Ling姐係親戚介紹，話好似幾好～我都有再睇下其他，但係睇到Ling姐Facebook啲評語都幾好，而且睇到啲相都覺得好開心，所以就揀咗佢～

Big day前我地有啲野唔識買又唔知喺邊到買，佢都會教我，又唔會怕麻煩，亦都會好詳細咁話我知流程等等。

Big day嗰日，我地長輩👴🏼👵🏼人數比較多，但佢好勁～斟茶呢個位，佢一個人搞掂哂30幾pair！佢安排得好好，又識講嘢🗣，令到好多長輩都好開心👏🏼👏🏼。Ling姐又帶大家唱打油詩，成個氣氛都好喜慶🎉～

我Big day收到嘅金手鐲都幾多，帶唔哂，又唔知點算，Ling姐就準備好哂啲紅線呀，幫我穿好哂佢地。跟住我地斟茶個度又唔夠杯，好彩佢自己帶咗一套嚟～～ 

仲有就係我地嗰陣有啲禮節做少咗，搞到嫲嫲好嬲，好彩有Ling姐幫我地氹返嬤嬤咋，令到成件事開心返！啲姊妹都話好彩有Ling姐～因為其實佢地都有啲嘢係唔識要點做～我啲朋友同姊妹都大讚Ling姐👍🏻👍🏻👍🏻！！

我地本身其實無諗住搵大妗姐，係咁啱見到Ling姐個廣告，就覺得一生人一次，多個人幫手都好呀，就約咗佢傾。個陣其實我地都未落訂，但係Ling姐都好盡責，又勁詳細咁答哂我地啲問題，所以我地最後都決定咗落訂。

中間因爲我自己住離島又返shift，所以真係好忙，但Ling姐成日都會問有無嘢要幫手，又話「我可以過嚟搵你飲茶」，好上心、好積極同埋主動。佢知道我D長輩好有要求，所以都話使咪見下佢地。我搵咗佢幫手過大禮，我屋企啲長輩好有要求，跟住就話我地做咩嘥啲錢請大妗姐。我都有同Ling姐講，佢都話「如果咁難做，唔緊要嘅，我可以退返啲錢俾你，唔好破壞你地關係」，但我真係好想佢幫手同埋覺得咁樣係唔fair，因為我地相處一直都好好，就決定要繼續搵Ling姐幫手。我覺得佢真係好顧及人嘅感受，好好👍🏻🤗～～

跟住到我要上頭，因為喺酒店上頭，佢早一日都打俾我，問我準備好哂呢樣嗰樣未，佢個陣喺金都，預備好幫我地準備埋。不過到最後我地都漏咗啲野，唔知道湯圓度要有紅棗蓮子個啲，佢都幫我地預備埋。

到Big day 當日，我地好多嘢都唔知，但佢都會跟好哂唔同嘢，又會好照顧我D長輩同我地嘅感受，會幫我地解圍，又好識搞氣氛，氹到啲長輩都好開心。我地都真係好感激佢🙏🏼！