由於我哋想擺大概50圍，所以場地要夠闊落，選擇真係唔多。我嘅好朋友之前喺Grand Hyatt 到擺過酒，覺得成個體驗好好，啲職員又好專業，就介紹咗俾我哋。 睇場嗰陣，同事會介紹Grand Hyatt唔同類型嘅場地俾我哋認識，而且我最中意係佢哋嘅Ballroom，要上條樓梯再入巷先會到宴會廳，比較有privacy，唔會好似其他酒店宴會廳啲門口，而且場地真係好靚💕，仲非常闊落。

同事仲教我哋點利用啲空間擺多啲deco，感覺到佢都好熟悉成個場地！我本身就比較prefer free concept，可以自由發揮，因為我已經知道自己中意乜同埋想要啲乜，所以我就冇請wedding planner ，但係本身我就對rundown呢方面嘅安排唔熟悉，佢哋都好helpful😙，會幫我安排好啲rundown，教我哋應該要點做，一直喺側邊幫我哋手，而且佢哋見到我哋未搵 live band，event team就主動介紹俾我哋平時合作嘅公司。

好多小事佢哋同事都會注意，例如話我想加返個Cotton Candy Stand，佢哋就建議棉花糖會比較甜，就唔係好啱老人家，不如加返個雞蛋仔stand啦，比較懷舊😆，老人家小朋友都啱食，而且又好特别，好少新人婚禮會擺，仲搵返之前合作過嘅公司，俾contact我哋。Bigday當日，大約4點半我哋就開始證婚儀式，嗰陣時，就會有位staff全程跟身，會幫我整理裙，提醒我要飲水，睇下我有乜需要幫手，直到夜晚婚宴都全程follow我，非常專業。

食物方面，當晚啲賓客都話啲嘢食好好食，擺盤好精緻，份量都足夠，原本我哋仲擔心咁多圍枱，啲嘢食會唔夠熱，或者上菜時間會唔會delay，但整體上都好好🤩。我覺得整體上Grand Hyatt嘅安排都唔錯，因為當晚賓客都比較多，同事都handle得好好，會lead住啲賓客要行邊，要坐邊，指示都好clear。令我最驚喜嘅係，因為我賓客比較多長輩，所以我哋嘅guest list，sitting plan都改咗好多次，改到我都唔好意思，直到Big day嘅中午我哋先final confirm好所有list，同事真係好落力幫我解決問題！最令我窩心嘅係同事Jane 從籌備婚禮到結束婚禮都會一直keep住update我進度，做事好有交代，做嘢真係好仔細，仲好有經驗。雖然好多酒店職員都有經驗，但係 Grand Hyatt 嘅職員每位除咗有經驗之外，仲好願意幫新人一齊解決問題，又好願意遷就新人，會令新人安心好多！🥰

其實我本身都睇過其他酒店，但因為以前都喺Grand Hyatt參加過婚禮，我哋就比較鍾意佢哋嘅環境，設計上俾人一種比較溫馨嘅氛圍。❤️ 因為朋友有介紹過Grand Hyatt俾我，再加上我又去過，所以對Grand Hyatt有好大嘅信心，最後就揀咗佢哋喇！🥰 我哋直接去咗Grand Hyatt 睇場，同事都好 friendly，會先帶我哋睇一睇場地，場地方面就夠大，夠闊落，又整齊。睇場嘅時候同事講解咗好多唔同嘅資訊俾我哋，例如菜單入邊嘅菜式，唔同嘅場地可以fit到幾多位賓客，仲可以提供埋證婚服務。基本上需要嘅 service，Grand Hyatt 都可以滿足到新人。👍🏻 佢哋啲同事好樂意解答我嘅問題，又答得好快，好helpful，幫輕咗我好多。

準備 big day 前，佢哋都會幫我望一望我哋啲 rundown，好積極幫我哋籌備婚禮，會主動俾建議我哋，再睇吓我哋有冇地方需要幫手。👍 Big Day當日，Grand Hyatt就安排咗兩位同事幫我哋，一位就係Manager Kenneth，另一位就係Ada，兩位都好值得讚賞，會一直貼身跟住我，所有嘢跟得好足，會幫我整理裙擺，又會提醒我哋飲水，仲會睇下我有乜需要幫手，好好service。💯 當日成個婚禮好順暢，時間上都冇任何延誤，場地環境又好好，賓客好享受，而且都有朋友大讚Grand Hyatt 嘅嘢食好好味，尤其係個栗子甜品，食物水準都非常高，好高質素，我都好滿意。😋 整體同佢哋同事相處上都好舒服，好貼心照顧我哋，如果有朋友結婚我一定會推薦Grand Hyatt，我嘅婚禮有佢哋嘅幫忙，各方面都好好！💕