因為我會係教堂舉行儀式位，置位就係中環堅道，我就想婚宴場地係堅道附近嘅酒店🏨，所以中環、金鐘、灣仔都係婚宴考慮地點。😗場地我考慮過大小、位置同方便性嘅問題，係疫情之下太多uncertainty，我就想唔搞太大型嘅婚禮，大概8-10圍左右就最Perfect。👍

我都比較過幾間酒店，其中Grand Hyatt係MTR附近，無開車嘅朋友都可以好方便去到，而開車嘅朋友Parking方面都容易，加上有朋友有去過Grand Hyatt嘅Pool House食過飯，佢哋嘅Experience都係好嘅，同埋我個人就鍾意陽光，而睇場嘅時候覺得Grand Hyatt個場感覺好服，綜合價錢、場地大細等等嘅情況，最後就決定咗Grand Hyatt。🤓

當初我係透過Email聯絡Grand Hyatt嘅同事，佢哋就Send咗Catalog俾我睇，我都覺得幾Informative，佢包含唔同嘅Menu同唔同場地嘅Maximum capacity、Min charge等等，有齊唔同嘅資料，我都有同屋企人、未婚夫傾過都覺得唔錯，所以約咗時間睇場地。當時就由Hailey帶我哋睇場，佢好genuine，仲會俾啲好 personal 既 sharing我哋，就好似之前嘅客㨂邊個同原因，因為自己都係第一次搞Wedding，所以好開心佢會分享其他顧客會點做。😉

簽完 Contract，就有Dino負責跟我哋嘅Wedding，佢好reach-able，乜嘢時間搵佢，佢會定時提我哋Final check list提我哋幾時要定啲乜，成個過程我覺得好好。😍

Big Day當日，樓面有一位 Manager叫Dickson，佢會同我哋講番所有Flow嚟個Quick update講所有唔同嘅部分，我覺得佢哋都好醒目，Dickson係當日有乜Update都會即時同我講番，佢會定時話你聽乜嘢已經Ready，令你知道所有嘢都搞掂咗，可以開波啦，服務都幾貼心。🥰

整體上我哋同所有賓客都覺得佢嘅嘢食係好好食，大家都好Enjoy，都有啲賓客反映番佢哋幾鍾意當晚提供嘅酒，都覺得好好。🥳

因為我當初想搞小型婚禮，大概都係6-8圍，因為疫情原因，就住打針人數政策，所以場哋就有人數限制，因為未必所有Guest都有打針，就超過咗人數，我哋同酒店傾過相關情況，佢哋都好幫手，最後客人分別安排係Pool House同Drawing Room，我哋最終就擺咗6圍左右，而Drawing Room入面就4人一枱嘅形式。😃

當初酒店都有Invite 我哋去visit tour，亦都有帶我哋參觀同嘅房，Karen主要同我溝通，係傾Contract嘅時候，一開頭已經有提供Draft有齊所有Detail，我一有問題佢都好幫手同responsive，成個過程都解釋得好清楚。

Big Day當日Operation嘅同事都好幫到手，又好Nice，整體上都係Postive。👍 當晚就有個Wedding Assistant Toby幫手，佢會全程幫我整理裙，見我比較忙，佢都會儘量安排拎啲食物同飲品俾我，Toby知道我當晚無乜食嘢，都會將食物打包，送番上房，感覺好貼心。😊而場地經理Tammy佢會幫我處理佈置上嘅問題，又有兄弟姊妹講番成個流程，又幫手同MC夾番Rundown ，我聽番朋友佢哋都話酒店嘅同事好幫手。❤️

我覺得Grand Haytt幾啱擺小型婚禮，而又想精緻嘅感覺嘅新人。而食物方面，我當晚就有食過甜品嘅紫米露湯圖伴布甸，做型又靚又好食🍮，屋企人同賓客都覺得佢哋嘅食物整體都好好味，量都好足夠，因為平日時我哋去飲都唔會太期望佢食物質素，但Grand Hyatt食物方面就非常好，呢點係我都預計唔到﹐其中餐前小食包括鮑魚雞肉酥、焗叉燒酥同柚子拄，個個都讚好食，佢哋仲全部食曬😋。

我哋當日有HouseKeeping幫手執房，因為中午我哋有啲牛角包同Tart嘅小食🥐，但Housepkeeping就無問我哋，就將食物收走咗，可能呢部分再問下客人意見就好啲，但整體成個感覺都好好。🥰