姐喺當日係一個領導我哋嘅角色，大家都跟住佢嘅指示去做。最令我驚喜嘅係，佢會唱出門歌🤣，真係好有氣氛🥰。 因為本身我哋都唔係一啲會營造到好熱鬧嘅人，但有Ling姐去帶動全場，令大家都唔會覺得尷尬🥹。我哋大家都對大妗姐冇乜概念，經過今次之後， 有啲姊妹話如果冇咗Ling姐，成個氣氛可能會平淡好多，因為大家都未必知要講啲咩，可能只係單純飲杯茶，影張相就算，所以有Ling姐喺到，成件事會完整好多，同埋有感覺好多😍！

Ling姐都非常識得應變同細心，尤其係喺時間方面，佢幫我哋確保所有時間都係啱啱好，唔會太急，令我哋可以輕鬆享受成個婚禮✨。 另外，Ling姐好重視四大長老嘅意見，佢唔會要我哋一定跟住某啲傳統去做，反而會先了解長輩嘅想法，再因應情況去調整婚禮流程😚。呢一點真係幫到我哋去處理雙方家庭嘅溝通，佢就好似一條橋樑，減少咗啲磨擦嘅發生😝。