有其他新人介紹Jason Pang之後我係婚享會依度都睇過唔少人對佢嘅評價都好正面，而且感覺上佢嘅作品都好符合我嘅要求，同先生商量之後就決定約佢去cafe坐低傾下。☕果陣對佢第一印象已經好好，Jason好有禮貌，態度好誠懇、專業。佢好樂意聽我嘅要求，之後先推介適合嘅服務比我，完全冇hard sell，成個過程都好舒服好smooth。👍🏼一直到big day前因為疫情費事出來開會，所以最後係zoom開咗個會，rehearsal一次同夾下流程（事前比咗rundown Jason)，可見佢哋都係跟得貼同盡責嘅。☺️

咁我Big day當日係跟足一般流程，朝早出門、晏晝外影夜晚晚宴，而Jason同Timothy佢哋一早就黎到新娘房做setting趁仲有啲時間幫我影咗啲相之後就再影接新娘嘅相❣️佢哋成條crew（2p1v)都好識活躍氣氛，大家都好開心。我本身諗住去南昌公園影外影，但係一時唔記得係紅日，當日有封路措施所以都幾麻煩。😪我好糾結要繼續去定係返酒店，而Jason依個時候就提議返酒店，話係酒店都可以影到靚相，轉數好快，睇得出好有經驗。而之後亦都好彩我有聽佢嘅意見，最後仲爭取到時間係附近草地影到拋花球嘅相添。😆

咁另外去到晚宴，因為都係要按政府規定10點要散，咁啱賓客都唔少，時間都幾緊迫，但係佢哋嘅time management真係控制得好好，可以係10點準時影完所有嘢仲要係每一個親戚都影到相。😬佢哋好warm嘅位係知道新人都心急睇相，會比預定回相期早好多比住1批我先，等我可以望梅止渴下。🤪 咁有heart嘅團隊，佢哋嘅相自然係冇得頂啦。我開頭仲會怕係房影相冇咩陽光，但係佢哋就調整得好好，運用光線運用得好出神入化，同時捕捉到好多touching moments，而且絕對唔會單一角度，畫面非常多元化，所以我都好鐘意係酒店房影嘅果批相！

我籌備婚禮嘅時候就上網做下research，見到有個關於婚攝嘅排行榜喎。當時見到Jason嘅排名都好高，而且其他人嘅comment都好正面於是就約Jason出來見面。🤩同埋唔知其他人知唔知，原來Jason曾經係香港空手道排名第三嘅人馬，我都係無意之中做research嘅時候發現到依件事。😳唔怪得之Jason咁紮實，咁有power啦。大家都知啦，全程攞住啲器材好重㗎嘛，佢咁大隻就無問題啦，揸機都會定好多呀嘛💪🏻

講返正題先，咁我鍾意佢係因為覺得佢影嘅相都比較接近歐美風格，而我本身package係包1男1女嘅婚紗禮服、化妝等等，後來我就加多1套衫、租車同埋男士化妝。婚紗禮服方面無論男女嘅款式都好高質好多選擇，而且唔會分grading，鍾意咩款式就揀咩款式。另一個關於衫嘅加分位就係佢哋會幫你貼身改造，姐唔係果d背脊拉繩 咩人都啱嘅款式，所以著上身就會好fit。😏

Jason又會幫我諗埋行程，因為我同老婆係戶外行山識嘅，所以我哋想去石澳同鶴咀依類型比較親親大自然嘅地方。🌳Jason就話鶴咀嘅路程都有啲遠，拎器材重之餘又要著晒婚紗禮服上去都會好辛苦，所以最後我都聽咗佢嘅意見冇去鶴咀。到影相當日，嘩我真係比Jason嚇親，超專業，印象中佢帶咗2部大機、8-9個鏡頭同2支大燈，真係少啲力氣都搞唔掂㗎！不過佢個助手都好高大，會幫手揹設備！😵咁Jason就會教我哋點擺pose、又會教我哋企咩位置影。佢所攞嘅角度、光線都係把握得非常純熟非常好。 除左Jason之外，化妝師都好幫得手，全程跟住我哋補妝呀、印汗呀咁，🤓仲會幫手fing下裙，照顧下我哋，換妝容都好好！佢哋好多嘢都可以比滿分，我自己呢就想佢哋價錢可以再調整下就好啦，加埋啲相就係滿分中嘅滿分啦～

補充返少少就係中間發生咗件事令我覺得Jason唔止攝影技巧好，連轉數都好快。因為香港真係太熱，我老婆影到一半有少少中暑，Jason見唔多對路就即刻提議轉地方去赤柱影。咁臨時臨急轉地方，時間一定係好趕急，因為太陽落山就好難影到靚相嘛。🤭所以一去到佢就即刻幫我哋有咁快得咁快不斷影不斷影，真係好專業😬

我老婆影完之後都好期待收相，有同我講話想Jason佢哋出相出快少少。咁我都有同佢講執相都真係要時間先靚同細緻嘅，Jason都想將最好嘅相交比我哋嘛，所以都唔急得。🤔其實我覺得不論係影相過程定係等收相，不論係男女都用樂觀心態去面對，成件事先開心嘛。我就真係當今次影相係去左次旅行咁，當日都執咗啲風扇、毛巾、野食去，淨係籌備過程都好開心啦！所以大家都要保持好開心嘅心情去完成一件事呀！