最初我就喺網上留意到Grand Hyatt，我都比較過幾間酒店，但係我主要揀佢哋係因為佢符合我哋幾個要求，除咗有戶外場地，package仲可以包晒我哋需嘅服務👍。 我哋就透過Email聯絡Grand Hyatt嘅同事，佢哋都好友善，回覆得超快而且Package方面都講得好清晰，非常詳盡。☺️佢哋同事有同我哋確認好婚禮嘅流程安排，但係本身我哋rundown安排得比較簡單，佢哋睇完之後就俾返意見我哋，稍微修改啲細節，而且佢哋仲會提前話俾我哋了解可能會發生嘅情況，我覺得呢點非常好，好幫得手！👍

婚宴當日，我覺得個場地好靚，係望住維多利亞港，好闊落，裝飾方面都比較簡潔，睇落去好高貴🥰。當日我哋好忙，雖然冇吃到啲食物，但係食物方面好多賓客都話好好味，食物水準唔錯👍，大家都好Enjoy，而且有啲賓客仲話好滿意 Grand Hyatt嘅service，話酒店嘅同事都好幫得手☺️。 我仲好記得，佢哋安排嘅婚禮策劃師好負責任，會全程跟身，所有嘢都會跟得好足，而且仲會照顧埋我哋嘅情緒，會安撫我哋，叫我哋唔好太緊張，放輕啲，佢仲會斟水俾我哋飲，提供飲管俾新娘，擔心整花佢個妝，👍呢啲細節位做得好好，佢好俾心機服務每位新人。最後整個流程都好順利，會感受到每位同事都好重視我哋。☺️Grand Hyatt 有好多唔同嘅套餐可以選擇，新人可以根據佢哋嘅預算去揀，所以日後有朋友結婚我都會推介 Grand Hyatt。💯

我因為工作關係，所以對Grand Hyatt比較熟悉，compare完其他婚宴場之後，就覺得佢哋嘅服務比較好，場地又比較符合我嘅心水，而且Grand Hyatt嘅設施同器材相對嚟講係比較好，所以就直接揀咗Grand Hyatt。👍🏻 溝通嗰陣，同事都好nice，覆message都好快，我有咩問題佢哋都好專業咁答我，而且盡可能都會幫我解決問題。💯負責我哋婚禮嘅同事有2位，其中一位係sales manager。佢哋喺budget方面同好多方面嘅事情安排上俾到好多意見。佢哋會根據經驗提供建議，但係都會尊重我嘅意願去安排。🌟

Big Day當日，同事Dickson非常專業，而且好醒目，應變能力好強。就算我突然提出疑慮都好，佢都可以即時幫我解決到，例如當時其實場地未set up好，我覺得第一張枱同另一張枱太近，佢會好主動幫我調整位置，甚至我嗰日帶咗隻USB想試播video，但係負責video嘅同事就未到場，佢都好快手打電話俾樓下其他同事上嚟幫手試，Dickson對全部嘢都好熟悉，團隊合作性又好，所以Big Day整個過程都好順利。😍

有個地方好抵讚嘅係，由於我去過Grand Hyatt好多次，有自己中意嘅菜式。Grand Hyatt可以用返同一個價錢幫我調整menu嘅菜式！😋我自己本身係揀中式menu，咁啱Big Day嗰日係聖誕節，我就希望俾到賓客一個難忘嘅surprise，甜品就唔想要傳統紅豆沙，想將原有嘅甜品轉做Christmas ball造型嘅西式dessert，賓客都話好好食，好多謝酒店特別幫我哋去Design，我相信呢個甜品會成為Grand Hyatt一個好特別嘅highlight，連我自己都覺得係一個好好嘅experience，好特別！👍 Grand Hyatt無論係場地定係員工都十分高質，團隊嘅服務精神好好，好用心為新人服務！仲會根據顧客要求盡量配合，整體我都覺得成個Wedding都好完美。🥰