我哋註冊同結婚嘅時候就㨂咗Jason Pang Gallery Photography and Videography佢哋嘅錄影服務，本身我哋對註冊律師都非常之信任，係我哋婚禮註冊嘅律師介紹下認識Jason Pang嘅團隊😉

我哋本身唔係太鍾意要跟住流程同擺拍感覺比較重嘅Studio，想以記錄性質為主，過程對我哋最有意義同價值😌，我覺得同Jason Pang 團隊溝通都好順利，感覺好Free，佢哋會儘量滿足我哋嘅要求，各方面都好負責又有手尾，所有嘅細節部分都會做得足，非常之細心。💯

我過去都聽聞過唔少嘅錄影師或者攝影師唔會自動自覺做嘢，但係Jason Pang嘅團隊，從最開始註冊日起我哋從來都唔洗特別叫佢哋，佢哋完全係自動波😙，加上佢哋始終係專業，往往會幫我哋諗多一步，會比我哋當初Planning嘅時候做得更多，補足晒所有嘅細節，令我哋十分之驚喜。😍

我覺得佢哋每一次工作人員都係特別認真同負責，有時我哋反而覺得佢哋太有禮貌，因為我哋無特別搵Wedding Planner幫手，自己都唔想太操勞工作人員😝，但當日實在都太忙，未必可以顧及到工作人員嘅食嘢同Break time嘅情況，佢哋會同番我講佢哋做嘢唔洗專登Care佢哋舒唔舒服，最重要我哋做主角靚就得，仲會我哋搞掂晒所有細節，真係令到我哋好Warm。🤗

晚宴部分我哋無特別準備成長片段，所以就需要佢哋嘅團隊幫手做Quick editing，將原有註冊同Big Day化妝部分剪成一條片，其實時間方面都幾緊張，但佢哋都完成得非常之好💓。

註冊嘅時候都知道Jason本身好忙，但係佢係婚禮期間都突然出現同我哋Say Hi同打點，真係好驚喜，呢啲部分都顯得佢哋好用心。🤠