因為我地都唔知D習俗呀傳統係點架嘛，所以就想搵返個大妗姐幫我地跟下。跟住我上網見到Ling姐，聯絡左佢同睇下佢個page咁，睇落都覺得幾好，就約左出黎見面，傾完都覺得ok😉我都再有睇過其他嘅，不過其他就一般喇，我覺得黎D係人夾人嘅。我地最後搵左Ling姐幫手上頭、安床同埋big day幫手。 我覺得Ling姐佢本身都真係好細心嘅 😍我都好欣賞佢，佢真係會提點我地要準備D咩野呀，或者有時甚至幫我地準備定咁樣。如果無準備，或者準備得唔夠，佢都會臨時執生，反應都好快👍🏽我過大禮係比較早嘅時間，同結婚日子都距離一段時間。屋企你上頭個D習俗就唔見呢樣唔見嗰樣咁，因為我地都唔識呢D野🤔但係Ling姐好厲害咁幫我去籌辦成件事，搵到D野返黎，前一日就已經幫我地準備好! 中間同Ling姐個溝通都係好好，完全無問題👏🏻👏🏻 到左big day當日，佢表現得好好，好識搞氣氛囉，姐係好似好容易就已經融入左。咁我地本身係唔識架嘛，但係佢都會好識講野，同D屋企人好似好熟咁樣，令到屋企人都會投入D成件事。原本晏晝個段時間佢係休息嘅，因為朝頭早去完男女家，通常都係休息，跟住到夜晚先再出現。但佢就好好，跟埋我地一齊出去外影，同D兄弟姊妹一齊去玩😝 我D長輩都有講返話Ling姐做得幾妥當，因為我D長輩都覺得自己唔係好熟個D傳統野，咁有Ling姐係到帶住就會好好多，會好有安心感覺。

因為我長期都係外國，所以我成個婚禮都係盡量搵哂唔同嘅人幫我手。嗰時我搵咗個做影樓嘅朋友，佢就recommend 我搵Ling姐。之後我就同Ling姐見面，覺得佢係好有經驗，好熟手，就搵佢幫手。

我成日都唔喺香港，但係Ling姐都好好，幫我買齊啲嘢。好多嘢我都係要托佢幫我執，好似係椰子嗰啲意頭嘢，佢都好主動好細心咁幫我執齊。佢仲要係無任何額外收費，真係辛苦佢🙇🏻！

我上頭係凌晨四、五點個啲時間，真係超級早😅！我知佢前一晚都有幫啲姊妹忙，好多嘢要做，但係佢都係好精神咁嚟到，又做足哂啲嘢。 我屋企人結婚都無試過搵大妗姐，我今次搵完，佢地都話幾好👍🏻，多個人幫手，前一晚無咁辛苦，又會輕鬆啲。